開咗6個鐘頭抽濕機D衫都唔乾,諗緊買呢啲有埋heat嘅架,有冇人用緊?好唔好用?
有冇試過抽濕加埋風扇一齊用…
1個讚
我上年買咗部,不過無咁大座。
唔好太高期望
呢款要配埋個套 製造一個enclosed空間先好用
1個讚
之前FB有人講過唔好用,只係發燒線部份乾其他位唔乾!
以前租屋業主有一個細嘅,開咗得發熱線個位乾。但我朋友買咗一大座有cover果d,佢話乾到,我諗要有個套罩住先得
點解唔買部乾衣機
2個讚
可能係租屋。
我哋而家租人地方,都無乜買大件嘢,我老公都話買咗樓就買齊佢,生活方便啲。
我都想問 (怕某D衫縮水?)
上面講左 係呀 加個套 個套漏條?gap?(唔識寫) 加個風扇仔(大風扇唔好) 房間有抽風 效果會好好多
呢個架似乎要放個cover先有用
冇買乾衣機因為廚房唔夠位,上手整咗一套㕑櫃,但唔好用,砂煲罌罉都唔夠位擺,所以擺唔到乾衣機。廁所都冇位擺。
有冇位放洗衣機?
有二合一嘅
洗衣機放咗喺樓梯下面房仔度,入口好窄,得兩部機可以入度,應該入唔到二合一
所以都想問下其他人點做?
咁你原先諗住買上面個架係放喺邊?朝行晚拆?
如果長期擺同一位置不如擺乾衣機仲方便美觀,又慳功夫。不過能源標籤C以上嘅乾衣機價錢真係貴一截。
我老公之前响amazon訂咗呢部暖風乾衣機嚟澳洲,通常開2-3個鍾就乾到,不過都幾食電。