睇完呢位朋友嘅分享, 我就非常欣賞佢嘅精神, 須知有今天嘅BNO VISA, 只須用有限嘅錢就可離開早已不屬於我哋嘅香港, 遠赴英國尋求自由, 過自己想要嘅生活, 都喺全靠現在仲喺受緊囹圄之苦嘅民主鬥士同一班獻身嘅年輕人, 喺靠佢哋拋開自身安全, 為我哋爭取到今天嘅新生活. 認識嘅朋友中有賣咗層樓拎住嚿錢過來買屋買車, 身體健壯但卻因為唔願意交稅而唔出去做嘢, 相比呢哋人, 我更欣賞肯拼搏嘅嗰位朋友, 而佢嘅拼搏也只喺一段時間, 肯做就有機會向上流, 為自己生活得更加好, 為社會做有限嘅貢獻, 有咩唔好?須知仲有好多當年有參予抗爭嘅年輕人, 本身經濟就冇乜基礎, 唔喺點解要拋個身出來抗爭? 而至今, 呢班後生仔都仲有相當一部份礙於金錢之困而無法踏足自由國土. 所以, 我覺得已經出咗來嘅朋友, 更加應該要互相幫助, 而唔好對別人嘅拼搏或慳儉有非議. 香港人喺英國嘅勤力同能力已經令本地人有咗好嘅印象, 希望呢位朋友嘅分享可以俾想離開而能力未夠嘅人有所幫助有所啟發, 肯放下身段嘅, 至少喺呢度有大把嘅機會, 可以開創新生活.
13個讚
一早已覺得，所以有時d野睇完就算 
之前有post討論移民後唔工作，已經覺得有啲人係咁，佢自己有條件唔使工作，就去批評人地工作係犧牲親子時間同唔懂得享受人生，睇到反眼
5個讚
有某D人總係想show off
話俾人知佢自己有幾與別不同
自己放好多時間喺別人眼中想做但又奢侈嘅事
想其他人羨慕妒忌
其實嗰D人嘅所謂成就好多時都唔係自己努力得來
都唔明有咩好show off
其實要show off去搵同溫層算啦
又或者佢哋本身冇frd要上網先有平台有觀眾show off
1個讚
以前識得有個人，成日恥笑佢d朋友冇樓
但其實佢哋兩公婆層樓係上一輩留比佢哋
我fd有私家車都笑我要迫巴士 其實我都好憎呢d人
咁嘅人就唔駛再同佢做朋友啦
6個讚
我自己好欣賞佢咁搏為屋企同仔女
亦恭喜佢有咁既成績
但係呢佢黎既時間係2021年同而家2023年情況好不同
今年經濟差左；新到既好多好難揾到工
做倉；廠好多人爭空缺少又易比agent cut鐘cut人。做侍應sales又係多人爭
今年係艱難過早一二年黎的人
所以佢講既參考下就ok
唔好盡信
2個讚
同意
就算係同溫層，都唔一定鍾意聽人show off
而且鍾意show off嘅人就係要搵d過得比佢哋差嘅人嚟晒，先顯得自己威
聽得多人哋都覺得煩
有朋友都變冇朋友la
特別朋友，又識我父母，硬食 
無錢走去英國。。。點都好起碼佢發揮香人精神，有雙手唔會餓死既態度
決心離開香港，為更好既未來
我覺得都好丫
5個讚
大把人走咗睇唔起人哋做藍領，人哋兩公婆一個返早一個返夜湊細路又話人無親子時間、父妻感情唔會好咁。
鬼唔知搵份flexible 嘅office 工好咩？真係何不食肉糜？
8個讚
佩服佢嘅膽量同毅力，揸住兩餅嘢嚟，自己一個最大嘅優點係冇後顧之憂，咬個麵包又可以一餐，而最重要係佢有嗰份典型嘅香港精神——好砌得！
1個讚
呢班友離地兼心理變態
尼個問題其實反影好多香港人接受能力低
歧視藍領工
歧視南亞人
嫌棄人地做野慢
冇野好食
成日用香港嗰套去judge人哋嗰套, 唔去了解下人地文化同生活習慣
8個讚
有人會話唔滿意要出聲先有進步
但我唔知佢地有冇當人面提出
我係加拿大，呢邊返兩份工好普遍，
唯一唔同嘅係呢邊part time 就真係part time, 唔會叫你返星期一至五9-5，然係話咁叫pt