你認真開真身來討論，我會明白也理解。你呢d先系善意。
起碼我欣賞你無完全否定post ig失當，因為係度我見過有留言唔覺得有問題，或變相支持佢嘅做法。
至於該女士屈KT咪嘴，就當有充分證據顯示佢講錯左，咁都唔代表佢有心屈KT。佢又唔係音樂專業，從自己觀察以為係咪嘴，都未至失德？
如果其他人覺得佢講得唔啱可以提醒佢先，就算係一句錯誤嘅批評留言，被幾十萬followers（唔肯定有無錯）嘅KT貼樣+IG出來，都唔會係對等懲罰，否則大家講嘢都好危險。
一個人係網上留言未查證，又傷害到另一個人，就應該被貼幾十萬follower圍觀？
定係因為佢批評左KT，而KT粉絲多，所以懲罰應該要大D？
2個讚
你自己成立click我profile睇下，我應該無hide任何嘢，2020年註冊，我都想知我仲有咩真身。（PS：當年都未有匿名）
另外上面所有匿名唔係我，可以睇語氣。
佢做得呢一行，有甘既身份，仲要自己公開身份的，唔可以亂up，就當佢唔識，呢d說話唔應該系佢個口出來，所以佢系失德。
姜濤一樣被千萬人屈佢咪嘴，因為好多黑媒屈佢，香港幾百萬人，唔通甘又對？點解唔系先針對亂屈人的人或媒體？
我意思你開了真身，所以同你討論。
1個讚
純粹想澄清一樣嘢，因為我見上面有人講佢貼人大頭，想講返姜係repost 咗個女士一段public reel 講理解之類嘅片，希望佢以身作則，因為姜覺得個女士嘅留言做唔到，不過佢應該知衰好快就delete 咗，而唔係專登cap 人大頭。
唔係想改變你諗法，佢的確做得唔恰當，不過我覺得有啲新聞特登想寫成佢cap 人大頭公審咁，我想澄清一下。
3個讚
都係唔係好明，點解精神科相關工作，唔應該無充分證據下批評歌手咪嘴，睇唔到同工作有關。定係精神科相關工作，批評所有野都應該要查證：例如奶茶過甜、巴士延誤？否則都會令對方受到不必要精神傷害？
不過第二樣我可以解釋到，點解旁人唔覺得女士批評好嚴重，但聚焦於KT嘅post。
-
因為有好多人出來批評，而該女士只係其中之一。但係呢個批評嘅權利係對等，因為有更加多姜糖支持緊KT，甚至以各種方式去同對方澄清、爭辯。個人覺得姜糖比批評聲音多好多。
-
但係姜濤拎佢一個人出來，兩者唔係對等關係。該女士只係網上其中之一（除非佢帶領），而姜濤幾十萬followers，都算係年輕一代最紅歌手。旁人眼中佢唔係比較有道理，而係比較有力量。
多謝你澄清，雖然唔算係重點，但我會留意同埋表達得更加準確D（以及講比其他人知）。因為我本身無留意開呢D細節唔係好清楚，甚至樓主講呢件事一開始我都會半信半疑。
而且你用詞好誠懇，如果姜糖比大家印象係咁，其實好多人都會理解多D。我一直都認為，佢自己都已經道歉就算啦，人誰無過，之後就會做得更好。
4個讚
精神科工作者系要正面去幫助人，首先作為專業人士佢唔去理解，我當佢懶惰，唔識又跟風亂up, 佢講埋負面說話批評人同佢個職業要做的系相反。
網上批評姜濤聲音比支持更多，你自己去連登睇睇，d黑媒每天幾百萬人睇，批評者千萬人針對一個姜濤，所以唔對等，問題應該先針對黑媒。
姜一路以嚟日日俾人鬧，再惡毒嘅留言都試過，係今次忍唔住，好大程度係嗰位女士係自稱做心理諮詢，亦有好多分享同理心，反欺淩嘅片之類嘅片，所以觸動到姜吧。我有少少懷疑姜可能有睇過佢啲片所以見到佢留言嘅反差一時衝動掛，如果唔係日日成千上萬人鬧佢佢點得閒逐個留言check 丫，不過係我估啫。
其實依樣嘢我依幾日都諗緊，因為佢係最紅，fans 最多，所以無論對邊個，實力都係唔對等，即係只要佢反擊任何一個人嘅留言，都會變成網絡欺淩？
無意再爭拗個女士嘅言論值唔值得反擊，姜應唔應該反擊，做法啱唔啱，反正依啲好主觀。就好似你覺得句嘢冇乜特別，但可能因為女士個身份，個留言對姜嚟講就好大傷害咁。真心唔想再拗。
1個讚
我又唔覺得精神科工作者係自己非工作範圍內，唔應該講負面說話，不過尊重你嘅意見。
至於你講黑媒，唔清楚係指傳媒定網民？如果傳媒，我幾乎淨係睇Channel C、大紀元，唔係好覺得針對佢。至於其他例如東方、明報、星島⋯⋯KT如果批評佢地，我強烈支持。
如果講網民，唔講啱定錯，你地覺得事實上有無可能無批評聲音？你地認為完全唔應該有人批評KT，定係點樣批評KT先唔過份？
因為貼IG出來，唔止係實力不對等，佢實際上運用左實力。KT唔止貼IG，其實仲有留言反擊，但係我無見過有任何人話佢留言反擊有問題。
