公司最近管理層換左，新官上任要將我地部門restructure, 我下屬2個月前離左職, 新方向係佢地要改左我個job role, 要我做埋下屬啲野同埋team support，唔接受就做到年尾拎埋bonus走, 成個job nature變相downgrade左, 仲要我一路想做既project佢地會請個新人返黎做 (係新老細既前下屬)
我其實就一路搵緊工, 因為都覺得呢到冇前途同埋從來冇打算develop我, 我前幾日收到offer, 但係有以下考慮：
1.人工加幅唔算好，因為現職有保證13個月糧，除返開每個月嘅話其實同新工offer嘅月薪差唔多
2.地點遠左, 但係因為都有wfh所以都可接受
3.新工medical唔包小朋友醫療
4.而家走嘅話會蝕左出年1月份bonus（suppose我有命係現職公司留到咁耐）
5. 因為年尾入職，岩岩好錯過晒加人工同bonus, 所以要做年半先有得再加人工同拎bonus
新工title上同發展空間應該都會比以前好, 因為現職實在被逼迫得太慘同肯定冇前途，新offer雖睇落不太理想，但應該都會take左先，只係諗到人工冇乜點加同蝕左個bonus個心就un住un住~
又想問下大家，除左人工仲有咩因素會令你放棄而家 / 以前公司嘅好福利？
想搵D理由支持自己呢個決定~
剩係呢點已經會放棄而家份工, 日日擔驚受怕都唔好受
7個讚
同意… 舊工做到意興闌珊, 有份新工都有個新希望呀…
2個讚
既然舊公司無發展機會亦唔珍惜你，呢個已經係要走嘅原因
新公司有新title, 咁就做住先騎牛搵馬啦
3個讚
其實真係好睇絕望個程度去到邊度去衡量…
對於你而家份工嘅描述, 相信係好難頂, 又無上司眷顧, 走就一定架啦, 差在幾時
雖然係有offer 可以跳船, 但呢個新船, 聽落又唔係好理想… 有無信心可以再有另外嘅offer 可以選擇?
新工如果title 好左咁算唔算升職? 但人工又係平過? 係因為公司規模, 行業? Accept offer 未? 仲有無商量空間?
其實要你年尾join, 理論上應該考慮埋你要過1年先有salary review 咁而家過去一般都會至少加多幾個%, 當cover 通脹 / 你呢方面嘅 “損失”
小朋友保險無左… 你先生 / 太太可以包埋佢嗎? 如果唔係, 你自己另外出返, 都係一個損失
比我會計清楚total take home — 月薪 x12 定 x13, yearly base, bonus, allowance (如有), 年假, 醫療, 其他所有package 裡面嘅野再睇清楚… 因為分分鐘唔係平過, 而係蝕住咁樣走. 唔係話只係睇錢, 但起碼有個透明度, 知道自己做緊一個咩決定
另外, 你話公司會以 restructure 理由叫你走… 如果真係, 佢地要跟足勞例賠償比你, 如果唔係唔合法架喎… 不妨打去勞工處了解, 自己知道多啲, 有咩事上黎, 至少保障返自己, 唔好比公司輕易比少左你應該收到嘅野
Good luck…
5個讚
你嗰行易唔易搵工？見你好快都有Offer，係咪可以睇多幾份試吓水溫先？
我自己覺得可以攞埋bonus先走，同時間keep住見工搵份好啲嘅，加上呢一兩年好多人走會有多啲空缺
我返工係為錢同前途
同老細唔夾都一定走會搵份更好
轉工最緊要滿意加幅
唔肯定如果我繼續做佢地會唔會以其他理由terminate我， 因為年尾佢地都難搵人，但暫時咁睇應該6-7成吧
有信心可以搵到多啲人工 但應該就冇得wfh 始終wfh嘅工真係唔多
人工除返開差唔多但無咗小朋友medi 的話其實變相total income 係少咗…
小朋友細個都常病…睇一次醫生都唔平呀
或者你要計埋小朋友一年claim 醫療幾多, 新工人工加幅要包埋
system
於 關閉
17
該主題在最後一個回覆創建後180天后自動關閉。不再允許新的回覆。
