竟然唔合格，好灰，小朋友幼稚園根基一般，而家學校程度深，入學時已有心理準備，不過未能完全無感覺
唔開心梗有嘅，我小朋友讀K3，中英文字都寫到錯晒，字都未認到，我都冇眼睇佢出年上小一，但係都冇計，順其自然，第一測驗唧，比啲時間佢啦
1個讚
可能未習慣考試模式
考試前不妨比啲舊考試卷佢做下
網上有人分享
1個讚
多謝你 好彩小朋友都重好正面 話會再努力
之前幾年唔係停課就網課,比d時間小朋友pick up
1個讚
小一啫，唔駛咁緊張喎。
宜家先11月，如果佢幼稚無考試測驗，咁這是他上小學第一個測驗吧？點樣去溫書、點樣去答題都大有學問，未必一次測驗就搵到最啱佢嘅方法，小一至小三其實仲有空間俾佢地跌下，無可能次次都拎好分數，經歷下低，先有空間進步，我自己覺得～～～最緊要每次都要檢討做得好同不足嘅地方，媽媽調節下自己期望吧。
小一可能未適應未在狀態 (仲嘻嘻哈哈玩)。
有冇一齊望過失分位？有啲學校係唔跟出面作業出題方法，要真係理解融會貫通，小朋友唔習慣唔適應就唔識做。
E.g. 作業只需要小朋友填 What where 呢啲，但學校係要成句寫
如果只係唔慣未入 mode，咁下次溫書就跟返個模式，好容易糾正到
講返個encouraging 例子
我小朋友小一時第一個測驗，中文分數係差到得個位數，要入輔導班（100名入面最後10名就要入輔導班）
後來檢討返係佢唔慣做卷（佢幼稚園時我放養佢又無考過小學又無為小一做過咩準備），聽唔切老師讀題目又唔識自己睇題目，結果左扣右扣得返個位數。
於是，我上網搵下有無學校嘅試卷，有啲要買，照買。俾佢慣下考試模式。結果佢大考全班頭幾名。我同你一樣都擔心過，但搵到辦法，小朋友係會慢慢成長嘅，加油！
一黎真係未係認到好多字又緊張到併唔到 二黎跟唔到讀卷 希望可以同你小朋友一樣捲土重來
1個讚
小一對小朋友嚟講仲係適應期
佢要適應返學返全日，又突然多咗功課，
同埋又要面對新環境，已經係好叻叻
我女都係今年小一，
只要佢默書測驗前肯努力溫書，
我都唔太計較分數，
一樣會讚佢有良好嘅學習態度
我哋相信小朋友會慢慢進步