可能我以前做開gym，每日都有個時間表，做完仲要有休息時間，咁樣已經每日無咗兩粒鐘以上
我諗唔返工都要有規律去做某d嘢，只不過果d嘢係自己想做嘅嘢，rather than工作逼你做嘅嘢
3個讚
我冇返工11年, 間中都有不如返下pt的念頭. 但每次再諗深一層都係唔想少左自由時間(小朋友返學時), 或唔想少左時間帶小朋友去玩(放學後). 所以都係決定繼續唔返.
再具體d, 每次旅行玩到盡興一刻冇“之後又要返工”的失落感已經值回票價
10個讚
我有個FD都係咁,十年無返工,之後佢老公愈搵愈少,佢就去左做PT,點知做做下,間公司叫佢轉FT,俾個算係半個呀姐位佢做 
PS,係香港
1個讚
返工唔係社蓄＆冇返工但個人積極先係最重要，否則同條鹹魚冇分別
對我嚟講返工先接觸到某啲人及事，以及一般生活遇唔到嘅問題，仲有CV都好重要，不亞於家庭。我唔信男人，女人返工先唔會受氣先會受尊重，尤其是男家，所以我點都返工
6個讚
同意，女人返工先會受尊重，如果完全唔返工，男人就算冇講出口冇表露出嚟，其實個心都覺得個女人係要靠佢
況且世事無絕對，自己擁有有學歷同工作資歴，係女人保障自己的最大資產
3個讚
如果你唔係60年代或以前出生的人, 有咁的想法好可悲.
4個讚
唔好講男女平等, 事業女性lee d近代好hit的議題. 如果老婆冇工作就唔尊重或睇唔起, 根本就係個老公人格有問題啦係嘛? 仲要怕佢睇唔起自己? 犯賤成咁?
調返轉, 我一開始就唔會睇上這種cheap男.
6個讚
我睇法係女人keep住有工作同經濟能力，既可保障自己亦可保障家庭
唔好話男人信唔過，當佢信得過，萬一佢失業或者有什麼不測，如果女人有工作同賺錢能力，喺呢個時候就可以頂住頭家，唔會咁徬徨無助
2個讚
你咁講就make sense. 但同你原本所講女人返工先會受尊重完全冇關係. 對方尊唔尊重一個冇返工, 冇收入, 甚至失去工作能力的伴侶係對方的人格問題.
6個讚
我好認同呢點
女人有工作bargaining power點都會大啲，現實就係咁現實
2個讚
我都想分享下一啲事
朋友做婚姻輔導，有啲個案除咗見夫妻相方，仲會見埋仔女
佢話有不少個案因仔女已大，5x歲就想離婚，同佢地仔女傾，佢地仔女話覺得父母婚姻有問題，其中一個原因係媽媽一直係全職家庭主婦，爸爸𠄘受整個家庭經濟負擔，媽媽亦認為自己付出了好多，原來仔女都覺得媽媽應該要工作
如果一人工作support唔到穩定充足的家庭經濟, 根本二人都應該返工. 唔夠錢又係都要做ftm, 要死慳又為錢嘈, 唔返工冇意思喎.
2個讚
我可能表達得唔好，或你誤會咗我意思
尊重唔單只指向老公方面，包括男女家點睇，自己係社會上競爭力的價值
我在乎係自我價值，多過老公睇法
唔係怕佢睇唔起自己，更加唔係犯賤，只係唔排除男人會有咁諗法
1個讚
我媽媽喺我好細個時轉做ftm. 長大後好多寶貴兒時回憶都係佢同我一齊過的日常生活. 我從來冇覺得媽媽返工仲好.
我都有問過我小朋友如果我返工好唔好. 佢幾年來都係答唔好, 想我送佢返放學, 想我帶佢玩, 平時鍾意同我一齊過. 到佢大個唔再時常同我一齊, 我應該都會好快習慣擁有更多的自由時間.
4個讚
我唔知道嗰啲個案嘅背景，不過就算男人搵錢夠穩定充足，都唔代表佢冇擔起頭家嘅壓力，始終只得佢一人搵錢，除非有家底又另計
1個讚
個人價值真係可以同工作冇關係.
另外, 唔麻煩到男女家的話, 亦唔需要在意佢地點睇. 唔需要被別人看法綁實自己.
6個讚
講實際d, 大部份人返工都係為份糧, 唔係為自我價值. 好多工仲好封閉脫節, 完全唔知社會市場新鮮事.
3個讚
我唔會咁樣睇自己嘅老婆囉…
1個讚
最hurt嘅係你做ftm十幾年，仔女大個唔欣賞仲嫌你老土唔接觸社會，戥個老豆辛苦，然後羨慕人哋媽咪女強人。自己如果做奶奶，問心都想個仔娶個有事業嘅女人，唔係一個ftm十幾年後out晒仲唔敢出嚟做嘢嘅女人
1個讚
你係好男人
不過現實有好多男人未變心前都唔會咁樣睇自己嘅老婆，但一變心就完全唔同睇法
我係其中一個信唔過男人嘅人，見得身邊太多case, 就算別人眼中嘅模範夫妻，原來背後係另一回事
女人有能力靠自己係最實際，男人可以俾你依靠當出bonus
3個讚