請問特殊教育如何入行？
本身做緊份文職，收入ok la, 但長遠諗到4，50 歲仲係商業職場同班後生打拼，確實有點累
身邊都有啲好友既小朋友係需要接受特殊教育
自己同佢地相處，又覺得好似有份緣分，好似了解到佢地想點
自己都有小朋友，都會探討佢地心態。
所以有啲意思想入行，試下幫助下小朋友。
thanks
2個讚
係咪要讀特殊教育文憑課程？
做特殊教育好消耗體力同心神、EQ要高
仲有同家長溝通、有時要關顧成個家庭狀況（有啲唔肯見社工）
無限嘅文件、做教材、搞活動、冇得幾番嘅OT
仲有出埋虐兒條例之後，老師嘅責任更大，又要考X安法
絕對唔係一份輕鬆嘅工作，可能比你喺商界打滾仲攰
相處同教係兩回事
如果你唔係為錢，可以考慮試吓嘅
因為做教育唔似商界，做教育你做幾多都係得個份人工，唔會有雙糧花紅，但會有非物質嘅成功感
唔係淋你冷水，而係想你諗清楚先
6個讚
Send cv 去特殊學校試吓？
1個讚
我以前有個老師朋友，
佢係特殊學校番教會。
又係當初文職。
去到40幾歲突然想教特殊學校，
直接同校長講結果就請左佢。
佢本身無呢方面經驗，
做到之後。
日頭番工，
夜晚再讀特殊教育學士課程。
你朋友好堅毅
在職進修，要同時兼顧學校文件同功課、仲有實習，去到li個年紀，真係冇番d熱誠同毅力都撐唔住
通常如果冇相關教育資歷，特殊學校會請li d做TA
當事人可以經學校寫推薦信報part-time特殊教育
MU好似唔使推薦信
就算有教師資格，都要另外再讀特殊教育相關嘅證書，先可以做到特殊教育導師
如果冇特殊教育相關嘅證書，可以試吓搵sen嘅課後托管/補習班嘅工作，呢啲唔洗cert都做得
但如果想將特殊教育當係終身事業，長遠都係要進修
首先要諗諗自己係咪真係所有類型嘅特殊教育都接受到？如果係肢體殘障或者重度/中度的話，你需要嘅體力同精神更加多。唔少重度/中度仔都好大隻而且用蠻力，講粗口唔難見（肯定係屋企有講），被撞瘀/打真係好常見。有啲係屋企冇管教/亂，甚至依家南亞非裔都收，父母根本自己都係特殊需要同埋唔識中英文。
日常生活見到嘅唔少都係輕度同埋屋企有教，但去到學校就真係乜人都有。唔係講笑，舉個例子，1 班 5 個學生，一個亂發脾氣會打自己同打人，一個鍾意亂揭女同學裙偷窺同胸襲，一個擅長走佬，趁你唔注意就衝出去，一個不斷塞住耳仔尖叫，一個係非裔同學而且唔識講嘢，一句中文英文都聽唔明亦學唔識，溝通唔到。
可以先入職再 Part Time 讀 PGDE SEN。入行好容易，成日唔夠人手，冇經驗都得。最鍾意請高大+大隻嘅職員。（唔係講笑，有機會你啲同事部份都係特殊…）
呢份有血（撞傷）有汗，不求回報，只有自我心靈滿足。可能你啲同事都係為左份人工求其做嘢，甚至對班仔都冇乜愛心可言。
自己都做教育，有家人都讀中度特殊學校。當初父母問入行點解唔揀做特殊，多假又人工一樣，唔洗追功課追成績。我被蠻力撞/打/掐
嘅次數，20 隻手指腳趾都唔止，一個月都超過 20 次。問心，我寧願辛苦追成績。（唔好以為追成績嘅學校冇 SEN，有好多，都有輕傷過，飛六七級樓梯轉彎撞到我，打波冇眼飛中我…所以我更加佩服教特殊嘅老師，我冇咁好耐性）
5個讚
係，佢係好溫柔，又好耐性。
特殊要高學歷，儲左經驗之後出來做私人，搵到錢又會輕鬆好多
我同樓主都有類似既想法，到50歲時唔想再響商界，想做d生命影響生命既有意義工作。
我比較想照顧孤兒果d，到50歲唔求高職，我想做照顧者，助理煩別
以我理解，教育基層工作者，就算助理都好，都要先有幼兒教育 學童教育既證書 再到文憑
如果要照顧特殊需要既小朋友要再考取需要專門既資格
如果要做老師導師，咁謝要行教師攪路線要degree，特殊需要既亦要另外再讀。
2個讚
都想知邊啲認受性高，定太缺人手，讀過任何文憑証書都ok?
多謝你既分析，都想趁自既還有心有力，先想搵途徑了解一下實際情況。其實我做商界，都唔係真係sales agent 有可觀花紅，做後勤基本上都係定死左。
只係覺得去到呢個年紀，仲有最後選擇權，諗下去做啲有意義既事，定往後都係做後勤文職過埋個廿幾年。
多謝你提出既例子好實在，我可以再了解多一層
明白要進修，所以想了解下有冇邊類課程會好啲
我係算高大架，行出黎都大大份
請問如果入行先，其實應該經咩途徑呢？ ok 明白往後要進修既
或者我而家在職進修先都ok
就係有時都知道，做特殊教育既都可能係為份人工，未必有心，但so far 我 入面係有熱誠既，再日後既事我都唔敢擔保
但我都有諗過放棄份穩定職業，人工唔差既，去試下轉行
再過多幾年我怕真係有心無力
無錯，打拼左咁多年，小朋友都成長喇，想試下做一啲有意義既工作
有時諗，而家份工都成日ot 做到好攰
會唔會可以用呢份拼勁，趁有力可以幫下 人呢。
2個讚
有兩個途徑
-
特殊教育導師
考取教師資格及特殊教育資格 -
教育心理學家
教育心理學碩士畢業
前者係前線教育為主
後者係評估、計劃治療方案為主
兩個途徑應該都有part-time course可以讀，去各大專上學院網站搵吓
一定有得讀，個需求好大，就算由Cert 讀起and TA做起都得
但依家唔係少人生b, 收生不足又殺校，仲有前景？
1個讚
特殊教育應該有，
總有私人巿場，好似看護咁。
不過唔易做，亦唔係人人都做到。
俾學生打同咬都冇仇報。