雖然仔女都好，健康就好
但心底裡都係好想第二胎係女，湊成一個好字
大家點樣平衡心理呢？喊咗成日了。
傻豬，洗咩喊呀？仔女都係你既，仔會仲痴媽咪，錫媽咪，兩兄弟一齊成長，有伴開心好多，我姨甥女生左三個都係仔，但三兄弟好老友，食同玩都一齊，不知幾咁老友。
6個讚
傻啦～ 如果係仔而喊足成日，咁要諗下點解要生第二個，當時做決定個考慮點係咩，初心係咩。
5個讚
我識有幾個朋友都係因為咁而喊
但bb出咗世之後就開心晒
最多買女仔衫比佢著過下癮
1個讚
正常既，有仔想要女，有女想要仔
唔緊要啦，呢件唔係我哋可以控制既事
最緊要身體健康，聽教聽話，快高長大
比自己失望一日！聽日就會知道今日唔開心係傻豬
1個讚
向好果方面諗，又慳返一筆，可以用返、著返哥哥嘅衫同用品
5個讚
我好恨生女，但我兩個都係仔
點都好都係自己生，一樣開心架
生仔減低破產機會 hahaha
1個讚
都明白嘅，正常。
我&老公都好想要女，點知係仔，開頭都會少少失望，當然生咗出嚟都好錫佢。
如果生第二個我都會想要女，不過決定一胎封肚+驚第二個都生仔，始終生仔生女無得控制，我驚我第二次失望
1個讚
多謝大家 
你哋每個都好溫暖，諗諗下小朋友都係天賜，佢嚟到係男係女都有天嘅安排，健康成長已經要足夠
4個讚
你好傻瓜
你好幸福㗎，身邊好多朋友想有bb，點努力都無。
4個讚
我覺得得父母先想一仔一女。多數個仔都想有細佬可以一齊玩。問十個男仔，九個細個個陣都唔想同女仔玩。
3個讚
可能細佬會有晒女仔嘅特質，又warm又細心又痴實晒媽咪呢
哥哥係咪好開心？
1個讚
我朋友佢老公係獨子(屋企有錢), 佢生咗3個仔，又係恨生女，不過唔想再搏喇，但都係覺得有d遺憾
。有朋友同佢佢，如果你生3個女，你可能又會有壓力呢。老人家係咪仍然都係恨男孫多d 呢？
1個讚
兩個小朋友同姓別有好多好處
容易有共同話題/興趣，長大後唔止係兄弟仲可以係朋友
照顧兩個同姓別又易啲（最基本唔使排完女廁再去男廁）
買衫可以兄弟裝，哥哥的衫/玩具又可以留俾細佬
可以由細到大都同一間房，唔使煩惱要分房
考學校可以專攻男校，增加機會率
大個後娶老婆，兄妹就要擔心姑嫂問題，但妯娌關係比較少問題
利申：自己屋企兩姊妹，我同家姐感情關係好好，成日傾電話。老公就兄妹，雖然關係都好，但兄妹之間就無咩傾，唔會主動約見面（反而多數係我主動約）
我生左2個女，雖然陀妹妹時都有諗過如果係細佬就好啦，但妹妹出世後見佢地相親相愛咁sweet，就覺得同姓別都好好
2個讚
有家產同傳統個啲可能會。
1個讚
你叫生3個或者4個都係仔嘅人情何以堪
其實真係仔女都係自己生嘅,何必咁執著呢
1個讚
通常我呢啲生咗仔嘅
見到人地啲女大個咗麻麻煩
女仔之間社交又特別多問題
屋企又多無謂嘢
就會覺得好彩自己嗰個係男仔
起碼出街去洗手間係爸爸搞掂
同埋屋企全部男嘅佢哋個個都會好錫媽媽
屋企媽媽大曬
有個女就會話瓜分咗地位
生女嘅唔好打我、我只係想安慰樓主
5個讚
講中我心聲
我女出世到以家20幾歲，屋企朋友都暱稱佢做公主，我就變左奴婢 
如果係仔，我相信大家會錫我多啲
4個讚
想好字
1個讚
情願兩個仔，不願兩個女
1個讚