呢個我都覺得去邊度都差不多
band 1 嘅老師真係唔同
我好同意你的觀點，但有啲讀到書的小朋友會被同學和學校讀書氣氛影響。好似我個小朋友，佢係香港讀書幾叻，係香港有老師迫，個個同學都努力，佢自己唔夠膽鬆懈。到來英國，老師唔迫佢，個個同學好鬆懈，我小朋友自然放慢腳步。我叫佢做下exercise, 佢反問我點解要做，無同學做，我都唔識回應。
3個讚
呢個咪就係我講嘅問題，香港係用填鴨式教育去迫資質平庸嘅學生做功課操卷考試，去決定佢哋叻定蠢。
好老實，如果佢哋本身唔係特別聰明嘅學生，就算你逼佢入入去聖喇拔，同一套玩法佢哋都係考第尾，根本就係浪費時間。
但嚟到英國第二次機會，入state school 少功課唔等於唔需要讀書。唔好用香港嗰一套嚟judge 呢邊學習。
2個讚
但到最後大學都係用考試來分類學生.
State school本意係提供基本教育, 唔係為準備所有學生升讀大學, 更加冇計劃生產精英.
所以“第二次機會”的重點應該在於家長睇法. 如果家長認為叻同差不可以靠考試或大學去斷定, 咁就讀咩學校都冇所謂.
你說出重點，如果小朋友本身是叻仔女，而家長對小朋友有期望有要求，來到英國，財政能力許可的話，最好讀私校或者努力啲考入grammar School
huh？我仔也是讀state, 學校好chur,成日早上補課。gcse我完成冇理過佢,考得非常好。本身非尖子唔冼讀都成績好個類
私校都唔係間間好，要揀。但我諗英國教育比較值得讀既，應該係boarding school or public school 吧。
state school 就同香港津校差不多，咩人都有，住得近就入。而Grammar school 質素就似直私lor，比較多人會讀書。
我女state school year 5&6時係學校做咗幾本workbooks，加不少writing功課，spellng quiz，我都係學期尾派回來先知原來佢係學校做咗咁多嘢
上到中學一啲都唔輕鬆，基本上每日都有功課，唔交功課要罰留堂，主科分set上亦間中有test，聽聞year 9開始忙，同事啲仔女year 10/11，佢地話每日都好多功課做，加埋課外活動，忙到不得了
當然佢哋覺得嘅多功課，可能對香港學生同家長嚟講都只係基本嘢
1個讚
我就正正是boarding school 畢業,我仔女間state school係各方面不論學業support 及師生關係都好過我母校,係設施冇咁好
其實本地人一樣咁做, 理所當然的事. 並唔係踩state school或跟香港嗰套之類.
如果要摒棄香港嗰套, 就要接受唔讀大學或隨便一間都冇所謂. (上面提過, 我是接受的.)
朋友2個仔上年到英國時，一個yr10 一個yr7
大仔讀私校，因為要加速預備GCSE，怕等插state唔知要等幾耐
細仔派去catchment area嘅state school
佢話覺得state school老師好supportive and caring，整體滿意程度仲高過私校
喂媽媽，佢啱你錯喎。我擔心你數學多啲
14個讚
英國教數學係教學生用唔同方法去思考個答案出嚟，香港係死記一條公式，咁樣係快，但欠缺思考能力
1個讚
原來我無睇錯，等我仲懷疑緊自己既數學
2個讚
小學數學好簡單. 日常花心機同小朋友留意下研究下身邊事物已經學到好多概念, 例如乘除數, 份數, 百份比, 正負數. 唔使等到正式上堂學先第一次接觸. 做word problem亦容易理解好多.
但實際喺考試要懂得列式同做以上的arithmetic快而準始終都係要操練.
我見大家讀state school 都讀得唔錯，似乎樓主要請教一下點揀學校。
就好似香港咁，有神津一線津，都令人甘願放棄直私，問題你摸唔摸得清係邊d
2個讚
即係如果學校有chur都對佢考試成績有幫助
明既，可能2間差不多，但一間要比錢一間唔使，對學校期望同容忍度都會唔同
2個讚
如果有state school無論學術, 師資, 校風, 設施等方面同名私校不相伯仲, 我即刻搬去學校隔離
1個讚
Sorry ，我寫太快， 佢寫($100-$90)/$100=10%