八下x2
用新加坡果套train小朋友會唔會有幫助？新加坡數學同英文都比香港深！
但你女去左個岩佢水平同環境既地方，係好事。
出面好多迷思，例如私幼=谷，狂隊學術/課外活動比小朋友=唔happy ，券幼=happy 無壓力對小朋友好… etc。
但其實有無諗過，有d小朋友好受谷，唔谷佢佢反而會謝會呆滯會搞事，比d挑戰佢個人先醒。有d私幼看似學術深，但其實教得好，小朋友玩住學，好易好快地學識左。家長覺得d野難係因為自身經驗係大個左先學，呢家擺落幼稚園學就好似好chur 咁。 其實小朋友好似一張白紙咁易吸收，學識左就唔係難，面對唔到既反而係家長。
至於券幼無咁學術無壓力又係咪好事呢？如果小朋友有天資又懂事，easy mode 可能浪費左佢既時間。
講到尾，係想提醒家長唔好sterotype 左某d野而局限自己既選擇。始終讀書係佢唔係你，你覺得深覺得壓力大，佢就話其實剛剛好，身邊同學終於岩返咀型交流到，老師識回應佢既問題，呢個環境先岩佢。其實求學最緊要都係搵適合既學校比小朋友，券唔券谷唔谷反而係其次，如果小朋友有得去，我一定比佢去挑戰試試。
10個讚
你都算係咁，我見IS家長讀讀下嫌學校無野學淨係玩，幫唔到佢地考11+，就提早走人過英國讀boarding.
我小朋友幼稚園時只上兩個興趣班, 都係weekend上. 平日放學後多數去公園, 主題樂園, 商場.
六歲撞正疫情冇點上興趣班. 七歲起逐漸多返, 最多嗰期每星期六個班, 平日同星期六上.
而家九歲上三個. 其實佢仲想玩多幾樣, 不過要教佢學術同埋興趣班都要練習, 冇咁多時間.
冇留意新加坡國際所以唔清楚, sorry.
香港大部份IS行IB都係淺(應試來說). 就算Harrow and Kellett跟UK課程, 學校有教考試範圍又唔等於答題會快同準, 所以都係要額外操練.
Btw Harrow and Kellett AL results同英國名私校比較都有d距離.
1個讚
幼稚園谷極有限，始終未咁快要寫字，要谷都係家長自己谷/有要求。
但的確私幼為吸金，一定搞更多活動或者其他嘢，呢啲可能會啱你小朋友。課程深淺就見仁見智同埋同券/私冇掛鉤。課程深淺反而係龍 VS 其他。
有能力心思思就去試下，可能感受完之後就會更加清楚邊度適合自己。
2個讚
以某熱門私幼為例，佢地k3上學期講身體就要寫lung, heart, stomach… etc, 而且為每個生字作句子畫畫. 券幼一定唔使寫呢d做呢d, 咁一般家長一定話間私幼好谷好變態，細細隻手寫咁長既英文etc.
但其實佢地唔知，私幼點教小朋友認識器官，又點教小朋友去拼呢d長既英文字，又點做小實驗去記得消化系統，人地係有系統咁教，返到去小朋友就已經識左，即使未好熟，動手做過小實驗都至少有印象。如果咁岩屋企自己home schooling 都認識緊／認識左消化系統，其實對小朋友知識整合更上一層樓。學校學左既佢返去睇書見到係wo, 今日就係講呢d 啦，搵到知識係好開心的。
而最無人提既，就係學習氣氛其實都好重要。如果班上小朋友都有d底，有d人對消化系統有興趣，佢可能堂上問既問題正正啟發到其他小朋友去諗多d, 咁就啟發到大家思考，老師都可以回應到。如果換轉一個環境，得一個小朋友對個topic 好熟有興趣，但無人接，無人理佢，就無晒學習上既火花了。呢樣同學間既互動，即使有wtm做home schooling 都難以取代的。
所以我一直強調，要搵個適合既學習地方比小朋友，唔關私不私幼，龍不龍校事，但當然關錢事，睇餸食飯啦。
1個讚
我非常同意你所講
happy唔happy同私唔私幼無關
劵幼都可以唔happy
名私幼都可以好happy
唔happy係因為家長放學後要佢哋補呢補路或返兩間學校（券幼家長亦然）
外界真係唔好再妖魔化d私幼
就好似某間成日俾人話谷既幼稚園，讀過既朋友都話K2先正式要寫字、又無考試、家長參與既功課更加係一年先一份勞作
1個讚
happy 呢樣野都好吊詭。問d小朋友鍾唔鍾意返學，上堂開唔開心，佢一定比個滿意既答案你。點解？因為佢無概念，無得比較，唔識講有無問題。基本上k就係佢返既第一間學校，老師成日鬧人佢會覺得日常，以為間間幼稚園老師都係咁。上堂d小朋友走來走去阻住佢做功課，咁咪包容lor, 度度小朋友都係咁架啦。玩玩具d小朋友會搶人野老師又睇唔到，哦好少事費時講比呀媽聽。分組討論時，同學話我最憎分組討論，我唔要討論我要走，哦，原來討論唔好既。班上男仔玩槍刀劍，我又要玩埋一份，媽媽想我融入d.
