唔好拖香港人落水，我同我身邊識嘅人都從來唔會用啲咁刻薄嘅說話去話人
我覺得成日他只是個孩子呀先係小粉紅。
唔介意嘅話不如用返上面啲例子講點樣刻薄同冷血法。
咁你同你啲朋友都好好同好彩，我由中學落到黎香港，識好多好多香港人都串串共，硬係有種俾人高人一等嘅感覺。
就連電視節目中，香港人由細睇到大嘅獎門人之類唔係都教緊人以窒人為樂，森美都係紅係哩樣
邊度又mean 又冷血？
其實姜濤道埋歉過一排無咩嘢，最有嘢係班fans
睇埋佢哋個post，同呢度一上一下咁睇，真係好精彩。
總之你哋唔鐘意佢，一定係haters、連登黑姜、隊友粉都拉埋出嚟講，好嘢！
3個讚
都係果句啦，不如舉返上面啲例子，等其他人可以學下點樣嘅句子為之挑釁同粗鄙？等我同講果個都可以學識知錯而改之，俾個機會我地
你話姜濤粉絲好客氣，咁我又睇上少少，睇下粉絲嘅說話點樣客氣
哩個就話人尖酸刻薄，恨不得將姜濤鞭屍
哩位就無啦啦引戰落政府到
哩位直頭叫大家爭氣，唔好好似藍絲小粉紅咁，其實我唔明點解又會關藍絲小粉紅事
再睇上都仲有好多架，歡迎你同我都一樣，引用下例子
啊，講漏咗，以上都係支持姜濤，咁我就當佢係粉絲啦，佢地都係匿名哦
2個讚
即係明知唔岩，都繼續去做，仲大條道理講我就係咁吹咩，真係夠哂高質
你舉呢幾個例子，我睇唔到佢地係支持姜濤，比我感覺係佢地只係有感而發，對呢度嘅留言一啲個人睇法
我曾經係呢個討論區傾過一啲私人事，所以今次用匿名，我用匿名兼冇加入你地去批評佢，咁我又係咪等於支持姜濤呢？
姜濤粉絲認定批評者就係haters令人討厭，但依家你地都係做緊同一樣野，所有唔加入鬧姜濤嘅人就認定係佢嘅fans
2個讚
反正晴天林嘅歌已經表達曬，唔再係度花時間。對KT無好無壞感覺，如果一定要有，都算樂見一個本地歌手成長，所以能夠感受到晴天林語氣間嘅痛心。
「他只是個孩子」，所以要教導。做錯事道歉本身係好簡單嘅事，佢都算妥善處理，偏偏一部分fans接受唔到佢做錯，幫忙搵理由開脫。
一個孩子如果每次做錯事，都有人話「你無做錯」，繼而話「其他人屈你」，久而久之會點？
公眾人物應否更謹慎注意言行，呢個尚有討論空間，哪怕KT自己留言同批評者對罵，亦算係平等關係。但係今次呢件事，如果都會覺得「你無做錯」，咁都係Fans選擇，亦無話可說。
至於佢演技、肥瘦，whatever。
6個讚
推動下流量，我都想知樓主等人點先滿意。一陣話我哋唔比佢講/屈佢哋haters，我哋要不停澄清：你哋唔係盲反呀，唔係haters
咁都你都要俾我知道我唔岩在邊先得架，俾個機會我知道錯係邊一度好嗎？
真係高質哩一句我係咪可以當你係串緊我，窒緊我嘅意思？
因為部分言論捩橫折曲，不可理喻，呢啲行為正正就係藍絲小粉紅嘅行為
有部分留言已經偏離咗討論嘅本質
出返個真身講下野先～
其實哩度對姜濤持相反意見嘅，我諗好大部分都曾經可能會成為姜濤粉絲嘅可能。
我諗好大部分人都同我一樣，初初係對佢地好奇，咦，點解哩班後生仔咁紅嘅，等我又了解下先。我係真係佢地爆紅之後先搵返全民造星黎睇，即係果期尖沙咀碼頭好紅果個廣告牌果期開始留意，嘩，又真係幾感動喔，希望佢地可以keep 住，個個都有好好嘅發展。
