居住沙田的市民范女士，與三位朋友相約經香園圍口岸北上遊玩，並打算於今晚回港。她表示，由於交通便利，故不擔心小犬風力加強或回程時天氣惡劣不穩，「講真如果你話方便嘅，仲方便過出九龍啦，因為我哋住新界嘅，你出九龍都仲貴。」
她透露，今日計畫到深圳大鵬灣的大小梅沙的沙灘、逛逛商店，以及享受美食，預計每人消費約200元內，又指昨日已經北上一次到大鵬中心購物，買了兩對總共僅需50元的涼鞋。
不過受小犬影響，每星期平均北上兩三次的范女士，稱觀察到今日經蓮塘/香園圍口岸過境的人流比以往週末減少，「平時我如果係禮拜六坐呢班車，其實都係企滿曬人嘅。」她認為這樣反而可疏通人流。
偶爾北上的兩位崔氏女士，今日帶同幾位從未北上朋友北上逛逛，主要到「有瓦遮頭」的商場。若天氣轉壞，她們稱會提早回港，「出面落大雨，我都想返轉頭」。她們又稱，今日天氣涼爽，故北上逛逛，「太熱就唔會啦」。
梁先生打算與朋友北上深圳吃飯，雖然小犬正在移近香港，但他稱感覺「風平浪靜」，「天文台話今日都係三號風球啫。」他指會即日往返，預計五六點就回港，也不會特別提早回來。譚小姐一家三口與十多位朋友相約北上遊玩吃飯，主要在商場內活動，亦不擔心天氣不穩。
1個讚
是實係住天水圍、元朗、屯門 去深圳灣口岸近過去旺角，
住上水、粉嶺 去羅湖近過去九龍塘。
嗰位范女士可以$50買兩對涼鞋
，佢直接搬返去住好過啦！香港所有野太貴，唔啱佢住！
4個讚
位置係近嘅，不過過關麻煩，排完香港關，再排大陸關然後再排黑碼，再然後排安檢，啲人又無乜修養，排隊左sip右sip，搭個程車都唔平
或者啲非繁忙時間會好啲嘅
2個讚
哈, 小犬都想佢地上去過個long weekend, 陣間十二點幾掛八號。上面好食好住, 落左八號風球先番香港啦 
呢個星期十一假旺丁唔旺財但都叫做生意多過平時，今日星期日 suppose 多人出嚟食飯，但又打風香港又變死城，咁即係成個星期夜賓周都係白做。
1個讚
的確住新界，特別西邊，係有地理位置既事實，
但既然禁喜歡上去，就唔好返落黎，舉家搬走啦
香港地少人多 物價又貴，早d返上去生活早d享受丫
1個讚
地鐵露天嘅停駛，
機場無機鐵，巴士只係有限度服務，
機場的士站嗰度排長龍⋯⋯
1個讚
成日話打風唔停市，啲人又落街飲茶睇戲，攪到而家迫住返工又返唔到屋企
打風 落街飲茶睇戲都只係屋企附近先至可以，
而家有班人去深圳行街食飯，夜晚先返香港，就被困關口，
有啲覺得抵x死⋯⋯
4個讚
老實講住新界日日返工已經要"出城", 返大陸行街聚會吸引過又要出城
system
於 關閉
19
該主題在最後一個回覆創建後180天后自動關閉。不再允許新的回覆。
