正所謂慈母多敗兒！Fans既行為，最終又係偶像埋單，好似今次單野咁， 基本上啲haters鬧一兩日就收聲，但Fans又走去攻擊人，成日做埋無謂野，慌死姜未畀人鬧夠咁。其實經過年頭事件後，姜開埋演唱會見佢係進步左，開心左，但唔知點解仍然不斷攻擊佢肥，我心諗關你地鬼事咩，肥唔唱得歌咩，不斷搵野鬧佢，真係佛都有火，籍著今次事件，正反兩方都有人支持，大家都係等時間過去，等件事淡喇，Haters一樣搵野鬧佢，Fans一樣繼續支持佢，希望姜爭氣，做好啲，仲要越黎越好，激死啲粉腸！
6個讚
呢個位又係好正。對一般年輕人可以仁慈的，但佢係偶像，偶像wo，可以受人歡迎但唔可以接受批評？可以賺大錢但叫你顧下身型練下歌又唔得既？喂，又要做妓女又要拎貞節牌坊？有無咁便宜既事？
唔係想講做偶像就要預左比人鬧，而係有幾多人鍾意你，就會有幾多人關注你值唔值，長期覺得你值就轉粉，唔覺得值就會呻/鬧。出面大把偶像都比人話，其他鏡仔都比人話（好好架啦呢度講左咁耐都無人拎其他鏡仔作比較），邊個似佢咁比人話就發神經亂跳制，然後d fans又要求其他人當佢孩子咁需要保護先？
真係反晒眼。用作品說話，其他鏡仔就做到啦（唔講邊個），佢就唔該做好自己先啦。
9個讚
咁短時間內賺咁多錢受咁大人氣，相對地一定有唔尋常既付出。如果只係take all the advantages, 其他負面野受唔起，佢就唔配行呢條路做偶像ga la. 不過佢可能都知，所以搵快錢搵到30就退lor, 但又成日沉唔住氣wo.
連香港呢個小小地區既氣都頂唔住，仲點衝出去做亞洲第一呀？
1個讚
呢啲就係所謂鍵盤戰事，無辦法，宜家個個只識網上世界既人，唔識同人溝通，真係好可悲。網媒為賺流量，一定跟趨勢走！
恕我直言（我諗我唔匿名應該會得罪左好多人），但我只想分享一下我嘅感覺（係主觀感覺，希望唔會畀人當haters）。姜最初畀我印象幾好，大男孩feel，但覺得實力未夠，我覺得初出道畀時間磨練係正常，但過左幾年，唔覺有咩進步（各方面），但其他我一直覺得唔起眼嘅鏡反而愈來愈亮眼。實力不足都唔緊要，就行偶像路線吧，但佢嘅言語反映佢又好想做實力派咁，變左感覺好中二病。而近日嘅事，將批評者嘅大頭照都擺埋上網，當中要cap圖再upload，我唔覺得如傳媒所講單純嘅「不慎」，好有惡意，更何況佢嘅影響力可以帶黎好嚴重嘅後果，傷害已造成，係咪事後一句道歉就冇事發生過咁。
至於佢嘅fans，我相信理性嘅會有，但網上見到好多瘋狂留言讚美護短，有咩post都有點邪教feel留言逼人認同咁嘅感覺，作為普通人睇到覺得好攰。仲要有時有人批評下，即使係持平嘅，啲fans咄咄逼人，或者郁啲就話人haters，間接令人對呢個偶像都冇好感。
所以我覺得如果姜要維護形象的話，除咗佢自己，fans們都要放鬆啲，有時愈維護愈反效果。
16個讚
見到你呢個留言我都有感而發
依家啲人一去到socal media，便將佢人性最陰暗嗰一面呈現出嚟，可能係現實佢地只係個乜都唔敢出聲，唯唯諾諾怕事嘅人，喺度就變成一個敢言敢恨嘅人
1個讚
見到有留言話佢只係24歲…
其實24歲點計都唔fresh唔green la. 大學畢業的話都返左兩年工, 已經係社會人士. 何況佢一早投身社會就業.
申報: 我對佢冇正或負面感覺. 真正無感. 平時亦冇留意佢.
