來英一直住喺Apartment, 舊年基本冇開過暖板. 今次自己買咗Semi-detached, 糾結緊日後裝修究竟舖地氈還是改地板, 不中意地氈難打理又驚會藏蚤, 地板就易打理得多又簡單. 但朋友一直話唔舖地氈冬天會好凍, 我因為未住過House, 所以真喺好糾結. 裝修都喺一大舊錢, 如果揀錯就慘啦. 在此想朋友俾啲意見參考下. 謝謝！
廳同廚房同纖維果啲，唔好用瓷磚
樓梯同房舖中間毛嘅地毯
無啦啦係唔會咁易有蝨，如果要有蝨，地板都一樣會有
定期清潔先係重要
冬天唔舖地氈的確會凍啲，
會唔會考慮買普通一塊地氈冬天先打開舖上去，夏天就卷埋？
我宜家有啲房有地氈，有啲冇。
有地氈冇咁易打理。
蚤就touchwood未有，
我比較懶，每兩星期吸塵，半年左右就洗一次地氈。
我地唔會係有地氈嘅地方食嘢，所以暫時都ok。
1個讚
我自己覺得，廳就可以舖地板，因為冬天仲可以喺地下放地氈，但樓梯同埋樓上既地方（除左廁所）就一定要舖地氈。除左保暖之外，地氈可以吸聲，咁如果有人喺上層走動，下層既人就冇咁應聲。另外地氈放樓梯上落時會冇咁跣。
如果你屋企全部係大人，其實舖地氈都唔會好污槽。
我自己就唔鍾意全屋地墊，廳同房都鋪laminate，樓梯先鋪地墊
你之前apartment時係全屋地板嗎？
冬天會好凍嗎？點解樓梯又舖地墊？
隔音
我間屋嘅屋形同位置都係比大部分舊式屋凍，所以就算鋪地墊都唔會覺得暖啲，樓梯鋪地墊一來無咁嘈，二來無咁跣
我鼻敏感好嚴重，做apartment已經係全新地氈，一開暖氣就勁打乞嗤。
依家住house, 換晒地板，冬天真係凍好多。但開暖氣解決到，同埋我有小朋友又污糟，地板易清潔好多。
樓梯嘈唔嘈其實取決於平身條梯實唔實淨，有聲舖左都係有聲。
我都會咁plan
樓梯易冼就用地毯
其餘地方情願用獨立地毯 比較易洗 易替換
我依家租住嘅Apartment就係全屋地板, 廳沙發位就舖了一張好薄嘅地氈, 但舊年冬天都可以應付, 所以新買的House就唔想舖地氈, 但個個都話會好凍, 真喺搲頭.
即係咁，乜嘢裝修都有人用
冇話一定唔一定嘅
自己comfortable 就好，樣樣都有辣有唔辣
如果樓下冇睡房，咁就全屋Laminate, 廚廁luxury vinyl, 只係樓梯carpet， 最容易打理
地下可以咁做，樓梯及樓上真係建議用地氈。
2個讚
我而家樓下係磚 樓上係地氈
樓下唔著鞋都幾凍 所以買咗毛毛拖鞋
磚係易打理好多嘅
1個讚
點解呢？
其實買啲可以吸地氈嘅吸塵機、都好易打理。
再唔係買埋洗地氈機、隔一排洗一洗又得…
花園舖磚同唔想舖地毯, 一向係香港人的迷思嚟
House要上落樓梯, 家中缺少大隻佬, 要抽部機上落, 太辛苦啦.
如果只係上層有地毯, 咪放上層囉