我同先生唔想死谷小朋友，所以一早揀左happy school券幼，小朋友都讀得好開心，日日期待返學。但身邊越來越多人話我小朋友聰明，讀券幼會浪費。佢岩岩36個月，求知慾好強，乜野都想知乜野都想試，抽象概念都好快掌握到，例如佢睇書睇到有消化系統，講解過一次就掌握到，次次食飯都會指住身體唔同部位自行講解一次點樣消化完變糞便排出體外。又例如佢睇科學書睇到經緯度同天氣關係、地球自轉同公轉、水循環等等，又係輕輕講解就掌握到，成日會因應唔同現象，自己講返出黎。但我又覺得呢d都係復述理解層面多，唔係特別突出。佢中英文都ok，口語同認字都冇問題，經常自學數學，坐係度主動要求做數學練習或者睇數學書，但佢唔鍾意坐定定機械式學習，係咪繼續讀券幼比較好？難得佢返學返得咁開心！私幼係咪會谷好多？
我唔會𨍭，我自己覺得劵幼唔一定教得淺，私幼名幼教得深，但上到小學又重新。我期望小朋友幼稚園讀得開心同識到朋友重要啲。
你不如研究下升小你想小朋友讀邊間？自行定大抽獎？有需要先課餘時間谷小朋友都可以。
我小朋友升K 2時，佢對數學有興趣，教佢數學雙位數加法，講一次佢就明，我知佢有啲小聰明，但從來冇諗過要轉名幼私幼，教快啲學多啲一定好？
如果你升小諗住名校直資咁一定係名幼私幼有優勢，睇吓你想小朋友行條乜路。
2個讚
睇銀包做人囉
有錢咪去間學術好啲學校
橫掂你小朋友有吸收到
除咗錢我睇唔到其他有乜嘢阻住你
2個讚
我都係覺得最緊要開心
經濟能力冇問題，只係怕轉校小朋友唔開心，佢唔係一板一眼既小朋友
我會先考慮究竟中小學想要d咩再決定讀咩幼稚園
如果對小學中學有要求，諗住考直資考私校既，甚至唔好彩要玩一線小學叩門，咁邊間幼稚園出黎係有關係
3個讚
呢度好似有資優生家長，或者佢哋嘅經驗會幫到你
叻嘅人去邊度讀書都叻，唔駛急於轉校
如果你小朋友真係超班，上堂覺得悶，幼稚園老師都會叫你轉校的（聽朋友分享）
你個小朋友似海綿咁強力吸收，我會揀一間有學術而又學得開心既學校比佢。佢呢家開心，因為佢應付到身邊既學術挑戰（你地比佢既消化系統，天氣等），人就有自信。但如果唔繼續比，或者個學習環境keep住easy mode，佢就好快悶，所以我會試下報學術高又不忘快樂既私比佢，佢考到就比佢去，離開券。
如果成功，佢可能會搵到d同佢差不多程度既小朋友，大家一齊學野，開心過自己鶴立雞群。
另一樣，都要提醒留意小朋友情緒同社交，如果都無大問題就v good
2個讚
開心冇包生仔
佢喺呢間學校下年又可能認識唔到朋友仔會唔開心
係happy School讀，上到小一適應唔到，又會唔開心
如果經濟冇問題，其實我day 1已經揀私校
你幾時見過經濟？冇問題嘅名人仔女，會去讀學券幼稚園
我小朋友nursery時老師已經話佢學野好快好專心，試過突登教啲深啲佢肯定唔識嘅嘢，佢都好快學到
之後佢去咗一間happy school讀K1，當時係細b，佢返咗好短時間已經話覺得好悶，上堂剩係坃，之後in到另一間出名深嘅學卷幼稚園，退學時佢班主任好坦白話，你小朋友適合讀傳統學校，呢度發揮唔到佢長處，有默測考佢肯定會發揮得好好，每次班上即興spelling quiz佢都係拎滿分
係學卷幼稚園到升上傳統小學，不論幾多功課默測考，佢都係好enjoy好自律咁去完成，但我知不少家長同小朋友都話讀得好辛苦
所以happy school定教得深嘅傳統學校，最緊要係睇小朋友嘅性格本質係咪適合，反而學券定私校唔係重點
1個讚
如果小朋友唔抗拒, 可以報讀一些中文認字班,英文會話班之類的試試.