認識耐咗，間唔時又接觸到佢地嘅新聞。嗯，叱咤掃掃掃，中二病姐，幾襯姜濤性格啊；頒獎典禮逐個成員多謝？好正常姐，做乜泥生咁無品冇啦啦鬧人啊？嘩，姜濤灣好勁啊，不愧係人氣No.1
咦，做乜最近肥咗咁多嘅，偶像喔乜可以唔做好身材管理嘅咩？（係，我知，一陣大家又會拎欣宜同佢比，但欣宜有實力，而且姜濤一開波係sell 靚仔，鄰家男孩，自然我對佢保持靚仔身材好係有期望嘅，就好似唔會有人問肥仔咁肥點解可以做偶像一樣，btw 肥仔跳舞好有型
）
喂，搞乜表演緊無啦啦笑曬場，又出曬人聲，咪嘴？唔緊要，都要咪得專業啲啊。哦，唔係咪嘴係墊底聲，咁佢同公司都要搞搞佢喔，澄清返好啲喔，雖然好牽強。
咪住，做乜要擺素人上ig 啊，唔得咁喔，你咁紅，班粉絲仲唔網暴個素人。
係係，Edan 都有擺hater 上ig , 但Edan 放上ig果啲好多都人身攻擊，都值得俾佢擺上去。相反，姜濤擺上ig 果位，一黎佢冇人身攻擊，二黎佢話接受唔到姜濤咪嘴係唔ok.
問心，如果有墊底聲嘅係容祖兒，係Twins, 係陳奕迅，係其他某某都好，都實會一致認為係咪嘴。但點解一到姜濤就成為墊底聲？點解姜濤會容許公司/大會出現哩類錯？
樓主個post都冇人身攻擊啊，第2/3嘅回覆咪又係一黎就話樓主係連登打手，係hater.
我諗，我對姜濤嘅好感應該無曬嚕，亦都唔會再對佢感到好奇，希望佢將來嘅路越走越好，夢想成真。
15個讚
本來唔打算再回呢個po，不過想多謝你對佢嘅祝福，希望你有日重新對佢拾回好奇同好感
我從來不著眼佢有冇奬，有多少粉絲，我關心係佢嘅身心狀態，希望佢可以頂得住超乎常人可以承受嘅壓力去面對前面嘅路
真的不再回了，兩邊對立沒完沒了
10個讚
唔該你真係了解清楚先好講姜濤係咪咪嘴, 唔知既人講佢又講，又唔去了解，呢個專業人士講得好清楚，姜濤無咪嘴，明明姜濤比人屈被欺淩，反擊係正常人所為。
姜濤因為去年腳傷一直未好, 本身肥底，又食藥又較難做運動所以肥翻少少。
成篇文講嘅唔係單單講咪咀事件，而係一連串事件加埋令一般大眾對姜感覺偏中立甚至乎負面
我都覺得係，佢地要留意歌技、肥瘦、咪嘴到如此仔細，都應該keep住有focus。我無留意開KT，唔好話咪嘴，連今次事件都係見到樓主開post先知，甚至有留言質疑係假消息，我都半信半疑，直至話佢出post道歉，起碼無係假消息上爭議，我先確信事件。
更加唔會對佢身型同唱功有咩感覺。當然有本地歌手取得成功，都會感到高興。
我都覺得，如果主角唔係KT，好多標準會唔一樣。
之所以呢件事令我覺得印象非常唔好，係因為部分支持KT嘅留言（無係話佢地係姜糖），首先未查證表示「我唔信」，跟住話「對家抹黑」，之後檢討受害者「你錯先」，再而表示KT「壓力太大」，最後結論「你無做錯」。呢種方式讓人感到可怕，因為佢可以合理化好多行為。聽多左甚至連KT本人可能都會覺得，自己好似又無做錯。
如果姜糖覺得，呢小部分留言好可能唔係姜糖，希望可以幫忙撥亂反正，支持偶像勇於承擔，唔好讓佢嘅真誠道歉被呢D聲音埋沒。咁先至係讓事件告一段落，重回正軌。
1個讚
開真身先討論，否則我通通當佢地係打手，姜濤一連串好既佢地無睇，其他人壞100倍佢地唔講，所以都係唔抵得姜濤紅。
