同意
所有決定都係自己做，所有後果都係自己受
都有一筆既我相信，老公去左uk(無收入)，唔洗交租燈油火蠟咩~就算同屋企人住都有洗費，老婆一拖二有工人都要出糧俾工人，無工人即係part time都返唔到
我覺得老公講既帶住2萬，只係佢既budget，而唔係只有2萬
好多人帶好多錢嚟都趕住開工，做乜都得。
始終香港人有份糧安全感大d
咁又唔好講得咁勵志, 稅唔係比得多, 2個仔又一落地有書讀，醫療又免費,其實褔利已經攞左架喇. 英國都計埋數唔可能個個移英政府都有賺
南韓仲勁，好多人做兩份工，一日訓3幾個鐘頭
醫療叫交左ihs
1個讚
去過醫院或者GP都知果幾舊水點夠, 係叫冇咁蝕
1個讚
真係唔關人事架
只係當事人自己選擇post上fb俾全世界人睇啫
1個讚
人哋返工都要受批評？我又唔覺佢做錯d 乜喎
2個讚
係喎為生活努力工作搵錢，有乜錯？
又唔係乜都唔做拎福利，又唔係坐喺度食軟飯，唔明點解咁都要去批評人地
2個讚
我睇到個post感覺事主想帶岀一樣野
路係可以行岀黎，肯捱肯辛勞工作係可以解決到生活問題，對於一啲想走但資金不足既人係可以有個實質參考
唔係每一個人/家庭都係有好多資金帶住過黎，的確有人想走，但窮，要儲？儲幾多？儲幾耐？仲走唔走得切？
我睇到都覺得個位樓主超辛苦，但佢的確係一步步去改善生活，如果佢長期決定咁既生活方式，我個人當然覺得係可惜，奉上大部分健康/時間/親子關係去換份高啲人工既糧真係唔值得，但如果只係過渡期既，靠勞力靠自己得番黎有乜問題？
我上年都超勤力番工，真係為左賺多小小錢，人在外地未完全適應所有野，多小小錢又真係安全感會大啲既。 但今年就好唔同，穩定左就退番worklife balance啲，對自己好啲，啱啱呢幾日感冒，我請足一星期假，好好休息，好番哂先番工
17個讚
Same here
我曾經打過3份工，依家搵到份正職，interview 時我話俾人知我乜都做過，清潔都照做，人哋只會respect 你肯放下身段去生活，好過Cv 空蕩蕩，
有朋友好早已講明唔做呢d 污糟工，我介紹另一人去做，人哋好快轉dept, 再過多幾個月老細主動offer 個fixed position俾佢。
9個讚
替你高興！
我剛落地時做麥記,我好記得當初收到offer真係好開心，至少有收入唔洗不停用saving！ 啲英文真係係麥記學番黎，多得呢份(其他人眼工所謂既下欄工)，開啟到英語個腦，對日後學習，穩工幫助非常大！
我當初由麥記捧餐，依家每日去倫敦市中心番工，可以放眼見識多啲人我好滿足了！
我先生做過洗大餅，超市，倉，最後都可以做番原本個行，依家我地生活算安穩左，唔洗再擔心
我自問無個位樓主咁捱得，但我真係體會到佢既用意
22個讚
其實都係
所以我唔明點解有人話佢死做唔關心社會
嗰個人都講明係基層移民，應該計過數1家4口如果一齊到埗係連基本洗費都唔夠錢，生活質素差過香港又或者有機會揾埋唔夠用逼住返香港。作為父母又想搏一搏，希望可以為仔女安排一個適合生活嘅地方，唯有犧牲分開一兩年時間，去睇吓爭唔爭取到小朋友將來嘅健康成長。
男嘅去到咁勤力揾錢都係為頭家將來，好值得尊敬，唔明點解會惹人批評!面對有風險去到住唔好食唔飽，一個人冒險絕對好過帶埋小朋友受!
我反而感覺呢度有人覺得咁窮就咪學人移民啦，影衰哂D夠錢一家一齊申請BNO visa嘅移民家庭!
如果真係有人有咁嘅想法，希望你都知你睇唔起人，未有bno visa 之前用好多錢移民去外地嘅亦會睇唔起你!以前拎住細幾百萬想移民? 你發吓夢啦!
8個讚
因為佢唔同group 都開po
有可疑
有啲人就係咁，憎人富貴厭人貧
題外話，近排好似好多post都係嘈交收場
自己試過可行，透過唔同渠道希望分享比多D類似背景嘅人知道有乜問題?我唔知佢post 好多group, 因為我都係係度第一次知道。如果呢件事淨係post 係連登，我可能永遠都唔知!
佢又唔係介紹人揾工收錢，都冇利益衝突!只不過係分享自己過來人經驗，大家成人睇完之後都要衡量吓自己可唔可以去到咁盡!
4個讚
我感覺到呢度有D人都係咁，好似自己條件好少少，上咗岸就對後來者指手畫腳,有D心up!
4個讚
有同感！啲留言不單離地仲缺乏同理心
何不食肉糜？
2個讚
我反而好欣賞佢
佢長篇大論分享自己既過程，都係想同人打氣
同鼓勵基層唔好未試就放棄
我諗起呢兩日好hit 既咖哩
好多人對佢好多決定都撥冷水
我諗係撥冷水既人唔係無同理心
而係已經被社會規範左思考空間
7個讚