細個童年屋企都有體罰？
你好嬲想爆嗰陣，可以喺佢面前深呼吸，同佢講媽媽而家好嬲好唔開心需要冷靜，冷靜先可以幫我做啱嘅決定講合適嘅說話。媽媽5分鐘後返嚟。
出去飲杯水或者洗個手，你會搵到另一個更加好嘅處理方法。
Side benefit 係佢會模仿你解決困難嘅方法
佢會學你深呼吸同冷靜先處理問題。
加油，be the cycle breaker 。
12個讚
生死攸關嘅我會
我小朋友三四歲果陣
每次同差唔多年紀嘅朋友仔出街都會Fing甩手跑走咗
試過喺馬路等燈
都想Fing甩你走咗出去
我自己拖住仲好啲、我老公拖嘅話係會由得佢甩手嘅（諗諗下我覺得應該要打埋我老公）
試過解釋、講道理、甚至一Fing 甩手出馬路就即刻返屋企、都仲係咁
終於有一次又係過緊馬路fing 甩手、之後我拉埋佢一邊同佢講、我已經講咗好多次你都唔改、你咁樣Fing 甩手係好危險好危險、我呢傢要打你手仔令你以後都記得、之後好大力打咗佢手板2下定3下、打完我同佢講我打你我都好唔開心、自此之後喺街冇再甩手。
8個讚
無。咁大個女都無打過人，何況係自己仔女。
我嗰個年代細個都有被父母老師打，但問心，所謂乖左，只不過係果下怕、喊、屈服、順從。打邊有用㗎。
嬲起上嚟有試過幾次勁粗聲氣話個仔，佢已經好驚，後來聽到佢學左個語氣話人，小朋友真係一面鏡，我以後就算鬧佢，語氣都謹慎咗好多。
3個讚
我唯一一次打小朋友都喺呢個原因，當時三歲，走咗去仲自己過馬路，我除咗打手仲故意掉佢玩具落地，之後當然無下次。
仔大咗後通常好嬲時都係單打佢同埋唔睬佢，佢會求原諒，唔駛出手打。
1個讚
有打過一次，因為想佢知道痛，唔好再咁做
但果次我都好後悔
其實每次爆鬧完小朋友我都好後悔，覺得自己好差，唔識控制自己情緒，唔識教
同事做錯嘢你會唔會打佢一身？
1個讚
從未打過
好開心見到呢度好多人同我一樣
2個讚
我都冇打過小朋友，因為細個無論大小事都比阿媽打，其實真係好有陰影，所以唔想自己小朋友都經歷呢樣嘢
2個讚
幾十年後，我宜家都會耐唔時窒我媽當年點打我。我同佢講，3歲打後我都記得，唔好以為細路乜都唔識。
3個讚
笑了
同意樓上所講, 除非生死攸關, 或者小朋友有某程度上有認知障礙令到小朋友冇辦法用言語去溝通, 基本上我覺得係無 "適當地"體罰呢樣嘢. 體罰只應該用喺成年人身上 (例如強姦犯、孌童呢啲人渣)
小朋友好鍾意聽故事… 只要將"唔可以做嘅事"背後原因用故事形式講出嚟, 好多小朋友都好願意聽. 就算只係2歲小朋友就算唔識表達, 佢地已經可以明白好多嘢.
我好相信小朋友嘅"曳"只係想 fulfill 佢地嘅 needs. 只要引導小朋友用正確方法去滿足佢地嘅需求就唔會有曳嘅小朋友…
5個讚
我好細個太約6，7 歲比老豆好狠的打過一次甘的，現在做人阿媽仍然歷歷在目，所以同自己講，我唔會打我仔女，因為唔想佢地同我一樣有陰影！
試過有個小朋友,喺學校打人,問返佢點解
佢話嗰個同學曳,所以"懲罰"佢
喺佢嘅角度,打人=懲罰
估吓喺邊度學返嚟?
6/7歲打過一次，唔記得係咪發脾氣對我吐口水定差唔多嘢，好冷靜話佢聽如果係外面對其他人吐口水隨時比人打偏個鼻或者兜疤星，打一下好痛嘅要佢記得唔可以再做。
好多時就係持住咁樣
所以更加肆無忌憚
Very true.
我都一次都冇打過。
其實去到爆鬧我已經覺得自己control得好差，不過正如樓上其他朋友講，關乎危險嘅嘢我唯有爆鬧。
試過好大聲鬧完，佢明顯係驚同埋好唔開心咁，我就慢慢同佢講返媽媽都唔想咁樣，但係真係好危險。
小朋友嘅「頑皮」同「脾氣」好多時真係成長階段嘅需要同過程嚟，明白呢一點就會好好多。
匙外話，之前睇台灣啲媽媽group，佢哋唔係講打唔打，係講幾時開始打，有啲話幾個月已經開始打，我睇到好心痛⋯ 幾個月嘅BB基本上只係表達緊生存需要，咁都要打？
我都冇打過
但我老公會嬲得滯，覺得呀女曳唔聽話搣佢，我會話我老公，唔俾佢咁對呀女
我同老公講你而家搣個女，第時返學老師投訴呀女搣人，你就煩喇
所以而家我老公唔敢再搣，佢好嬲時最多行開
打過幾次，我諗好多人都有試過，只係唔會周圍講，呢個年代會俾人鬧你唔識育兒。
我係大家所講最差嗰隻，發洩嗰下忍唔住打落去，情況係我行開冷靜，佢跟住我後面尖叫大叫，直到我爆炸。
我想講，小朋友係人、大人都係人，都會情緒崩潰，
坊間好多書教人點令小朋友冷靜，好似無乜關心做父母嘅心情。
我唔會打小朋友=育兒，永遠都係迫到我癲先郁手，打pet pet、掌咀，唔係虐兒咁喪打。
因為自己跳制而忍唔住，仲有我陪你。
有，如澤爸，李儀婷的書
另我最喜歡 一本你希望父母讀過的書（孩子也會慶幸你讀過）
孩子越喊越需要你，抱吓佢會冷靜返，我都係抱佢嘅時候自己一齊去冷靜吓，孩子唔會越抱越曳
親子關係好咗，佢比較合作的
4個讚
冇，最多嬲到推佢張櫈