我都未聽過
佢會食娃娃菜/紹菜/椰菜，成個雪櫃拎出黎切幾下就沖水就煮。
又或者食瓜類，因為沖下個面刨皮切幾下就煮得
其實想懶又要生存到都要有d小聰明先得
我都讚嘆99既生活智慧
3個讚
我媽超懶, 教到仔女都超懶, 好彩我大個有自覺先改變到, 但再努力都做唔到一個好整齊的人。
你咁講
我突然諗起，有時d媽媽太勤力，都唔等於d仔女學到佢嘅勤力同齊整
我奶奶照顧得屋企太好，搞到我老公係唔識處理屋企嘅嘢
不過好彩我老公都肯學下做下，但d收納就真係學晒奶奶亂同唔捨得掉嘢
講起我屋企成日食生菜、原因你懂的
總之要花工夫的一定唔做、就咁炒埋一碟就算
所以無咩人鍾意返去食飯、到我哋大左連煮都懶、老左就成日叫外賣
我都有個相反例子
朋友奶奶每日都會幫佢個仔換全套床單枕頭袋，每晚會將燙好嘅乾淨睡衣同底褲（係！底褲都燙！）放喺佢床頭，同埋每晚都有切好晒嘅果盤供應！！
好在阿仔生性冇變垃圾媽寶⋯
嘩……酒店式服務，辛苦奶奶了
雖然可能奶奶好enjoy
長期淨係食呢幾款菜會唔會悶到傻左？
咁佢係咪會襯出街食時叫炒菜心白菜仔通菜果啲
對我無乜影響，lunch返左工，晚餐一個月below 8餐，重覆都無所謂
依家仲好，佢申請到送飯盒，lunch dinner各一盒weekday就會送，依家煮都唔洗煮，人地飯盒係乜就食乜，連餸都唔洗買，又唔洗諗食乜，正宗飯來張口。
1個讚
咁佢做人無咩要求都好既、我都唔明其實成日流流長有唔悶咩
睇性格，我老公成日都好忟佢無動力，人生就日日等死咁
好識嘆啊
性格就係懶
只係老左更加唔會改
屋企人名言「起碼養大左你哋、老左仲要做即係你哋無本事」
我阿媽好勤力，我99好懶，乜都我62做晒，所以我識咗99先知原來有啲阿媽會咁懶。。。
其實我都好鍾意沙律菜加車厘茄
又真係幾方便
ME2
有，我阿媽應該唔算係懶，而係衞生習慣同主流香港人唔同。佢同我爸廿幾歲先落嚟香港。佢有啲習慣係大陸既生活太貧乏而養成既。
一個禮拜先洗兩次頭，著鞋入屋周圍踩，一條碗布又洗碗又抹枱又抹任何嘢，煮完飯唔抹灶頭，用報紙墊枱，紙皮墊煲，廁紙用最梅嗰種，衫著過好多次先洗，熨斗係唔會用既，俾我一套校服著一周，覺得浴室唔駛裝抽氣扇，洗衫唔駛用洗衣機，直到我地大個搵到錢先頂佢唔順搵人嚟裝。
我細個學校俾清潔分好低，細個唔知咩事，只係阿媽點樣我就點copy 。大個少少去吓其他同學屋企，先知人地屋企唔係咁教。
下咁咪好多甲甴。
諗起都恐怖。
我媽咪著鞋入屋，洗碗布，
抹枱，又抹鍋頭。
好中意用啲無用衫抹地，
長年累月起碼儲左5-6件唔要衫。
太嘔心，我同佢偷偷地掉左。
唔通你係我老公
我99係咁的，d衫唔可以掉因為件件都要黎剪做抹布，話就話抹完就掉但次次都一條抹幾個月。
5-6件唔要既衫我諗係用速成揀錯字，應該係5-6年 
用衫剪黎抹野我完全接受唔到 
好彩未至於底底同襪都要返黎抹。
1個讚