老實我都想個仔嘅老婆係個有能力嘅事業型女性rather than係個ftm
4個讚
朋友個仔中學生，真係有同媽咪講：點解你唔返工，我啲同學媽咪全部有返工，好smart有型
笑死，我冇番工1年，好認同你講旅行完冇失落感呢樣嘢。甚至嚴格黎講係冇左"星期日喇，聽日要番工喇"既失落感
4個讚
做ftm 還ftm 都唔好同社會脫節，亦好講求個阿媽態度、父母相處關係。
有d 女人做ftm 講到自己最偉大，成日怨個男人淨識搵錢，好多怨言。
人生淨係圍住屋企、仔女轉，呢樣先唔健康。
9個讚
如果要變心嘅，就算個老婆係女強人都無用啦
5個讚
點講，其實我覺得以前就話家長望子成龍望女成鳳，但而家掉番轉係仔女會望自己父母有錢有父幹，我覺得2樣都唔係咁好。
如果父母係有錢既，冇製造家累俾小朋友，我覺得仔女唔應該干預係ftm定ftd, 定幾時退休。
我曾經有朋友埋怨自己父母咁早退休享受人生，但其實佢父母算係自給自足，仲甚至幫佢俾左首期。
3個讚
我個point唔係男人會唔會變心，同用乜藉口變心
我主要想講如果女人有能力，即使男人變心唔再顧頭家，女人都唔會咁徬徨無肋
我做咗人阿媽，自己有個女，假使佢將來老公好搵到錢，我都唔想佢放棄自己事業做ftm。當然呢個諗法我只會放係心裏面，唔會左右佢任何決定
1個讚
講乜都冇用，所有嘢同睇Nancy 仔女國籍一樣，你自己做人奶奶想個新抱係點就知：十幾年唔做嘢 vs有事業有錢，有邊個奶奶唔想威。唔好攞自己做 ftm 幾偉大嚟情緒勒索人，我就係講事實
細個嗰陣梗係想成日黐住媽咪
到大個咗，就會羨慕有啲人媽媽事業有成，家庭事業兼顧到，又可以俾意見仔女， career path 點行會順利啲， CV 好啲。
3個讚
係，我小朋友細個時，佢哋都話鍾意媽咪唔使返工陪住佢哋
到佢哋讀中學，我問佢哋媽咪返工好唔好，佢哋話冇所謂，到我出嚟返工一排之後，佢哋話其實都鍾意媽咪返工，覺得我都好似人地媽咪咁叻
3個讚
我做咗ftm10幾年，如果有得重新選擇，我會揀keep住做part time，唔會完全放棄事業
1個讚
可能我有D多事 其實係咪已經唔係講緊原po既case
𠩤po係話…
某D香港人好有經濟實力 唔需要工作都得
但佢地仲後生 唔返工無所事事咁 唔知佢地點過
返工就唔使咁悶 又搵到錢啦
…
然之後 個po就好似開始變左方向 開始變左講 返工既好處 如果唔返工就長遠無左搵錢能力 無錢時要睇人地面色 …
咁樣實有排拗喎 咁到底係講緊好有錢 稍為有錢 定唔多安穩?
我支持鍾意返工既就返工 返工好多好處
我又支持金錢無憂既人鍾意做咩就做咩 平淡就平淡 重複就重複
你點鬼知人地未過英國前 係咪已經歷風浪 生意年年千萬有賺過有蝕過 咁仲打乜鬼工
其實聽落 返工都係大家一種"方法" 達到以防脫節/識新朋友/加快融入/比較安心/有成就感… 明 真係好多好處
不過講真 若果唔缺錢 "方法"就變左有好多種 唔使局限一定要迫自己要返工
15個讚
有時係被命運推著走
2個讚
我係出po個樓主呀
同我原po離題都唔緊要，帶出另一個討論話題都幾好啊
我傾向支持如果仲後生，即使好有錢都最好做下part time或義工或學下野，總之搵啲嘢做下而係可以接觸到外面社交圈子
退休人士都需要搵啲細藝做下，唔係會好易退化
7個讚
其實係, 如果要我養埋佢就話…如果唔影響我…
人地數手指都唔關我事啦…
雖然我都覺得返工係正常…但冇話休息一下係唔正常…
就算早退休, 又或者人地有被動收入呢
2個讚
支持!!
我都係，仔仔9歲 year 5，由佢出世我就ftm ，兩父子都堅決反對我搵工做（其實我想去做義工）
阿仔永遠都答：唔好呀，你返工邊個照顧我呀，我唔想其他人湊我放學
我好珍惜佢仲痴到我實嘅日子，或者等佢大啲我都會搵義工做，其實而家我照顧緊我其中一隻老貓都已經夠忙，希望陪到佢最後
1個讚
好多人係屋企投資炒股, 睇住個市, 但唔會講俾人知
1個讚
我有個同事就係咁
佢嘅意見幫到佢個女好多
1個讚
我自己親身聽過嘅case係
中學嘅仔女、同親戚講朝早起身返學呀媽仲喺度訓
朝早淨係同其他呀e食早餐
放學返嚟見到呀媽喺度煲劇/訓晏教
煮飯求其買外賣
但仔女開口話想補習、課外活動
有時比、有時話冇
同老公仔女有野嘈，就會話自己為咗頭家十幾年比對仔女工又返唔到、付出咁多但佢地一個二個知唔知感恩
仔女唔會當面話佢、但私底下會講
隔離商場咪請緊保安、你有心點解唔做….
全職媽媽唔一定偉大、同樣返工嘅唔一定係女強人、如果只係返普通工拎緊一兩萬、本身又冇進修上位、我自己覺得呢份唔叫「經濟獨立」，最多係「洗得鬆動啲」、或者叫有錢買吓自己嘢……
7個讚