佢做得好時當見唔到，繼續不停攻擊佢個身型，只要做得少少唔夠好，啲人就好似中咗六合彩咁，抓緊機會攻擊佢，集體網絡欺淩
佢都係人佢都有情緒，點解網民不停惡毒咒駡佢5年就可以，佢反擊就唔可以，佢今次咁嬲因為呢個人話自己係心理專家，成日出post叫人要注意心理健康
5個讚
我絕對支持佢企硬， 適當時就要反擊。
其他藝人都係。 尼d 唔係份糧包既
4個讚
其實香港人係咪對偶像2個字好反感？！認定左偶像一定係呃飯食嘅偏見，咪咀一定係錯，鏡出道以來咁耐就mean咁耐，我開頭都笑佢地抄韓流，但後尾覺得佢地唔錯，起碼為香港樂壇帶來一股生氣，唔再係企定定唱歌，終於有表演睇下，但不停有人挑剔唱歌唔好跳舞唔好靠個樣，其實拉勻來睇都唔係咁差，點解要講到咁衰
好啦講返姜濤，佢日日俾人鬧，又話佢肥又話佢冇料，大佬人來架，有時肥有時瘦有幾奇呀，而且冇乜影響個樣有乜問題，使唔使日日講
不過我聽返朋友講佢係公開活動對班粉黑面，呢樣就真係要改改佢
1個讚
佢出埋對方名同樣係衝動咗嘅，個人覺得，就算唔係咪咀，本身喺台笑到唱唔到都爭唔落。
笑場我都覺得佢真係要審視返自己個問題，俾人話都好正常
但佢真係冇咪咀，咁嗰個人話一聽就知佢咪咀，佢反駁返係冇問題，至於佢出人名係有啲衝動，可能呢個人嘅身份刺激到佢某啲底線
經一事長一智，希望佢下次可以處理得更好
3個讚
仍然覺得佢唔應該出埋人哋名同樣，一石激起千重浪，佢應該知道後果。
3個讚
佢出了story道歉
睇到呀，但成熟嘅應該做之前要三思，fans 會包容，但對於其他人就只會對佢減分，haters 更加執到寶咁無限放大。
佢每次有少少出錯，網民都好似想置佢於死地咁，不停咁鬧同咒駡，呢啲人究竟想見到乜嘢結果呢？
我見過有啲留言真係惡毒得令人好心寒，亦好怕佢情緒低落時唔覺意睇到呢啲留言
3個讚
尋日Facebook/IG洗版報道佢反擊網民，今日洗版報道佢道歉，平時關唔關佢事嘅嘢，報道都要提下佢個名嚟講，已經唔好計嗰啲批評佢嘅post同留言，見到都覺得佢一定壓力超大，除非佢可以做到遠離網絡世界
唔好講乜食得鹹魚抵得渴，做呢行唔代表就乜都要死忍，當然佢企係風急浪高位，一言一行更謹慎更深思熟慮，都係保護自己嘅一種方法
3個讚
好耐無留言喇，但係都專登入嚟想講一句：我對姜濤無失望過呀！
點解做藝人，無論合唔合理嘅批評都要硬食？因為佢係藝人，大家就覺得佢份糧包咗？
而家成個風氣係toxic到想推佢去死喎，一打開媒體、社交平台，全部都係有組織性咁攻擊佢，笑佢鬧佢乜都有，睇啲haters攻擊佢嘅力度，到底姜濤係殺人全家定係賣港求榮？問心，合理？
佢啲粉絲有部份係好激進，但都好多係理性講道理，但haters話人就得，人哋話返佢，就回一句「鏡安法」得埋嚟！我本人真係好反感呢個term，要有幾涼薄先會咁講？如果鏡安法有X安法咁勁，班haters仲生存緊呀？
我覺得姜濤比起Y2K嗰時啲偶像，已經高好多班喇，中間有一段時間，香港樂壇係一池死水嚟，而家有本土偶像追，我覺得好欣慰喎！係都要搞死晒所有嘢先安樂咩？
利申有睇佢演唱會，佢真人唔肥同唱得好好喎！未到實力派，但無咪咀，亦無走音，我老公睇完都讚佢，我都覺得佢好有潛質，但佢如果改善吓啲表達能力就更好！
希望佢捱得過呢啲考驗啦！
16個讚
EQ低只會吸引其他人攻擊佢，但係咪批評一定係無道理呢？如果覺得其他人係盲目攻擊，其實唔需要咁大反應去回應，其實係咪心底裏都覺得俾人講中？
我覺得一件事還一件事。
姜平時係有好多haters話佢，有啲係激進。
但今次個個人只係係一條片下面留言(唔係姜ig)叫佢專業小小，無激進說話。佢就即刻post人公審。我覺得姜eq係低。
同佢係公眾人物就要有會有haters既覺悟。
7個讚
現在佢情況， 係好多人將佢出錯就放到好大， 加上有另一班人對佢太高期望
咁佢出嚟講返話無咪嘴咪得(我無研究佢係咪咪嘴)，洗鬼公審人。本身呢個行為就係唔啱。仲要個個人又唔係去佢ig話佢。
3個讚
諗多咗，haters邊度都有。
我係估吾到有d YouTuber抽水。 早上一代未有forum, 吾同歌手背後既雜誌都會做對手既新聞去攻擊
佢做得唔岩就自然要為佢嘅行為付出代價，好明顯佢今次有面對返個後果，佢冇閃咗去喎
但網民呢？係咪就可以繼續無理批評同惡意抨擊佢？
6個讚
激嬲佢嘅係嗰句一聽就知佢咪嘴，評論嘅佢嘅人夠自稱係專業人士但又講埋啲唔負責任嘅嘢，嗰個人都好唔專業喎，事實上今次佢真笑場唔啱，但有睇段片就知佢有咪咀，只係首歌唔知點解播咗原聲，佢開頭係有唱，有兩把聲。我本身睇段片就預咗佢係俾人攻擊笑場，但都冇預係洗版攻擊佢咪咀，點解會咁？因為haters 淨係想攻擊佢，見到一播原帶就有位入，唔理係咪事實。好似頭先上面講話姜對fans 黑面，如果係佢fans 都知佢一向好錫fans好有禮貌，就算平時出活動都對fans打招呼話辛苦晒佢哋，上次做訪問唔舒服收唔到信都出story 道歉，但係啲閒人一個cap 圖一句佢黑面都當真。
佢有好多不足嘅地方，但事實上好多批評姜同fans 嘅新聞都係無的放矢，一句老屈完就算，真係佢做得唔好嘅嘢佢從來都有認，叱咤嗰次佢都認做得差，出埋歌自省添，我見唔少藝人俾人話都係串串貢，真係做得差佢次次有認，會反省，但都依然俾人笑佢樂壇巨嬰。
再講今次，佢冇咪咀俾人當咪咀，ok, 當佢真係咪咀，大家如獲至寶咁，咪即係一直以來佢唱歌都冇咪過咀囉，但你見平時佢唱歌一路都有班人屈佢咪咀，啲fans講冇班人就話fans 唔接受批評，咁邊個先係盲？
姜係一個人，佢都有情緒，佢有時有啲嘢係抵鬧，但有好大部分都係老屈，仲要走個音都俾人鬧到想佢去死咁，又唔可以出聲，真係人都癲，其實有需要咁harsh? 都係嗰句，佢係咁差就會自然淘汰，係定律嚟，啲fans 又唔係佢邊個，佢唔吸引自然會脫粉。
4個讚