我8歲父母離異，我有2個細佬，3個都跟我媽生活。
由細到大見過好多社工社署，小學拎過幾年綜援。
到我中學，呀媽就同左個uncle拍拖，
Uncle 對我地3個都算係咁。
以前初初出黎做野，搵9千蚊俾2千家用，
到我媽搬左去同uncle住，我就無俾錢佢，
因為屋企既屋租同水電煤都係我同大細佬搞掂，
細細佬仲讀緊書同我爭10年，所以佢就無俾錢交費用。
但我媽仲不停叫我地俾錢佢，
話佢身邊d朋友既仔女個個都俾家用d呀媽。
好似疫情果幾年，我份工手停口停，
有幾個月0收入，我就同我媽商量，
問下佢可唔可以幫手交下租先，
當我借又好咩都好，始終佢2個仔同我一齊住，
個仔佢都有份。
佢一句話：「間屋你地3個住，你地自己搞掂佢啦。」
我份人工每個月平均得$15000，
自己又做左定期儲錢，又有買保險，
根本係唔會有錢剩到俾佢。
我大細佬搵到d錢，我媽就不停叫我細佬俾錢佢，
話做仔女就應該要俾錢呀媽。
我唔係話唔想俾，係我有錢先得架！
平時出街食飯飲茶已經係我俾錢，
大時大節食下好西又係我俾錢，
果個月鬆動d俾1千幾百佢去飲下茶，
每個月山長水遠去探佢又買下生果同其他野，
但我媽仍然覺得我係無俾過任何錢佢。
到我而家同男朋友搬左出去住，
我地2個諗住結婚，想儲多個錢，
我媽都仲係不斷同我講佢無錢想我俾錢佢，
我個心好攰。
咁伯友想你比幾多錢佢？
如果只係每個月一至兩千佢就心足、對你嚟講會唔會好大負擔？
我見過有人咁做
又係父母要個揾18000嘅女每個月比10000家用、個女唔想比，就同自己父母講爭咭數、問返父母借五十萬….自此父母冇再問佢拎家用
但背後有冇喺親朋面前唱個女就唔知啦
5個讚
佢係成日俾說話我聽，話人地d仔女個個月都俾5 6千蚊個呀媽飲茶買野食，你俾一次唔俾一次佢又會俾說話你聽。總之你俾幾多佢，如果少過佢d fd既仔女，你就會keep住聽到佢有說話聽。
少啲見啦
過時過節比啲錢佢
家用就…都唔係一齊住，家甚麼用
咁鍾意人哋啲仔女咪收養人地啲仔女囉
人地父母點樣對仔女，佢係咪一樣？
當佢下次同你講「人地仔女」個時，你又同佢講「人哋父母」
「人哋父母」買樓比首期供外國讀書，你呢？
8個讚
直接同佢講呢句，石頭係揸唔出血既。
厚面皮啲同佢講，你有錢都俾啲我洗啦，人哋啲父母都係咁。
心攰係因為你都好想有能力，但就好似返工咁，唔係老細chur就搞得掂，睇開左就可以無視呀媽。
5個讚
每次佢情緒勒索你就諗返呢句野。真係好過份，你細細佬當時未夠18歲? 佢有責任養架。
你而家都有男朋友，你都要為你將來家庭打算。儲多個錢傍身，當幫第時你自己嘅小朋友儲錢。
好老實，我唔覺得你有需要俾家用，第一你唔係搵得多，第二佢都冇付出過，佢亦都唔係經濟有困難，第三你俾咗家用佢有啲咩意義？同一筆錢擺喺佢度定係擺喺你將來個小朋友度有用啲？
2個讚
咁既情況有錢都唔想俾更何況無、我諗你為多啲自己打算啦、家咩用啫佢都唔係呢個家、你細細佬好慘
咁你咪話，人哋d阿媽夠自己儲夠退休金，唔洗問仔女攞錢過活，仲有錢幫仔女上車買樓啦，咁你做唔做到呀？你都做唔到人哋阿媽咁，我又點解可以做到人哋仔女咁呢？
唔洗理佢啦，留返個錢自己用，一年見一兩次就夠。
話人地啲仔女乜乜乜，可能佢吹哂水只係為左攞錢無句真，唔洗上心。
依家只係同兩個細佬夾埋唔洗再比錢佢，每年見一、兩次就夠。
呀媽已經跟左第二個男人，跟呢個男人唔同你地一齊係佢自己選擇，你唔洗繼續做佢嘅長期飯票
。
你三姊弟為自己未來打算就夠
1個讚
如果你呢個成長環境同依家處境，我係唔會俾
人比人，比死人，即使你俾佢五千，你媽又會話人哋仔女俾一萬。
我會話人地仔女唔使咁早揾食，唔使照顧細佬，父母仲幫埋結婚，俾首期，講呢啲！
4個讚
最恐怖就係呢啲淨係講錢同情緒勒索嘅父母
最好少見面
同埋有咁遠搬咁遠
4個讚
唔好俾,你媽將照顧2個仔既責任推左俾你咁多年,佢話自己係遺傳佢既不負責任就得啦 
1個讚
佢呀媽同我呀媽一樣做人不負責任,所以我地"有樣學樣"就得啦~
我當正佢係反面教材,所以我做女時勤力工作儲錢,而家就好錫好照顧個小朋友
1個讚
佢一個人湊大3個，冇閃左去，冇改嫁俾個禽獸後父虐待仔女，其實算係咁。
每個月咪3姐弟夾返5千，一人都係千幾蚊，俾完咪減少返食飯生果禮物，都係嗰條數。
千幾都唔想俾就冇辦法啦。
你算好好，
好多結咗婚搬咗出去住，
都係過時過節俾下500-1000咁。
唔會話過過月俾。
1個讚
