BB其實仲有兩個星期先出世，但我已經諗緊幾時可以扮返靚，想買新衫做facial
產前我41kg，36w個陣就52kg，成個孕期都只係肚大左，唔知產後幾時先會自然瘦返？我孕前同孕中都無特別節食，係天生呢個體重。我唔諗住餵人奶既。我見我朋友坐完月已經睇落有返腰唔肥。
呢排週圍都減價令我好想買衫，同最主要係想快啲回復原狀
但驚買咗啲衫到時唔啱著。
第一胎我重左11kg，我陀緊二胎下星期生，暫時重左8.5kg。
我唔係天生瘦底，要刻意減先會瘦，經驗之談，第一胎生完一星期只輕左4kg……坐完月只係輕多2kg……所有孕前既衫都著唔落，最後慢慢減，再花左一個月時間刻意減先去返孕前體重，同埋磅數一樣但身型真係有變……
我有朋友得天獨厚，坐完月紮完肚已經瘦返，但唔係人人都係咁，更多朋友係返唔到以前
第1胎臨生前磅過重左10kg，坐月果一個月已經減番晒
但我有餵人奶，一個月咁大把，助產士&婦產科醫生都話餵人奶會快啲修身，但你話唔會餵
不過你天生就瘦底嘅應該都好快減磅，唯一係個肚腩比較難攪，紥肚會有幫助
但講真，就算有請工人+長老+老公幫手，始終第一胎湊初生嬰兒會好緊張，同淨係想多啲時間瞓覺，所以唔會有心情想打扮
我諗我第一胎果時都起碼生完3-4個月，先有心情打扮吓出吓街咁，所以唔洗咁心急，到時先shopping都唔遲
2個讚
我大肚個陣都可以著返以前啲衫，但當然係腰身有彈力個啲。
宜家臨生越嚟越多野諗。
係因為想休息得好啲。
我頭兩個月應該都唔會打扮，同唔會見人。但想之後bb滿月變返靚見人。
可能呢排雙11/ black friday搞到我好想買嘢。
1個讚
我都係瘦底
有之前都係<45kg，陀嗰陣都係肚大，人唔肥，臨生時都無腳腫，兩胎都係咁
不過生完坐月就好肥，肥到50kg，可能我餵人奶啦，一日5餐，湊B無時間做運動，又要食肥豬肉
講到真正著得返以前啲牛仔褲，好似要差不多兩年。我第二胎twins，個肚好大，撐鬆左肚皮。第一胎係完全冇肚紋
而家都去返43kg 不過就好易有個肚腩仔，要keep住做啲修腰運動=日日扭腰一分鐘
我覺得紮肚係有必要嘅，連hip位都會同你紮返細
因為產後6個月係修身黃金時間，啲關節仍然鬆弛，如果唔趁機修返，撐大左骨架就點減都減唔到吋數。
所以產後一定要注意姿勢！
產後一定要注意姿勢！ 產後一定要注意姿勢！ 如果唔係好易周身痛
1個讚
我都係大緊肚可以著返孕前鬆身既衫，但陀緊時肥少少唔會覺，生完後再著，你會見到背脊厚肉左，手臂鬆左，肚腩位突出黎，盆骨闊左，好醜樣架！
紮肚痛唔痛嫁？我有同事做過話佢係咁壓個肚有啲痛，但佢都話係有效果既
我最驚係呢樣
衫唔怕買，睇啱可入小小貨！坦白講，無論何時都有d新衫唔著或者小著架啦
新鞋就唔好啦，隻腳生完大左
我宜家放左落購物車但未埋單可能坐月個陣再睇下恢復成點先。
我腳36w都無大到/腫，都係著以前既鞋。唔知再下兩星期會點。手指除咗一起身腫小小，晏晝都正常返。
我都聽人講生完之後腳變大左，好彩我生完兩胎都冇大到，啲鞋仲著到
我本身腳勁細，34號，有時某啲牌子想買都買唔到。腳大小小其實我都ok 哈哈。但又唔想浪費哂之前買個啲。
啲人話有左個胸會大，我個陣都好期待，但都只係大左小小
成身真係得個肚大左，背脊都睇唔出懷孕。
有冇去啲outlet睇吓，勁多大牌子啲outlet都係得番極大/極細，實有啱你嘅，外國啲百貨公司網站都有架
我成日都諗自己有咁細隻腳就好，可以平價買勁多靚鞋 RV 3-4千蚊就買到，超級抵買
有啊，但就係要專登去搵。我次次去bicester village都買rv 同rupert sanderson。
我直頭著到童裝tods鞋，呢個都勁平同勁好著。
但我之前想買chanel鞋，佢好多款都無34。
想搭單問下生完係咪都多數會紮肚??
我陀嗰陣時唔係肥咗好多
生完努力餵奶湊b好快已經瘦返啲，但個肚皮真係好難搞，啲muscle無哂，個腹係好無力！
至於幾時可以扮靚，我一生完就book滿月去做facial
做gym之類劇烈運動就係覆完診醫生話ok就開始
1個讚
我無扎肚, 幸運地產後一個月已經見番條腰, 但條腰的確粗過以前。
以前著到S碼褲, 生完就要著M碼
1個讚
唔痛㗎，係箍得幾緊嗰種唔舒服
一紮連續紮幾日，每日8個鐘，幾年前唔記得確實幾多日
1個讚
我可能格下價睇下幾錢再諗。我諗個原理同塑身衣差唔多？我買左條skims既塑身衣玩下。
宜家已經坐完月瘦返啦。感覺上已經去返孕前身型。
1個讚