其實睇你寫佢對你都唔好，你對佢有盡基本照顧責任已經好夠。佢都唔止淨係對你一個唔好，可能你會覺得佢對你哥好d，但我諗general嚟講都唔係特別好，反而我有小小覺得佢只係比較信任同依賴你，而其實好多父母都係會比較信任同依賴d女嘅，對仔就比較縱容同冇咁嚴荷… anyway,
感覺佢份人係好自私，要求人哋照顧佢，但自己唔願意照顧任何人… 唔知佢係唔係自戀型人格… 你可以google下，可能對你有幫助
其實我覺得自己行為上都幾抽離，但思想上抽離唔到，就會成日諗好多嘢，同埋好易會自責… 不過我老竇其實就好錫家人，只係d脾氣真係好癲好難頂，有時蠻不講理不可理喻，所以好多時溝通唔到，好單向，因為佢要人聽晒佢講，唔可以逆佢意，所以先令人好崩潰… 諗到佢係好錫屋企人，就好難唔理佢，但唔知可以點理佢囉…
Thanks, 篇文好睇，但睇嚟呢個問題世間上都冇解決方法…
我媽有時病，
都會上網睇下啲偏方，自己去藥房買藥食，
細佬叫佢去睇私家。
佢又好似唔係好想咁。
自從我大舅父咳，
以為熱氣自己搵偏方，又係自己去藥店買藥。
無去睇醫生。
後來咳左好耐都無好。
去做身體檢查，
一做就係肺癌未期了，
臨死前都勸我媽，
唔好只係顧住搵錢，
有事一定要去做檢查，
我媽就好似開左x咁，
即刻去book 身體檢查。
只係你爸爸未開竅。
我媽成日講一句：一個人有病有痛訓係床上面，其他人係代替唔到佢痛。
入咗醫院最多咪星期六，日睇下你，
平時個個人都要番。
你死咗屋企人最多只會傷心一陣姐，
之後咪又係馬照跑，舞照跳。
唔通一世都傷心咩，無可能架。
呢啲說話既然難聽，
但都係事實。
你話養左b到時無錢養佢哋睇吓點答、其實好多老人家都係人有佢有、差唔多階層見人講孫就想要啫、自己諗清楚鍾唔鍾意同負唔負擔到
我覺得上一代教育係咁、要求聽教聽話順從、我都係討好父母討好老師討好老闆咁大、但會覺得失去左自己、一唔聽話就用忤逆等罪名加諸身上
你老豆自尊心極重，小心年老得抑鬱，我真係見唔少上年紀後，脾氣古怪原來得到抑鬱 
其實我老竇以前試過有好嚴重牛皮癬，睇咗好多醫生都醫唔到，同佢講｢冇得醫｣，但之後就係佢自己用偏方醫返好，仲話條偏方係佢自己發明，所以就更變得信自己多過信任何中西醫。
好彩地我哋家族冇乜人話係急病重病絕症走嘅，但十幾廿年前我有個阿叔就係肺癌走，好大可能係佢自己係煙鏟又酗酒先搞成咁，所以老竇都冇話因呢件事而有咩醒悟而變得好願意睇醫生嗰d。
同埋好大原因係，我父母本身冇話後生時開始買保險，係到我哋出咗身喇，有錢喇，先幫阿媽買咗保險，但老竇嗰時都60幾喇(佢大我媽十年)，買保險好貴，佢又嫌嘥錢，總之就冇幫佢買，所以而家佢唔會肯睇私家，因為冇得claim，然後佢又唔肯睇急症，情況幾差都係等政府覆診…
所以希望我哋呢一代有醒覺，令下一代唔需要好似我哋咁成長。
你睇得出呀…
