應該因為樓主後尾開估(𥙷充)左
呢個青年 無經濟能力 無自理能力(??唔肯定唔太記得) &屋企人對佢有抱怨&不滿
… 咁呢位青年就應該要靠自己做返D嘢了 最後聽落都做左孝順仔 有能力照顧埋父母
… 如果呢位青年呢個時候依舊一樣沉迷打機 都有能力了 隨心而為啦
2個讚
係, 因為社會對男女預設左唔同期望, 根本無可能平等:
例如覺得男人係應該有事業既, 就算搵夠錢, 響屋企日日打機等於廢(因為打機唔係事業既一種, 亦唔係貢獻社會)
女人婚後有男人養, 響屋企無所事事就係幸福少奶奶
就算話兩公婆有小朋友, 一個負責照顧屋企, 一個負責番工搵錢
大多數人會覺得係男人搵錢, 女人做FTM
只有小數人接受到女人出去做野搵錢, 男人負責照顧屋企, 呢個情況仲有機會個男人被指食軟飯添
(當然如果一個人, 男又好女又好, 有個家庭, 自己又唔負責搵錢, 又唔幫手照顧屋企, 我都會覺得果個人係廢, 因為佢對家庭無負任何責任)
3個讚
我真係唔會分男女，女人係咁我都會覺得佢廢
我唔會咁睇，睇返樓主亦冇呢個預設
男人同女人如果仲後生，但終日無所事事係屋企，我都會覺得係浪費緊人生
上面亦有人提過有啲FTM係仔女眼中，對家中冇貢獻，寧願佢出去返工
其實大部分人睇一個人廢唔廢，唔係針對佢性別，係針對佢有乜作為
3個讚
我曾經同過富二代拍拖，開頭係幾爽，日子耐左就覺得好無聊
到我回港開始踏足社會，眼界開了，真正欣賞有事業有管理能力有責任心同上進嘅男人，最終飛咗ex，因為我想像唔到同佢每日無所事事，點樣一齊(捱)過未來嘅日子
所以唔好話兩個同樣有錢，就算另一個冇咁有錢，但有搵錢能力，我都一定會揀個有能力對社會有貢獻嘅男人，唔會揀個終日食玩訓屙嘅有錢仔
1個讚
彷彿世界不是100就是0. 只要有份工就是有貢獻, 只要不上班就是廢.
6個讚
我只係話我會欣賞同選擇邊啲男人
我尊重每個人選擇自己喜歡嘅生活模式
同時亦尊重社會上不同人對不同事嘅睇法
唔理他人點睇，同了解下他人點睇，其實係冇抵觸
Listen to listen, and you will go wise.
5個讚
我老公屋企做生意，佢都係公司幫手。如果佢有一日同我講佢唔想做嘢啦，我又唔會覺得佢廢。我鐘意佢個人，想同佢成日相處，唔係鐘意佢有份工。
2個讚
睇到你講好好笑，揀兜巴星
勝於一切，零優點冇所謂
如果我老公話想提早退休，一齊環遊世界，我都覺得開心架。人生苦短，做自己想做既事就得。
2個讚
Hi
我係樓主啊
今日Halloween，大家都have fun
Be more open-minded and positive!
2個讚
要做到提早退休先決條件係財務自由 
努力中
講開呢種唔做野的二世祖，以前風水佬流傳，清朝的有錢大家族，如果明知道個仔都係不成器，就會由得佢風流快活，玩雀鬥蟋蟀，就算食鴉片都無所謂。反正家財使極都使唔晒。
反而如果俾佢亂搞家業，搞到一鑊粥，咁其他家族成員分分鐘搞到飯都得飯。二世祖也樂得清閒，做生意咁困身咁大責任，無著數。
王家衛果套一代宗師，葉問未去香港之前，咪就係呢種衣食無憂的二世祖。
舊派的風水佬覺得，呢啲二世祖就是最好命。一出世就衣食無憂，上有父母照顧，娶老婆生仔又有家族養育，這就是古代算命的價值觀。李嘉誠果類白手興家，就算做到首富都好，在呢套價值觀底下都唔會覺得好。做生意勞心勞力，雖然很有成功感，但係中間的過程不足為外人道。
不過中國富人大多富不過三代，反而唔似鬼佬果啲有錢人，一早就成立家族基金，將祖業交俾專業管理人管理，寧願後人去 “追尋理想”，明顯是有智慧得多。 Paris Hinton 遊山玩水幾開心，做生意一啲都唔好玩啦。
4個讚
富不過三代喺舊年代可能係大事, 但喺現在, 如果係我真係唔care. 第四代, 已經溝淡到同自己冇咩關係, haha.
小弟認為，其實做唔做野根本唔係重點，假如一出世就衣食無憂，返工扮工只係浪費自己和同事的時間和精力，不如發展下興趣，做運動員又好，極地探險又得，總之活得精彩，唔好沾上不良嗜好，咁就不枉此生啦。好似鄭伊健咁，一早就上左岸，得閒就打機潛水，不知幾過癮。
唔返工的最大問題，無收入只係小事，最慘是唔返工和社會無左連繫，無左“身份”，這才是最麻煩的事。假如永遠只做消費者，這樣做人永遠只能活在表面，難以理解社會的運作。離地闊太就是呢種類型。這樣生活雖然很輕鬆，但是生活很無趣。所以闊太咪鍾意做“善事”，證明自已對社會有貢獻囉
3個讚
好認同呢點，可能有啲人以為有keep住上網了解社會發生緊乜事，就係有緊貼住社會冇脫節到，但始終呢種對社會嘅認知只係表面嗰層，缺乏了社會上嘅連繫
出去接觸個社會先可以真正了解下呢個社會不同人嘅思想行為看法，個人存在感亦較大
4個讚
話說我公司好多人(由其是高層)到退休年齡都話要續約，繼續返工賺錢
我初頭唔明，以佢哋收入，退休後就不愁衣食，何解仲要返工，攞苦黎辛
直至一個朋友同我講，佢哋要嘅係身份
如果佢哋退休，出街只係一個普通亞伯
但如果仲繼續返工，人哋喺公司度仲會叫佢做X生，X姐甘
咁一啲啲人啦。有啲人成世返工只係同公司有連繫。有啲人除咗返工做高層，仲會返教會有join教會事務，有啲打golf/其他運動有識人或者入golf club/ sports club。
我自己都識啲長輩係退休環遊世界，平時有返教會，本身佢都係cfo，係教會都有地位。有啲就鐘意影相，同其他志同道合既朋友去其他國家影相。
返工真係唔係全部，就算打機都可以打到現實有朋友，唔係只係一樣負面既野。
不過都係個句，呢個世界有大把不同生活方式，自己happy就得。
1個讚
係香港係返工返到好厭倦，加上有了小朋友便把心一橫做ftm, 一做便10年多
嚟到英國老公負責車接送小朋友，小朋友返5-6個鐘頭學，settle down後每日都好多時間勁得閒，半年後開始做part time，之後轉full time
早排放了2個星期假，我竟然有少少掛住返工，喺到返工如果有需要可以隨時早走請假，唔使怕老細同事唔鍾意。平時同同事傾吓閒偈，可以知多啲本地嘅嘢，就算唔啱傾，有個對象hi bye, 呢個感覺都係好好
我從來冇諗過自己會有鍾意返工嘅一日
上面有人提過存在感同”身份”，有返工的確會確確切切感受到
6個讚