其實讀私幼的,要成績好多數都係出面讀呢D.
除非想考名小學,要幼稚園名氣增加勝算,否則讀得開心便很好了.
理得d朋友講咩～ 好多都係口痕，又唔洗負責任。同街市見人講靚仔靚女一樣。私幼都好多種，未必谷，可能玩得好勁。
1個讚
谷唔谷不是在於幼稚園，而是父母谷唔谷個小朋友，資助學校慳埋啲學費足夠出外再報奧數、珠心算、phonic、yle、普通話加各大認字班…
想的話，自己已經可以買深一兩年的中英數練習去教了
唔好聽太多無謂人講,自己覺得OK就得. 憑咩讀私幼就一定好,唔好比壓力小朋友,令佢對學習開心啲仲好,呢個先係讀好書根本.
1個讚
有啲似我仔細個嗰陣
K2已經識晒班同學中文名 識睇餐牌報紙
最後佢係讀屋村幼稚園 讀屋村小學 （唔谷嘅）
我自己有喺屋企教佢深少少 但都會跟學校進度
廢事佢喺學校太悶唔想上堂
最緊要間學校能夠保持住小朋友嘅好奇心
唔好太谷磨滅晒佢嘅好奇心
因為好奇心先係佢繼續學習嘅動力
4個讚
係啦，我有個朋友又係咁，身邊啲人成日話佢個仔叻仔、好醒目… 佢就以為自己個仔真係好叻，資優果隻，幼稚園已經比勁多嘢個仔學，終於考到間幾好嘅小學
點知上到小一就已經跟唔上，考試考尾幾，佢仲要話唔知可以點幫個仔，已經比佢補習學好多嘢
最後我哋忍唔住講個事實比佢聽，你個仔根本就唔係資優嘅材料，就算比咩補習都冇用
最最後佢都接受現實，幫個仔轉左間一般嘅小學，而家成績都係中等
2個讚
卷幼無問題，最緊要佢番得開心，環境好，中意學校同老師。佢叻易入腦，你可以出面俾1-2樣野佢學，吾建議太多野一齊學。集中學到攞滿足感，keep住有學習既心。小學就真係要好認真諗邊間岩佢性格同模式。乂得參觀既學校多去幾間，自己去感受一下。
2個讚
之前睇過一篇文章話外國nursery/ 小學唔會谷小朋友，對比返香港由細谷小朋友個啲，外國小朋友之後唔會比香港既小朋友差。
如果由細對學習有興趣唔係谷，反而之後讀書會更開心同有自信。
我反而會考慮間幼稚園之後有冇得直升，覺得成日要in學校有啲煩
自覺呀仔聰明過人個d真係要出去見下世面，分分鐘係自己圈子係人中之龍，出到去其實平平無奇。
幼稚園時期最有趣既野係無排名，唔知自己個細路算係好sharp, above or below avg. 而呢家又講正向教育，如果老師同身邊朋友都係誇誇群，做父母就好易係中間迷失。
有時早d認清個能力係好事，有效做好期望管理。
5個讚
唔好諗啦，香港熱門龍幼都係谷完先考到。人地k時谷去考小，佢地就n時谷去考幼，戰線仲早左，更需要父母支援。
唔熱門既龍幼，岩岩睇緊d考k1 post話隔2日就出offer 問人有無伏，所以人就係賤，唔爭唔興香。
咁如果英基個啲係咪又唔太洗谷又可以直升？
如果宜家出生率咁小都要爭崩頭，咁不如細個俾佢happy school之後再去外國讀書。除非真係人中之龍可以谷到做醫生個啲。(帶頭盔個人意見)