其實講脾氣古怪呢，佢後生d時已經係，總之好小事可以發好大脾氣，係完全情緒失控嗰隻，有時甚至會講類似｢我去跳樓死咗佢算喇，我死咗睇吓你哋點｣之類說話… 老咗就更偏激喇，例如有問題要去搵銀行或其他商戶嘅CS咁，只要人哋嘅解釋/睇法同佢唔同，唔可以順佢嘅意思去處理個問題，佢就會話人哋恰佢老人家，你想喺中間調庭，佢就會更激動話你幫外人唔幫佢，但其實人哋嘅解釋同做法真係唔係冇道理，只係佢會覺得人哋咁大間銀行/公司嘅policy係廢嘅，應該跟佢咁做先啱… 完全不可理喻，你只可以由佢發脾氣，發到佢冇氣… 但佢係可能會之後成星期都嬲爆爆，自己出街又唔話畀屋企人知，全日唔見人，唔聽電話，要你擔心，又唔煮飯但又唔同你講(屋企幾十年都係佢做家庭煮夫)… 我自己呢，由細細個開始已經好驚佢發呢d脾氣，因為佢唔係話針對一件事去鬧人，鬧完就算咁簡單，佢係會發到好大，發個脾氣係大到不合比例，係癲，到我大個咗，我對住呢d情況，我係會成個人shut down，我處理唔到process唔到，就算有時我媽向我求救，或者佢向我尋求認同，我都係冇反應，成個人black out… 我handle唔到…
我近年諗返，就會覺得佢呢d行為全部都係情緒勒索嘅一種，但就算一個人有情勒傾向，d情緒都應該未至於去到佢咁失控，佢似係真係個腦少咗條筋(例如皮質醇嚴重不足)之類，某程度上可以話係病嚟嘅… 同埋佢冇做嘢都係另一個原因喇，因為佢好早失業冇做嘢，佢係冇社交圈子，冇朋友，喺大陸d親戚好少機會見，喺香港d親戚佢又同人反晒面(有個本身比較close嘅阿叔，佢唔知點解同人反咗面，好多年冇見，亦唔畀我媽同叔嬸見面，好似係到我早幾年結婚時請佢哋嚟飲先叫破返冰)，咁我諗佢係寂寞嘅，係會容易抑鬱… 但我都唔知可以點，佢身體有病痛都唔會求醫，你同佢講佢有情緒病，佢只會好大反應覺得你話佢有精神病咁，更加唔會求醫… 我自問自己心理狀態又未強大到可以take care有抑鬱症嘅人，因為我自己都鬱鬱哋…
睇文字都痛苦，我老豆都係咁，但情況可能無咁嚴重。你改變唔到佢，唯有改變自己心態，唔好再俾佢影響到你，唔好俾個孝字縛實自己。我認我不孝㗎，但佢哋要諗清楚，點解仔女都遠離佢哋？如果父母唔改變呢種態度，唔好見面、唔好接觸。
覺得你阿媽都幾辛苦，對左幾十年了。
可能年紀大左都係咁。
我爸爸有時侯講嘢都好大聲，
之前重想搵野扔我，想打我。
因為一啲好小既事。
我同佢講道理佢都唔聽。
總之就覺得我針對佢。
老人家既佢唔聽由佢。
我好珍惜可以見面，一家人三代同堂開開心心食飯，兩老有病痛，做仔女嘅係應該盡力照顧，只係希望佢願意接受人嘅照顧同關心，唔好反過來無lala發人脾氣…
呢樣真，我媽日日都畀佢鬧咁滯…
有時有d嘢，只係人哋嘅做法同佢唔同，就會畀佢鬧，小事到如邊碟餸用邊個碟裝，放邊個位…
我媽係唯有硬食，因為反駁佢，佢只會發更大脾氣…
正路係咁囉
只係佢唔會改變呢樣嘢，家人硬食又開唔開心？
我爸爸都係好小事，
例如：佢唔中意食樣餸放佢前面，
唔係第一個畢佢碗飯，
攞小左一對筷子，
畢多左一碗湯。
都會大發雷霆。
不停咁鬧我一個。
前果一排我重以為佢有噪狂症。
真係嚇死我。
每一日都俾佢鬧到喊。
重覺得我針對佢。
所以我好明白，
得閒就俾你媽呻下，唔呻真係人都癲。
謝謝你的開解！
可能是因為我是家裡的長女，性格又係感恩類型，又重感情，所以我對人好，但如果對方反轉豬肚，我會好hurt。
