當你見到香港一樣有人出個中文email 都一舊舊，其實一樣
5個讚
其他人可能覺得咁係谷, 但其實學校, 學術, 閱讀等本來就係我有興趣的事. 所以我同小朋友一齊做都樂在其中.
我覺得真係睇人
講真，唔鐘意真係迫唔嚟
你講得無錯，我老公都咁講
所以唔係英國獨有嘅問題
但我估英國萬一讀唔成書，出路比香港多
1個讚
喺邊度入大學都一樣，要讀排名高嘅大學，點會唔讀死？要入港大中大科大無論DSE or IB都極之辛苦，何況係英國嘅一二流大學？就算呢度好多人睇唔起台灣，你估台大政大輔仁易入？
要happy，個仔喺香港就入Asso，英國就入Westminster University
我覺得呢邊係如果你真係聰明嘅話，你點都讀到書
你係蠢嘅話點讀都冇用
我以前讀中學，啲本地女仔都冇補習，但係A-Level考得好好
到我上到大學 ( one of the UK top universities)，我發覺自己竟然考得差過local
First hon 嗰啲好多都係本地人。
所以其實讀唔讀到書真係好睇小朋友資質，唔係學校教啲咩做幾多補充。
佢係聰明嘅，就會自己課餘去圖書館睇，或者上網搵資料去學。
4個讚
嚟英國就係想更多嘅可能
當然唔係話懶，但唔好似香港咁chur囉
2個讚
我見我係英國既姪女已中學， 放學後無功課無睇書只掛住睇電話睇片， 其實係咪會讀到大學
可能佢唔係當目標呢
這亦是家長要接受的一個可能.
雖然我好似好重視學業, 但其實只係目前階段俾多個可能性俾小朋友. 將來如果佢有自己想行的路, 唔讀大學我都完全ok.
2個讚
Exactly
其實係香港嗰套教育制度變態，格硬要資質平庸嘅小朋友死讀書，所謂返屋企做功課，d功課全部都係填鴨式，浪費時間
學校多唔多功課去決定本地學生讀書叻唔叻，呢啲應該真係填鴨制度下嘅香港人先會咁judge
1個讚
完全認同.
不過我諗部份移英家長係覺得小朋友明明讀到書, 但學校教得少又唔緊咁, 就會猶豫喺state school好happy咁中規中矩入普通大學, 係咪耽誤左如果keep住好fit讀書狀態就絕對有能力升讀top tier大學的子女.
3個讚
呢個年頭都應該係咁，只係香港仲未太接受
我都覺得個point 係呢度
1個讚
大家都係填鴨咁大
我有2個mix老表
2個都英國大，1個唔知點解n年前返左大陸教英文做生意，1個就去左紐西蘭而家係PhD
2個都應該叻，但我唔知長輩有冇chur佢地
又返大陸果個又已經返左嚟uk
1個讚
其實我覺得天資好嘅細路，會唔會響英國更大發揮呢
讀書好叻Oxbridge級別, 喺邊都讀到書. 而一般人多少會被學校同朋輩影響, 咁就要睇佢喺兩地讀的學校對佢有什麼影響.
1個讚
通常真係讀到書係唔會有呢個擔憂。
因為小朋友自己會嫌課程淺，然後會自己去圖書館搵書睇，或者搵方法去睇多啲，跟住就會自學。
Top tier 大學啲人都唔係全部私校。
所以喺香港以為讀到書考得好嗰啲，去到英國有時反而跟唔到，因為人哋本身個教育唔係淨係做補充練習。呢個係我當時喺英國考A Level嘅時候見到好多香港名校出嚟嘅人嘅通病。
所以我嘅觀點可能同大家有啲唔同，大家都覺得香港嘅教育好前好深奧，英國太淺擔心阻礙到仔女發展。其實應該放下呢啲自我感覺良好嘅驕傲，睇吓state school 小朋友係點樣學習，點解課程淺，係因為佢哋好互動教學同埋比空間佢哋去思考，自己搵資料搵答案。咁先真正理解到課程，考試啲問題識轉彎都答到。而唔係好似香港狂操past paper。
帶住香港嗰一套學習理念過嚟讀書係唔work嘅。
8個讚
天之驕子當然冇嘢好擔憂. 而家家長擔憂的係讀到書的一般學生. 佢地如果有良好學校環境輔助就可以更上一層樓. 正如屯天band 3學校學生, 唔通全部人係能力問題特別蠢? 一定唔係. 如果佢地當初入的係聖喇拔, 結果會否不一樣?