大膽，我諗都冇諗過
同個靚仔出軌，呢啲cv 唔係人人有資格得到 
1個讚
問題係咩叫”虛度光陰”
子非魚焉知魚之樂
正如有人鍾意買包包買LC
有人鍾意打機儲figure
有人覺得打坐念經可以拋開煩惱
有人覺得日日用盡時間做嘢賺錢先有成功感
如果你用香港嗰套, 好容易define咩叫虛度光陰
但世界又唔係得一套準則
扁扁好多香港人成日用自己套準則去同其他人比較
好Q無謂
9個讚
如果有個女人嫁完唔使返工，有工人打理家務，老公俾好多錢佢去shipping、facial、massage
應該大部分人都會羨慕佢咁幸福
3個讚
講到尾就係每個人對「癈」嘅定義唔一樣，冇絕對啱/絕對錯
4個讚
就係囉 每人心中都有一把尺 無可能滿足到所有人
(其實每人心中應該有兩把尺至真 另一把量自己 通常無咁苛刻 我認㗎 不過我都信有人對人對己都一樣 
)
2個讚
呢啲咪係香港嘅社會規範囉
女人未生仔之前都應該要返工咁，唔返工會比人問長問短，問做咩咁後生唔做嘢，我係親身經歷過
但向日本，女性一結婚就辭職唔返工係好普遍，唔會有人問長問短
5個讚
世俗眼光有時真係幾得人驚
百多年前 社會主旋律係 女子三步不出閨門 女子無才便是德(我知未必好似字面咁解) 咁就為之好
一百年後 社會吹奏完全相反 要多D見世面呀 咩都要試吓呀…
再一百年後 同樣既一件事 到時年青人又唔知會獲得咩評價 要規行矩步到咩地步…
4個讚
Right. 所以我只答自己意見：廢人廢人廢人
1個讚
我知好多人覺得咁講judgemental，但一個人搵幾多錢證明唔到佢幾有用，做啲乜嘢有質素嘅事先重要，人係要分高低，因為有啲人就係做廢人以貶低自己
以下參考：我好感動，一拳店主冇錢冇物業冇財富，但佢呢種先係我敬重嘅男人其一，我唔係下下話要改變世界，但既然有錢成咁，rather than un un 腳，可唔可以做多少少嘢？多有多做少有少做
Totally agree with you
世界要進步就需要有人願意前進
既然有錢有能力，比起要為口奔馳嘅人幸運咁多，點解唔好好運用
5個讚
知㗎嗱 仲唔知你咩 如果係古時候 你應該就係果D女俠黎架嗱 你梗係要搵返個有份量既男人啦
現實中 我(&應該好多人)都知 你都係俠女
呢度其實好多人都支持 有錢有能力有理想既人 真心搵到自己喜歡既工作/事業 就盡量貢獻社會
另外亦都尊重某D人 可能性格原因 可能經歷過什麼 有自己既取捨
我自己就咁諗 貓有貓性格 狗有狗性格 狗去評論貓既性格行為怪異有D唔太好 但狗話貓餓了又唔去搵食係反駁唔到
&重申 樓主個case係比較廢 必須要!返工!
2個讚
我真人係徹底地…小師奶一個
我做唔到話改變社會乜乜柒柒，但我相信有人會咁做，我相信做人應該係咁，我相信世界應該係咁，我會試下係咁，我更敬重每個肯咁做嘅人 
係煩膠咗，但我相信呢度好多人如此，否則一早亡國啦
2個讚
樓主前設係好有錢但係屋企打機，唔係話打機呢個活動低下，而係長期打機好影響健康，如果將打機轉成去環遊世界/種花養草etc，我覺得無問題呀。
樓上問如果係自己仔咁會點諗，錢足夠的話我又覺得wo, 只係想佢開心。
呢個topic 係咪可理解成：有足夠既錢人類應唔應該選擇躺平。之前呢到有類似既post, 當時大比數覺得年青人如唔影響人地就可以躺平無罪，反而今個post 好似一半一半。
至於話為社會貢獻個d, 我覺得唔一定要工作，捐錢呀助養兒童呀之類，做個善良既人就已經係對社會有幫助了。
3個讚
亦可能個男人有長期病患呢?
年青人幾努力但面對咁不公義嘅社會，我主張佢哋唔好做韮菜，唔使跟社會方程式：結婚生仔買樓升職做社蓄，必要時躺平唔好有下一代，係對抗極權最佳方法（如果冇能力移民）
但無論係呢種年輕人或樓主講嗰種，行有餘力貢獻社會，特別係非建制嘅事業，任何人都應該做下。佢唔做，終日打機上網，被人叫廢柴又點解咁介意嘅？終日無所事事又唔介意？
得閒睇下膳心小館、嗎哪餐廳點樣苦苦經營，除咗提供餐飲服務仲幫基層同浪浪，蝕住做。呢啲人如果咁介意被人叫廢柴，都可以spare多少少心靈空間感到羞恥
我哋都要學識點樣唔care人哋睇法，所以我只係答樓主問題
1個讚
我覺得已經離哂題同定得條線太高。一開始就講唔做嘢，之後延申到要貢獻社會，但不公義既社會又唔洗貢獻社會。
同男人同女人唔做嘢又有唔同既睇法。
5個讚
可能我衰，開口埋口叫廢人廢柴引致大家反應大 
冇事我出返去煮飯先
1個讚
咁一個人廢唔廢，同佢有冇返工冇乜關係
2個讚
我又唔會理人叫人廢柴但我只係覺得大部分人只係普通人。
2個讚