我覺得呢個又無咩問題, 都係菜啫, 係少左食深綠色菜, 要搵其他食物補番鐵質/ 葉酸果d?
主題係"懶"，99選擇菜既主因來自"懶"
你講既已經係深兩三層既考慮，一個懶人又點會諗
btw，我有提出過你講既問題，有諗過"要你煮就懶啫，食supplement好易啫，飲水時咪吞一兩粒囉"，結論係人懶，水都懶飲，藥都懶食。
99腎唔好，醫生已經講左再差就要洗腎，但佢地仍然一日只飲500ml水，就係佢有個水壺仔斟左入房，飲完就算，坐響房煲劇無得飲就罷就。
99有膝頭痛(退化)，有骨枯(家族遺傳)，醫生開鈣+D俾佢，半年覆診一次就拎6樽鈣+D返黎擺，隔日就呻痛又講埋D晦氣說話話就快行唔到要坐輪椅，被佢個仔爆佢話岩晒佢，日日食粒丸都懶坐左輪椅可以連行都慳返，可以懶埋佢，淨返既日子可以食 痾 坐 訓。
一個人懶起上黎，係可以自己既人生都放棄
4個讚
咁又真係抵佢個仔 (你老公?)爆佢呀
懶唔緊要, 但係連飲水都懶, 真係好難搞, 仲好意思講晦氣說話, 好難頂
係呀，我老公
只要99一講依d晦氣說話老公就爆佢，爆一次就食幾日，隔一排又故態復萌，我眼見都3年係咁loop，99依然故我
不論中西藥/食療/偏方，做兩日就唔做，話無效。
有次99佢骨枯個位發炎痛到個人郁唔到要入醫院，等白車時老公問99食藥情況，原來應該要一日兩次既藥佢只無定時間中食下，仲話因為覺得隻藥無效喎~
老公嬲到爆叫佢食老鼠藥(晦氣說話啦)先有效胃痛一陣就以後都唔痛嫁喇。
成個星期老公都唔去探99，直頭係同我去到病房門口都唔入去。
唉，無言。
1個讚
底褲好難抹，
會直接掉。
通常抹布有味，
我媽鬧我禁大個人洗條抹都洗唔乾淨。
因為抹布除左抹枱，抹廚房之外。
煮餸既時候，有時候鑊頭有水會直接用抹布抹。
（啲抹布本身都好污糟）
呢個動作都比我細佬話左唔知幾多次。
佢就係唔接受。
我話掉左啲抹布佢，
重話我你懶到出汁，掉左佢要幾多錢黎買？
我都唔明白禁慳做乜。
唔要既衫用嚟抹地，我媽都係。
佢仲要抹完後成塊濕既地布撻喺塊地度踢嚟踢去，你想像吓佢喺屋入面著街外鞋，踩咗落塊濕地布度，再喺間屋度行，塊布同塊地會變成點。見到自己掉咗既衫濕dat dat 喺個地下度任人踐踏真係好唔開心。
塊布係用嚟扒係地下抹地，話咁抹先乾淨喎，但因為咁抹太費力，好耐都唔抹一次，塊地反而有一半時間係污糟。
浴室用返公屋原裝既浴缸，又唔整條簾擋擋啲水，地下就咁撻一塊地布唔知係索腳定索水，又唔裝抽氣扇，沖完涼浴室潮濕，就賴我地沖得耐。
我地改善家居環境佢就鬧多餘，連話裝洗衣機都鬧，我試過趁佢返大陸，買海綿地拖嚟用，佢返嚟後當然又話多餘，由得支嘢乾硬化最後佢趁我返咗工掉埋。
我搬出去自己住部份係因為頂唔順佢啲housekeeping, 又要覇住做又要做得唔好，根本唔敢俾朋友上嚟屋企。
我相信你偷偷掉左佢啲地布肯定比佢鬧。
我覺得縱唔縱得壞睇命水
我有朋友、細個父母係勁錫佢
屋企唔係話有錢、但成買野比佢又同佢食嘢（講緊30年前幾多父母會咁做）
我地成班朋友成日羨慕佢有新衫新文具
我呢個朋友都係順順利利讀書大學出嚟揾野做
佢同父母關係好好、係食lunch都打電話比佢地講兩句
又會成日買機票同屋企人去旅行
佢話細個自己要乜有乜、父母從來冇托手踭
所有呢傢佢都要對父母好好
我阿媽唔懶但奶奶懶，講唔講得。
佢果種懶唔係唔執野，佢好整齊。
但就好多野都唔願意主動同做，叫都唔做。
淨係每日煮下晚餐同家居清潔,咁多年都係煮得唔好食，佢d仔女講。
落街買餸煮團年飯探下親戚朋友佢都唔會做，由朝到晚留係屋企。
日日睇電視？
我都有講同住奶奶呀，
對你黎講唔好咩? 新年咪唔洗跟男家周圍走?
我初頭覺得唔好，而家覺得好好。
我外家之前成日叫我返下男家，但我話返去好似打攪人哋加我99會同我老公呻過腳痛煮飯好辛苦，返去做乜，之後佢哋就明了（我阿媽鍾意熱鬧同唔介意煮飯同清潔）。
煮野食真係講慧根同天份
我有朋友由以前日日外賣
到呢傢見我地group入面個個都自己煮
又試下自己煮，都見佢好努力去煮
但佢啲小朋友叫佢買返兩餸飯
我有個朋友都係咁，佢同我講起時好有挫敗感
仲要之後俾老公笑，因為佢老公煮同樣既嘢俾仔女食時，仔女食得好開心
之後佢疊埋心水等外傭煮，星期日就出街食
1個讚
事倍功半、其實真係會好灰
你朋友都叫好彩、有工人姐姐幫手
1個讚
識個阿媽，放完工返黎咩都唔理，又唔同小朋友溫書，淨係玩手機。咩都比晒工人或者個老公做。
佢睇唔起為左小朋友，而無咩錢嘅ftm,話人地係懶晌屋企咩都唔做。話自己返工係靠自己、自強，但佢返工d人工係用晌佢自己度，唔係為頭家。當然如果個老公叻，養到成頭家就唔係咩問題，但佢地係靠四大長老唔同方式嘅資助先有得過優質生活。
一模一樣
我媽成日整到好污糟
其實我而家都係咁
我有個親戚熱愛煮食，大時大節一定霸住廚房煮比大家食，但係佢真係零天份⋯⋯
搞到依家做節我次次都要食定嘢打定底先⋯
1個讚
呢樣真,我99煮野食真係… 勁咸,一係蒸條魚都蒸過龍
咁多年我姑奶嗰啲都話佢煮得難食, 以前團年飯次次出街食都唔想99煮.
不過有咁既對比,我老公就覺得我求其煮樣野都好食 (我細細個中學就要幫手買餸煮飯,訓練有數)
其實我覺得係睇有冇心機、跟食譜難食極都唔會太過份