講到教小朋友，依個都係我覺得好難拿捏嘅地方：而家嘅小朋友太自我，覺得人地買野比佢地係應該，or世界要圍住佢地轉。所以我從小朋友細個時就教佢地要感恩：人地買野比佢地係因為錫佢地，而唔係一個must。感恩，從來係美德，我覺得人一定要擁有，但就係咁，當人地唔感恩，就會好辛苦。我都唔想小朋友會好似我咁辛苦。
同我講那些說話的不是我老公，是所謂嘅家人（不同姓）。個人好自私，想法都自私：自己阿媽比著數就好感恩，好感謝阿媽好錫佢一家；人地阿媽比著數就大叫唔稀罕（但著數照攞，攞足十幾年）。為人又貪：自己係人地個女就可以接受自己阿媽的幫助；但又唔比人地個女去接受人地阿媽嘅幫助。歪理連連：總之佢做就得，人地做就係嘥錢、懶…
不過當然，有人縱佢都係佢咁目中無人嘅原由之一。
如是佢係外人，我已經唔多在意佢，但佢係所謂嘅家人，在傷害梗我家人，但我家人就因為係「家人」關系，做唔到一刀切，只能多加小心。
其實我性格係幾倔，好記得以前(都有十幾年前), 我媽同我講，話老竇年紀大，要佢改變佢嘅性格好難，話我仲後生我仲可以改，但我都覺得冇理由要全世界遷就一個人… 但我媽十幾年前已經咁講，即係已經預咗硬食一世從來冇諗過要佢改變。
以前我細佬係會同佢撐到行，兩父子嘈到爆晒粗兩個一齊癲咗咁，我哋都會勸細佬就下老竇唔好同佢嘈，但而家反而我細佬d火收晒，識得氹老竇，但我呢，有時如果明明係佢自己錯但喺度發我脾氣，我係會發返佢脾氣。
好似有次我同老公揸車去接佢哋，叫佢哋喺某個位等(send埋相畀佢)，但原來佢都係唔識點去，但又唔會講唔會問架，結果自己死撐唔知去咗邊，大家喺唔同位置等咗對方好耐，打去問佢去咗邊(我係好聲好氣架)，但佢一開聲已經係好勞嘈，而佢講的位置好明顯唔係我講嗰度，仲要係喺車來車往嘅大馬路邊一個好明顯停唔到車亦冇可能上到車嘅位置(有高身欄杆欄實晒成條路架) 但佢發晒脾氣，好似係我錯咁，之後先講佢唔知我講個位喺邊(點解唔一早講呢？)，係咁鬧，我都忍唔到，鬧返佢轉頭，行到去搵佢，我都兜口兜面鬧佢，問佢覺得喺呢個位我點停車/佢點上車呢？唔係你覺得係呢個位我哋就要嚟呢個位接你！可能佢知自己錯又好少見我鬧佢，就收晒聲。
佢成日都係咁，自己唔係揸車嘅，但就成日｢教｣我老公架車點行、喺邊度轉彎邊度停，但佢唔知人行到嘅路唔代表車可以照行，人可以隨時轉左轉右但車唔可以… 有時阿媽都會幫我話佢，話人哋揸咗咁多年車使你教呀？真係好吹漲架… 但反駁佢都要睇情況，因為你唔知佢邊次會完全失控…
你會不會考慮帶老人家到深圳醫院看醫生？深圳的大醫院（三甲）設備都很不錯的，醫生態度很細心。在手機網上预約就可以了，看完醫生有需要就可以安排做檢查（CT、XRAY、彩超、心電、腸胃鏡、核磁共振等）。報告通常當天就可以拿到。檢查費用一般是香港的三分之一。如果發現问题，拿報告回香港給醫生看，有報告依據醫生就會趕快排期醫治。
覺得你慘。
世伯既言行，其實係由屋企人忍讓而成。
你可以做既，係改變自己對佢既期望，唔好要佢跟你自己「認為好」個套。
世伯咁大個人，佢自己有權為自己人生作出選擇，佢自己需要承擔返選擇嘅後果。
而你可以考慮吓，尊重佢嘅選擇。亦都唔需要「揹佢上身」。