但係事實上，佢唔值得花時間去反擊網上留言。我唔覺得，部分姜糖周圍對罵，或者佢本人貼人IG出來，就可以有效消滅批評/或者部分惡毒留言。（當然我非常支持你地理性解釋，例如澄清唔係貼大頭）。就當真係有人想害你地，策略上你地唔會幫到佢幾多，反而同對方一齊消耗，你地亦都無可能消滅佢地。
只有足夠強大嘅內心，先可以面對攻擊辱罵，百毒不侵。呢樣要建立係對自己同偶像嘅信心上：
例如如果有人話KT肥，我會答：我唔覺，KT好靚仔啊；有人話佢唱歌唔掂，可以照講：佢唱歌跳舞好好，我鐘意佢嘅歌等等
呢D主觀問題上，你唔會亦無必要說服對方。但係其實佢地唔欣賞並無咩影響，你地欣賞咪得咯
如果唔係haters，一般你只係話自己鍾意，佢地都唔會來爭論。偶然有人further提出原因，如果好似我地依家咁嘅環境，你地都可以提下。但如果對方只係一味要你認同佢，咁呢D就真係haters，就唔好再理佢地啦
如果有人有心害你，而又被佢激起產生不良後果，都算係入左圈套。
有自信嘅人，唔會比無關痛癢嘅批評所影響（唔係話唔聽建議）。如果姜糖嘅圈子可以形成呢種力量，長遠或者可以比到KT信心同力量去應對，就好似如果有人話巴菲特窮，佢都唔會care。
因為感覺幾年以來，haters無減少過，或者換個方式試下？呢個只係自己小小善意嘅建議，你地決定啦，作為旁觀者已經講左太多。你地都讓我感受到部分善意同理性一面，多謝你地嘅討論。
2個讚
如果平時自己吹水或用其他身份，亂up一通姜濤都唔會反駁佢，即使唔系專業人士甘說話都系人品有問題。 但依家佢系IG 公開自己精神專業者，佢做既事情系與佢的專業操守系完成相反，如果你認為甘都無問題我無話可說。
整件事黑媒屈姜濤，大肆報導，做成一批人出來評判姜濤，唔係唔可以批評佢，但唔應該屈姜濤咪嘴，做傳媒報導的要審查過，唔系人云亦云。
強詞奪理系無意思。
好多謝你，我見到你係真心俾意見，事實上我哋fansclub tg 一直都互相提醒大家漠視啲惡意攻擊，唔好周圍留言同人拗，但每個人都獨立個體，fans 又太多，無辦法控制。不過我一直都有留意周圍啲留言，fans一直以嚟同人拗大多都係想澄清事件，因為假新聞太多，或者理性討論（雖然我都覺得好無謂，人哋有心一口咬定講嚟都晒氣）。真係盲撐嗰啲唔係冇，但係唔算多，不過事實上fans 講乜，甚至唔係fans 只要唔係鬧姜，都會被屈成係fans，被講成盲撐，然後重複又重複講姜嬸係盲粉，他只是孩子咁，然後合理化所有對姜嘅惡毒攻擊，我諗上面啲留言你都見識到啦。 當然唔係話所有fans 都理性，但事實上fans 群唔係真係咁toxic 咁多盲撐，我都唔想俾人一竹竿打成船人。
老實講你問我姜唱歌好唔好聽，我覺得還好，冇乜走音甩beat , 但氣息爭啲，表演好唔好睇，67成左右好睇，唔少我會忍唔住日睇夜睇，其他一般，甚至7都唔敢睇，但佢大部分嘅歌我真心鍾意，好啱我口味。佢每次表演都會唔同，我會期待，如果咁都算盲粉嘅話，我認吧。
5個讚
所以勸你哋收少句聲當幫忙啦，你哋咪又係係咁鬧人盲反、haters
3個讚
又真係冇咩特唔特別失望，我反而覺得佢哋呢一代就係咁，上一代人都係打落門牙和血吞，個個都係阿信咁忍忍忍忍忍，而家呢代無論你係咩身份地位都好，都係有咩就還拖，同埋鐘意用keyboard打交，所以而家新一代啲偶像都係咁，佢哋甚至冇咩所謂道德社會責任：我係嚟賣藝的，鐘意你咪嚟追，你鬧我我咪鬧返你，你地當我係乖仔要做我老母之嘛XD
193如是，姜濤如是，所有網民都係咁。
2個讚
所言甚是.
不過呢種處事手法又何止限於年輕人. 根本而家社會風氣係咁, 上一代批評下一代一蟹不如一蟹, 下一代又嫌棄上一代. 自我意識增強, 無論咩年紀嘅人見到同自己主見不同嘅又批判一番. 有時著件衫厚d 薄d 長d都要俾人話.
唔下下judge 人哋, 做人輕鬆好多.
5個讚
其實係，呢個post 本來討論得好好地，有幾個fans 入左黎，話人盲反，又話人唔抵得姜咁紅，就開始氣氛變差。
3個讚
MMA group 呢個邪惡組織我地好驚架，唔好入侵呢度呀。
呢個youtuber 話有個甘既MMA group，專要整死姜濤，希望呢度唔係呢個group。
鍾唔鍾意呢啲好主觀
姜點都好，Fans 可以自己諗藉口，繼續撐姜，呢個係你地Fans 嘅選擇
我亦有自己對姜既睇法，有表達既權利。 我覺得姜濤唔值得我鍾意，咁我咪唔支持囉。我對佢唔會有無條件的愛。
開咗呢個post, 見到BD 原來都有同我相近睇法的人，我安心啦
乜嘢唱衰薑，想姜濤死，我唔明喎。我而家又唔係開100個Account嚟唱衰。我只係表達自己一個人既意見都唔得？
4個讚