澳洲就業機會一向都係一般
考慮移民除咗天氣、文化、生活模式、教育，都必須考慮埋就業機會，如果有仔女更加要考慮埋呢個因素，除非真係有錢到夠養埋下一代
本人冇根據地覺得如果讀finance或做銀行應該冇乜發展
大陸人為護照咋？
10幾20年前已經係咁，好多澳洲留學生畢業搵唔到工作，做domestic cleaner做垃圾車司機，係搵到錢但冇得學以致用
Fin tech專業人士如果meet到個requirements好易移民去澳洲，但去到澳洲就未必咁易搵到呢行嘅工
咁點解仲要呢個requirement?
我朋友都係搵左做包裝工, 我都估唔到
有另一個朋友好好, 畢業做大公司, 之後都係轉再大D既公司
1個讚
因為個requirement 係移民局set. 但移到民未必等如有公司請你。冇本地工作經驗係澳洲搵工嘅大絆腳石。
本地係好缺工程項目經理，係收好多技術移民，但缺人都唔請新移民
2個讚
我PROFESSOR響澳洲做過幾個PROJECT，覺得D人太LAY BACK，返工收工好準時(依樣無問題)，但工作時間內需要做既事就日日都完成唔到，成日做得4/5成(香港都唔係話高但都7-8成丫)
佢覺得返工好辛苦因為日日都要捽唔同TEAM既TARGET，後來佢公司幫佢簽VISA同會幫佢移民佢都放棄左， 返左香港做教育。
宜家可能唔係咁。定係我去咗個平衡時空？
星期一至五每日返10 個鐘，呢個星期開始星期六都要返而且冇補水。啲人都做嘢幾快手，起碼快過香港
我諗個PROFESSOR都十數-廿年前既事，佢成日話返黎香港就教CITY U
依家有咁投入工作都好呀
好奇怪嘅現象，原因係乜？
呢度啲人好參差，
好嘅做嘢醒目兼爽手，
那西同老pat pat起上嚟都可以幾嚇人。
oh sad
但如果你係阿富汗呀、以難民簽證入嚟都有好多機構去幫助你就業。
同埋搵工好睇你係揸乜嘢簽證入嚟。我識得啲人因為老婆喺度讀master所以個老公可以喺度做嘢，但係搵咗一年都搵唔到工做。
1個讚
依？
我搵工冇交待過咩visa，淨係俾行業註冊編號。
見工連cert都冇睇，帶個人去吹水就得，都咪話唔culture shock，
啱嘴形，同事肯同你合作就得。
Cover letter/CV寫明有work rights會唔會有幫助？
我都係喺香港網上見工，都好似冇睇過我啲cert 喎….
我有個朋友話俾我聽澳洲嗰啲獵頭公司或者HR係好懶惰。佢哋會用軟件scan你個CV啲重要字眼（如full working rights、citizen、PR等)，你冇嗰啲字眼就會即飛。
1個讚
我女剛澳洲大學畢業,我地係citizen。佢話識有一兩個中國留學生畢咗業一路搵唔到工,估計由於佢地唔係PR或citizen。就算佢地搵internship都比較困難。
1個讚
佢哋要人有local experience，咁冇一個employer請第一次，點會有local experience.
如果有响當地讀書都好啲…就咁新移民真係難搵工，IT 行業就好啲，識得幾個去到都搵到工。
有幾個原因.
- 大學質素參差不齊, 留學生英語不好, 缺乏本地工作經驗.
- 讀書原本就唔係為左申請入籍, 只想趁機留澳打工搵錢, 之後返本國.
- 只想留澳但沒打算入籍, 因為本國不承認雙重國籍, 幫在本國搵錢的父母管理澳洲資產, 將來回國繼承遺產. 你慬的.
3個讚