有次工人姐姐問我報咗嗰間小學係咪就等出年9月開學, 我話唔係仲有babababa個關卡, 第一關過唔到有可能要搬屋. 姐姐問點解咁麻煩, 佢小朋友就去屋企附近間學校讀, 我……唔識答, 苦笑….
因為小朋友係有限智能, 屋企附近的小學都係傳統勁chur的, 所以搵咗間另一區的happy school (我知小學都唔會happy得去邊), 如果”自行”入到, 搭車接送其實都唔大問題. 但入唔到, 大抽獎都要搬去嗰區先有啲機會. 就算都派唔中, 嗰區都有幾間冇咁chur的可選擇. 唉, 小朋友冇能力叩門同人爭, 但唔小心入到間chur爆又勁擔心, 心很累.
”自行”結果倒數一星期……好擔心又咩都做唔到所以上嚟呻下
感同身受過呢句，但因為講既係工人，我知對佢來講突然轉校好麻煩，例如佢既恆常routine 要改，一班熟晒既工人姐姐無得日日見，新學校遠左好麻煩等。佢唔會理呀少主學校係咪適合，佢只會care自己方便左定麻煩左，然後再比d聲氣你聽。
既然你覺得轉校或搬屋係岩就繼續做，唔好理呢d無謂雜音。佢都係收你錢打工，就算佢要送去長洲都要送架啦。
下星期自行，但結果一早定左，做足2手準備到時就唔驚啦。
呢段時間係好煎熬
唯有期望嗰間學校唔太熱門，多左人移民等等原因，希望你小朋友一擊即中，唔使等到大抽獎。
入岩學校，小朋友有信心，學得開心，一味chur，對有限智能的小朋友唔適合。
工人的便利從來不是考慮因素，佢只係來打工，一切以小朋友合適為中心。
祝你小朋友入到適合佢的學校
其實姐姐都好好, 好錫小朋友, 只係佢唔明點解香港有呢個制度.
佢嗰邊好簡單, 香港又自行又大抽獎就變得勁複雜.
而家已經睇定啲租盤, 學校資料排晒次序, 希望自行唔中, 個心都冇咁慌
多謝你.
有時都唔知同邊個傾, 人哋未必明你小朋友咩情況, 會奇怪你仲咩唔俾佢試下考直資呀, 嗰區啲學校上唔到Band 1中學英中喎…解釋唔到咁多.
最後小朋友如願去到你想入的happy school嗎？
什麼叫有限智能?小孩子連小學都未接觸就判定孩子能力問題? 其次怎麼先叫做Chur?家中父母能令孩子覺得讀書係開心,自然怎麼類型既學校都可以適應及面對,呢D就真係令孩子學到野,亦都應該係咁令孩子去學習成長,咩合理念既學校先會令孩子好,咁同在溫室中既小花有咩分別,小學距離家中最近永遠都係最好既學校.
我就唔講我啦,這裡有些妒忌既人講我. 我可以講我認識既一清潔位工人姐姐,她的孩子都係身在填鴨式學校學習,一樣可以考第一,今年都入到孩子喜歡既中學去. 所以要令孩子讀書好,唔係因為chur school或happy school,而係孩子在家中及學校成長中享唔享受到讀書真正樂趣.
收皮啦，最簡單中文都狗屁不通，妒忌你乜？好地地分享唔得嘅？蝗蟲係咪普遍都係自卑變自大？
佢真係好恐怖.而家直情自戀到覺得人地妒忌佢. 有病就食藥呀
中文唔得都可以令孩子5*,你咁得又如何?明白你們的妒忌
大媽你唔好ON9 啦頂你. 有病食藥啦
去人地教育討論區, 人地唔想理你要係度搵位比人鬧黎賺存在感.你真係好可悲
我回埋你呢句唔回啦廢事又幫你賺0.5. BYE
不如你google下或去認識下先
井底之蛙 
「有限智能」係醫學名詞，應該係醫生判定的。
有限智能，EDB 特殊教育叫 ID…
即係未低到智障學校但普通學校都係高攀。
算啦, 你同佢唔同level, 唔好再回果d 人喇。好似公園d 孤獨老人自言自語唔知鬧乜咁, 一有人回佢就得戚喇
係啦, 無啦啦話人妒忌佢, 可能已病入膏肓? 
入到呀, 自行就收咗, 係返學遠少少, 但都可接受, 我每人送佢返學之後返工
呢兩個幾禮拜(連埋8月尾小一準備班), 小朋友放學返嚟都開心, 問佢鍾唔鍾意返學佢話鍾意, 功課量暫時唔多, 但接觸的老師都好nice, 對我同個小朋友嚟講, 係個好開始, 我也擔心少啲.
恭喜你呀，入到心儀學校同埋小朋友適應得唔錯！我都好明白你之前嘅心情，我小朋友資質一般，又有SEN問題，我冇好積極考直私，又冇外補，身邊人就會覺得我好似冇為小朋友著想鋪條好路俾佢行。
我只想按步就班照佢能力去等佢學習，好似就等於hea、冇計劃……我嘅角度看小朋友能力未到，咁早十全大補都係浪費金錢……
我想佢喺一個符合佢能力嘅環境下學習，睇吓大個啲會唔會激發到佢學習嘅興趣。
多謝你. 其實大家都係想小朋友好, 只係方法唔同, 我都唔會勉強小朋友去考直私又冇外補, 只係報啲興趣班/訓練, 等佢見多啲人, 亦都睇下佢邊方面有興趣.
每個人都係獨特的, 唔會話得一個方法啱晒所有人. SEN小朋友都有佢哋潛能, 係未發掘到啫.