小朋友無概念，以為返幼稚園就係咁，都習以為常，就唔識講比大人聽。大人好表面問句讀得好唔好，開唔開心，就機械式地答，了左件事。如果大人信左，以為返呢間幼稚園好開心，就誤會大了。
所以都唔好咁表面地聽小朋友講happy 就信happy, 聽老師comment 無問題就以為真係無問題。以上case券定私定龍定is都有機會發生，自己要跟緊d.
我唔追求教得淺無壓力既happy, 因為要還。對我來講， happy 係學完野有得著滿足到佢好奇心先係happy.
1個讚
都係架，我nephew一直都係讀私幼+直資小中，全程happy school，零催谷架
佢阿媽淨係想佢打好英文基礎+開心返學，讀到year 11就去咗加拿大讀書，過到去完全習慣當地讀書模式，輕鬆鬆鬆準備讀u嚕
1個讚
打底緊要呀，同埋shape up 小朋友既學習心態lor, 我覺得6歲前要做好呢d.
打底，係催谷性地打底，定開心地fulfill 到佢求知慾地打底，就好考父母了。
所謂學術深唔happy私幼，升小時就happy得多，起碼順利過渡升小happy
所謂學術淺happy券幼，升小時就大鑊，一跳程度深左咁多，happy先奇
1個讚
我小朋友轉過幼稚園, 私幼去所謂名幼
佢話仲開心咗 因為真係更多姿多采 大校係唔同啲
佢眼界同我眼界都闊咗
但功課係多咗深咗, 睇下你想早啲開始準備定小一先辛苦
你小朋友叻可能挑戰性高啲的幼稚園更適合佢呢
1個讚
一樣，由券轉學術私，test 下小朋友ge potential. 有比較就有體會，小朋友返學開心過以前好多，投入好多。功課多左但都應付到。我最開心係佢識欣賞同學，返黎會話我知某某同學好叻，識問一d我重來無諗過既問題（佢自認自己好熟個個topic, 點知人地仲專過佢），然後講我知老師點答佢地野。聽完，覺得轉校一切都值得。
雖然係幼稚園，但聽落佢地既交流同我觀課見到都唔止幼稚園level. 不過無所謂啦，唔駛比呢d野限制，開心學到就得。
所以要還，最怕要還。
教育局set 到券幼easy no pressure, 其實用意係好，奈何津小係另一世界。最攪笑係，免費津小功課多教得快，直私龍校功課少慢慢教，係2個世界。你想功課繼續少繼續no pressure, 就要爭入直私，咩即係都要谷佢學術。
即使有心自己比練習做，但新手媽來講點知谷到咩程度叫做夠呢？更唔講呀仔聽唔聽你支笛啦。
見過好多券入津，個gap 太大跨唔過既後悔文。亦有見過券入津or even 入神，無問題呀媽跟得貼既文。到頭來其實讀咩都可以，知自己同小朋友能力，揀間適合既就好。
2個讚
我女 3 歲都有類似情況，當初係高敏所以揀最近村校冇所謂，放學再報其他堂，佢本身學習快，空間感強，記憶力強，但鍾意同哥哥姐姐玩多過同齡，學校唔埋堆，老師話佢上堂容易唔專心，比較自我，提議出去做下評估
我遞咗表去協康啦，佢認知完全冇問題我唔太擔心，只係都有少少奇怪佢學校嘅表現，出街佢係會經常撩人，學校旅行我就見其他同學會一齊玩，而佢又真係冇交流
前提係佢返學同興趣班都鍾意嘅好積極，老師話可能佢啲同學冇人同佢講英文，佢會比較覺得悶，佢講英文嘅場合係活躍啲，不過中文已經慢慢起步，唔知呀聽下專業人士點講先
唔使聽嗰啲人亂噏。幼稚園梗係讀免費嗰啲, 等小朋友慢慢成長, 都可以慳返一筆錢。好似德國式教育咁, 從小等小小朋友探索潛能, 不拔苗助長。佢哋搵到自己嘅興趣, 自然就會讀自己有興趣嘅學科, 學有所成。你強行催谷, 只會摧毀咗小朋友對學習嘅熱誠同埋求知惑。法西斯教育只會令到小朋友有精神病。我都係讀免費嘅幼稚園, 未一樣入到三大。
2個讚
八卦一問：要評估咩問題？
入到三大咋嘛，以為你話入到牛津
1個讚
同港媽講呢啲，要話入到醫科先有說服力架
Anyways, 我同意你前面所講。