今晨(5日)8時43分，黃大仙龍蟠街8號龍蟠苑龍璣閣一名男住戶報案，指其50餘歲妻子及一對廿餘歲孖仔腹部受刀傷。救護員趕往現場，將傷者由救護車送院救治，三人受傷原因有待調查。
打架？
媽咪有抑鬱症、對孖仔一個自閉、一個弱能
原來對仔7月先喺宿舍回家
個媽媽曾經有向社工表示想攬住對仔死
我無再追落去，例如社工有無follow up咁。見到D新聞好Sad
1個讚
又係有問題嘅成年孖仔
我覺得社工可以做嘅野好有限
始終呢傢係社會冇資源比佢哋、政府從來唔會諗過特殊人士照顧者身心係唔係應付得到
兩個仔都有事、果種壓力唔係親身體驗根本唔會知。
9個讚
上次個單之後，政府話整條熱線……
梗係啦，真係幫到有限。
只不過我提出個媽咪曾經咁向社工提及。
而家好多人都走咗，唔好講而家，就算之前都唔夠人手，一個社工都唔知要跟幾多個Case
真係好難每個家庭24小時幫助
所以有困難嘅人士 / 家庭真係唔知點樣幫得晒
1個讚
呢2日好似有見過吓網上新聞，然後連D議員都罵政府嗰單？
印象有埋網上支援定點？(有記錯請糾正)
話好多照顧者都係長者，點識上網？然後係咁嘈
根住個官員定唔知咩水就覆番話，都仲有熱線可以打電話的
熱線呢個“措施”真係幾離地
3個讚
熱線係用嚟訴苦定有乜嘢幫助？如果只係訴苦，或者可以舒緩一下，但長遠都係幫唔到好多
1個讚
真係好想叫啲高官、一個人照顧返兩個成年特殊人士一日、叫佢有咩事打電話訴苦好啦。
2個讚
真係好有用既建議, 個媽媽自己都抑鬱啦, 但又要湊兩個, 仲有時間打去訴苦? 訴完苦抑鬱就會好番晒?
比條hotline 出嚟就係話「我做咗嘢傢啦、唔好入我數。」
1個讚
我都覺得呢啲熱線只係敷衍，唔會有實際作用
其實最熟呢班人係服務開佢哋嘅機構，或者互助組織
將整熱線嘅錢直接派比佢哋，俾佢哋一啲彈性去安排case接受服務，可能更加幫到呢啲人
既然佢哋已有呢方面的知識，點解唔好好利用，而將啲錢花喺一條任何人都可以打去嘅熱線？
3個讚
該主題在最後一個回覆創建後180天后自動關閉。不再允許新的回覆。