心大心細，唔知做唔做好
想cool 好多年，唔嚴重，有少少哨，但真係好好好唔中意
1個讚
我係剝咗4隻，cool 完下巴尖左，成個臉型靚哂。早cool 早享受
1個讚
大過咗cool就無計啦
剝牙再cool，cool出嚟面型靚，我自己同朋友都有cool牙。覺得值得。
牙齒不齊仲哨，一早整
外觀好大形響
我三十尾先箍 後悔太遲箍
（我原本已剝咗兩隻所以箍時唔使剝）
雖然你要剝四隻小𦥑齒係好心痛
但會靚 抵得番晒
我都係三十幾歲先箍，後悔唔早啲cool
以為影相成日就住角度或者唔敢露齒笑。
依家箍完就唔介意人地見到自己棚牙
想問你哋當時係要剝幾多隻牙㗎？記唔記得剝邊隻？
你係大個咗先剝？剝4隻驚唔驚？
你原本已剝果2隻係咪智慧齒？
係呀智慧齒
Btw 我仔都要箍牙 醫生又係叫佢剝四隻小𦥑齒
我都1516中 因為佢而家得26隻牙 剝完得22隻 好少牙咁 所以我都好明你嘅心情 
係，28歲先cool，吾驚，我分開2次剝。不過要忍受醜樣（冇牙妹）一段時間
我係剝咗2隻小臼齒，醫生建議得開題不大，同樓上一樣後悔太遲箍牙。
箍左真係美觀好多, 影相笑起上黎上鏡啲
而且除左靚啲, 對清潔保健都有幫助, 啲牙整齊啲清潔起上黎無咁多地方清潔唔到, 用牙線有效啲
同埋老咗整容易有箍牙臉
要好勤咀嚼
我箍嗰陣時都有箍牙臉 但脫箍後就無啦
食多啲嘢 面珠兩舊肉先會靚
你果陣幾多歲？咩叫箍牙臉呢？
你接受少少哨咁多年，唔整就唔整
37左右
箍牙面係因為箍左牙有啲痺
咁成日懶得咀嚼 面珠兩邊咀嚼肌會笠咗入去
就會好核突
所以要專登去咬啲嘢食 唔好成日食軟嘢
你search 箍牙臉就會有樣睇
你果陣痛唔痛？會唔會痛到瞓唔到？
每次調節鐵線都會有啲不適 痺痺地一日咁上下
但唔會痛
我係用自鎖式箍牙 會有鐵線
醫生會問我刮唔刮肉 會調校啱條線
牙上面固定嘅鐵粒如果刮 醫生會俾啲軟膠你痴住個位 不過我都無乜點用過