3個讚
24歲有d好命既做左人老豆啦！
恕我直言，我真係唔係haters，除左呢度無講過仼何mirror既言論。但見到啲fans係姜做錯嘢，仲話咩越嚟越愛佢，好似屋企人既愛，我已經覺得好邪教feel，點會當一個三唔識七既人係屋企人。人哋連朋友都唔當你係。
仲要有人將自身經歷代入姜，完全唔理性。姜都無講邊句激嬲佢，就代言人上身話因為係某一句激嬲姜。
我本身都費事講咁多又俾人追擊，但覺得有啲人真係當局者迷。仲覺得人地一唔支持mirror/姜就係帶風向。
13個讚
作為姜糖，我自豪有佢呢個偶像
3個讚
我都唔匿名，純粹分享下感受。之前睇《男排女將》留意到mirror，開始留意佢地既新聞同消息，但最後俾部分盲目fans嚇怕，好怕變成其中一分子，就選擇變返旁觀者。
到而家見到fans愈瘋狂追擊，就愈對佢地既偶像反感（不論係mirror邊個）。
低調默默耕耘既成員，我真係冇反感。
利申：冇入任何group，冇被帶風向，唔係hater，冇評論過佢地
1個讚
日本算老啦，人地15，6歲出黎做偶像
正正就係呢d護航comment 令普通人同薑越拉越遠，令薑迫去一個角落位，一個只有薑粉圍住保護住既角落位，令呢個偶像越來越中二越來越脫軌。其實有無諗過佢呢家既觀眾緣你地都有份造成？
3個讚
今日返彌散，神父講道用咗姜濤呢個例子，有提及父母對子女嘅寬恕包容，家人之間嘅愛，之後再為受緊悲傷苦困嘅年青人祈禱
我唔知其他教友點睇姜濤，不過就肯定神父冇入邪教嘅
確實我都覺得韓圈係好高壓，但另一方面偶像們真係會比較謹言慎行，所以韓流先紅到全世界。偶像想行得遠想長紅的話，路人緣好重要。
香港好明顯就冇咁toxic，算蚊同牛比，我有睇過個位素人講既嘢，其實只係普通批評，如果連呢個程度既批評都接受唔到都要搞到開哂樣開哂名咁掛人去ig，職業生涯咁長之後點算？
人對初犯係會比較容易原諒，姜濤道歉左我覺得又唔會好似連登講到咁罪該萬死。講起風向姜糖好多死忠黎應該唔會脫粉，但身邊多左好多本來中立既人開始討厭佢。佢真係要諗諗點提高EQ。
1個讚
現階段係嘅，但此風不可長，再咁落去都差不遠，加上依家社會有股批鬥風氣，呢個風氣唔只係針對藝人，對普通市民都係
我哋唔係當事人，佢真正承受緊啲乜嘢壓力，我哋理解唔到，佢可以承受到幾多壓力，我哋評估唔到
一個藝人做錯事如果令到多咗人唔鍾意佢，佢自己承擔返個後果，唔需要再加多腳或去幸災樂禍
1個讚
唔理咩教，本身我都唔buy信教。
咁唔係邪教係姜濤教啦正常無入教係唔會明。
父母同子女，家人之間同姜濤有咩關係。姜濤有無當你哋係家人。
如果我話我真係好愛李嘉誠，我對佢既愛就好似當佢係我啊爸，我諗十個有十個都當我癲佬。
唔想再為呢個topic嘈，因為唔同世界既人就係唔會明大家，只係對我嚟講所有野都好唔make sense。
1個讚
根本哩度對姜持相反意見嘅，大多數都係素人，點知一黎就俾人話hater,係對家，係帶風向，勁無奈
唔好話拎其他鏡做對比，拎Error 黎比，佢都被人比下去
仲有一樣令我對佢冇好感嘅係，話都想人專注佢做嘅音樂，但佢又唔係實力派，勁矛盾
2個讚
唔知香港有幾多人咁好命（而家仲有錢拎）
我都係講事實，一句野勁多人討論，當然希望佢EQ可以再好，不過睇吓呢到幾熱鬧，從來無話佢做得岩，不過唔需要過度放大。
追星都係求開心，我哋追得開心咪得係咪haters我理得佢，佢哋唔鐘意又要睇，真係辛苦晒。
2個讚
既然有人用匿名留言，我就特登轉用匿名，
個女人根本就係網上欺淩者，今次事件只不過係成為主角，
佢唔出嚟欺淩，就唔會俾人抽出嚟，
1個讚