大麻合法化真係好有問題，同樣英國電子煙亦係一樣
1個讚
如果有個壞印象 其實每件事都會睇去衰嗰一面
睇你嘅回應都大概知道你對英國學校感覺好差
解決方法應該係去私校會較有你想要嘅效果 （學生乖啲學術成績好啲）
而去加拿大應該都係差唔多 （據我了解我未去過唔知道）
香港band 1 係乖係好成績係事實嚟 你要喺英國state school搵番依樣嘢係無咩可能 但我覺得讀書都係自己嘅事 同埋見識過唔同嘅人都可能係好事（當然前提係唔好跟咗人學壞
）
4個讚
朋友個女讀緊私校，佢一樣話上堂好嘈唔慣，私校學生成績唔達標會被要求退學，所以留得低嘅成績都係好，但未必一定都係乖
咁起碼成績好 都解決左一半問題
我同個香港過嚟做教育嘅人傾，大家都係一樣感覺，無諗過呢度學生係曳/壞到咁，當然私校都係差唔多，除非grammar school 會好好多。不過我開post唔係講教育，因為我無諗住小朋友要好精英，但求佢唔好學壞，入到間ok大學就得。我講英國好多嘢易中伏，特別係牽涉錢銀嘅事，d人就算大公司都成日set陷阱，唔知加拿大人會唔會咁？呢個forum普遍移英，無乜移加人留言
揀得私校，家長俾咗呢舊錢，學校當然要保證到成績有返咁上下，唔係點再吸引到人嚟報讀
我有幾個朋友都係有加拿大藉，佢哋都冇打算返去加拿大，覺得嗰邊生活太悶，學校教育制度一般，最主要唔回流原因係搵唔到野做，佢地都係專業人士，工程師、精算師，一樣搵唔到工
如果打算去加拿大係會以後長居，就業機會都係好重要因素
2個讚
專業人士都搵唔到？佢地住埠仔？定人工到唔到心目中水平唔做？
搵唔到野做，我親戚個仔係加拿大畢業後想留低工作，搵咗超過一年都搵唔到，結果返咗香港
其實係英國學壞易過香港好多，所以成日講區咁重要
話英國易中伏，係因為香港人係香港被保護得太好，出到來叢林咪覺得好險惡，英國呢樣係差，法律都制裁唔到，治安又差，不過唔知加拿大情況
1個讚
係 我買咗三次二手樓都買唔成 最後買new build
係有好多伏位 買樓係咁啦 租樓都聽人講會俾人屈錢 學車又係會教車師傅放飛機 … 要數大概數一年都數唔完 太多衰嘢
每個國家都有唔同嘅衰嘢 所以我想法係既然嚟到就睇下啲人係點處理 點解決同面對各個問題
自己適應一下依個地方
真係唔得轉場都係好事 不過又要適應新環境亦都係一個問題
4個讚
英國係好多野用錢都解決唔到問題
香港係習慣用錢解決問題，用錢解決到就唔係問題
5個讚
你呢啲經歷有啲我都經歴過，相信好多英國香港人都有類似體會
我係澳洲、星加坡分別住過幾年，每個地方都有佢唔好地方，就英、澳、星呢3個地方揀，我仍然會揀英國，加拿大就真係唔太清楚
already出門口要鏟雪未？
我都想知你㨂英國嘅原因
我雖然經歷咗英國啲衰嘢 不過我都幾鍾意依度㗎
加拿大要搵返加拿大谷去問
但要搵2個地方都住過嘅人就難喎
但畢竟每人感覺唔一樣，呢樣嘢好難會有100%共識
1個讚
你又知佢講嘅係客觀事實？
對學校好或壞嘅感受，人人唔同，呢樣野已好主觀囉喎
2個讚
有咩陷阱？分享下等大家冇咁易中伏
澳洲學校差距比起英國更大，要入到好嘅公立/私校係要勁催谷補習，否則係可以好差
英國人gentle啲亦可以話虛偽啲，歧視唔會做出面，日常相處唔會有hard feeling，係職場待遇機會均等
澳洲人rude啲直接啲，歧視可以做到好出面，不少華人遇過係街俾人鬧叫你返home country，華人係職場待遇機會係有明顯差別
至於你比較擔心小朋友學壞問題，我覺得問題係在於家庭多過在於學校。小朋友自制能力、家長關注程度、家庭教育模式等等，先係小朋友會唔會學壞嘅關鍵
3個讚