放負post, 越住得英國耐，越覺得英國人做嘢好求其同埋成日設陷阱想呃錢，令人好易中伏，自己都差啲中伏，身邊有啲朋友都已經中過伏，教育好一般，d中學生係曳到爆 (講緊非grammar / private schools )。有啲後悔當初無去加拿大考察下先決定移民，似乎加拿大屋平好多，同一價錢已經買到加拿大又新淨又大嘅屋(當然非Vancouver Toronto ，講緊可能Calgary Edmonton )，同埋加拿大一兩年就攞到pr ，但小朋友讀緊書就無可能而家轉陣喇。有冇人有諗過移英再移加㗎？我都知而家唔洗諗咁多，純粹討論下，放下負。
1個讚
好奇你住邊度，真係有咁差？
以大城市來講，英國屋仍然平過加拿大好多，但加拿大屋就大d ，至於人方面，聽講比起加拿大人，英國人做野算醒目，我覺得是旦求其都係西方人嘅通病，教育就加拿大冇英國咁精英制，有分校區但冇英國分野咁大，但學生乖唔乖就唔知
3個讚
唔關city事，係講緊一d出名大機構都會設陷阱，要好小心
但我上網睇非Toronto Vancouver嘅屋真係好平，二百幾萬hkd已經有好大間獨立新淨house。至於教育，除非入到grammar school先精英咋，否則state School 真係好麻麻地，呢度d中學生好多都無心讀書仲影響埋有心讀書嗰啲
咁200萬港紙係英國北部town仔都買到新淨屋，只係冇加拿大屋咁大，而家卡加利都升左勁多，要成60萬加紙，靚d仲要成80萬，感覺上貴過英國好多
英國人唔重視讀書，想讀好書就要揀好校區，d人話是旦係英國讀間學校都係國際學校呢個係錯錯錯，至於加拿大學生乖唔乖真係唔知，不過我諗壞學生度度都有，爭在多唔多
1個讚
好奇係咩陷阱，可否share下我地可避免中
我嗰區已經係所謂好又貴嘅校區，但我做教育界，發覺 d state Schools 入面嘅中學生都係大部分無心讀書同好曳，只有grammar School會好啲. 感覺加拿大嗰啲唔會曳到咁過分。至於樓價，我research 見加拿大eg Edmonton真係平好多又好新
1個讚
咁要比較返同英國同等級城鎮先有意思，Edmonton我覺得等於英國town仔，個d樓要平起上來都幾平，new build我見平到20零萬都有間
係咪間states school 唔得咋？
1個讚
我有朋友喺加拿大想嚟英國 
兩年pr 但citizen 都要坐多幾年
學校唔好就去私校
講真加拿大都唔會好得好多
2個讚
唔係，英國d state school 中學係咁上下，因為收catchment area, 乜嘢質素學生都有
起碼有pr 在手先，佢想嚟英國原因係乜嘢？加拿大出街食都平過英國好多
加拿大大麻合法化，周圍都大麻味
軟性毒品(自用)都合法架架架
諗清楚三思三思
2個讚
主要係文化氣息 教育 經濟都不似如期
文化氣息主要我朋友鍾意歷史嘢
教育 佢就話好麻麻 所以都報咗私校讀
樓就貴過英國
經濟就較難搵工 要有local 經驗
大致上係咁
雖然我未去過加拿大 但聽我朋友咁講
我覺得佢嘅困難多過我喺英國多啲
有pr其實無用㗎喎 唔坐多幾年入籍佢都係會取消你 咁去嚟做咩？拎人生經驗？
2個讚
我識人去咗加拿大好鍾意嗰度生活，見佢一家越嚟越好。亦有一家已攞pr 話鍾意英國歷史不過都係講下，住多兩年幾三年已經正式入藉，我未去過加拿大但見佢哋d相所有地方都好乾淨好新咁，出街食飯又多選擇又平，樓就睇地區，只要唔係Vancouver , Toronto 都唔貴，屋大同新過英國好多
係囉 其實都係住多兩三年先入籍
其實睇吓有無錢 我都有另一朋友喺Calgary 生活唔錯 買咗樓開咗間店 但係無乜嘢好玩 佢仔女都係鍾意返香港玩咁
講真啲都係隔離飯香 你睇人好 人睇你好
不如都係活在當下 好好生活啦 橫掂你都話仔女讀緊書都無得轉場
8個讚
屋大就因為加拿大地大，屋自然可以起大d，舊呢樣就文化差異來，英國人一般係中意舊屋，越舊越中意，外表唔開胃但內裡裝修得可以好靚，相反北美比較中意起新野，同埋個邊根本冇乜舊樓因為歴史唔長，所以冇得淨係比屋新唔新淨
出街食飯一定唔會平，佢地消費稅都10幾%起，個個省唔同，仲有1至2成不等嘅小費，都幾肯定會同英國差唔多貴，只有你所提及嘅阿省有機會平d，因為冇消費稅，通脹就我聽親戚講返都好西利，同英國不遑多讓甚至感覺仲勁d，係油叫做平少少，但計返都幾乎等於120p一升又未係我想像中咁平
搵工方面就唔清楚，但我諗有心搵應該搵到嘅，不過同時又好多人講難搵野做，可能都好睇地方
玩就英國去歐洲玩係方便嘅，即使返亞洲都係10零鐘有直航，但加拿大除左美國去邊都好遠，返亞洲有機會轉幾轉先到，加拿大人多數國內或者落美國road trip
其實好多時你睇我好我睇你好，齋睇數據暫時唔覺邊一面好另一面好勁多，不過我覺得加拿大前景唔錯嘅
好似話走左幾年再返去可以reinstate返，不過唔知係咪一定成功
加拿大同英國入籍最唔同係英國拎永居1年可以申請，加拿大要住3年先申請，但加拿大申請費用平好多