RIP丨55歲大女美國輕生離世 教會呼籲鄭少秋聯絡辦身後事
鄭欣宜的父親資深藝人鄭少秋,現年76歲的秋官情史豐富,他有兩段婚姻,跟前妻沈殿霞(肥姐)育有一女鄭欣宜,跟現任妻子官晶華育有兩女,有指秋官在肥姐之前,曾跟盧慧茹拍拖3年,並育有大女鄭安儀。今日有報道指,鄭安儀在美國寓所輕生,終年55歲!
據YouTube頻道「Smart Travel」表示,鄭安儀最近參加當地羅省華人天主教堂(St Bridget Chinese Catholic Church)的成人道理班,小組的教友知道心情不好,一直很關心她。上月26日左右,有教友發現鄭安儀失去聯絡了,亦找不到她的母親,擔心鄭安儀發生意外,報警求助。
而警方到達鄭安儀的寓所,在破門入內後,發現她輕生離世!羅省華人天主教堂於上月30日為鄭安儀舉行追思彌撒,至今還未聯絡到她的母親,故呼籲秋官盡快聯絡教會,為鄭安儀辦理身後事。《娛壹》聯絡秋官,未有接聽電話。
有指鄭安儀自少失去父愛,曾經憎恨父親,跟秋官多年沒有聯絡,不過秋官有供女兒讀大學,她長大後,明白父母分手,不再憎父親。幾年前秋官到拉斯維加斯登台,兩父女有見面。有指鄭安儀最近陷入三角戀,情緒不穩。
#娛壹
不過秋官有供女兒讀大學,她長大後,明白父母分手,不再憎父親。幾年前秋官到拉斯維加斯登台,兩父女有見面。
有比錢讀書咁
1個讚
Luckystar:
都唔知原來仲有呢個女
我知佢有呢個大女, 但一直以為係婚生(即共3段婚姻),
但估唔到原來只係拍拖3年冇結婚, 五十幾六十年前未婚生仔係幾咁大壓力
5個讚
kipling:
講緊佢從來唔理D女
其實欣宜佢都應該冇點理
好記得以前志雲飯局訪問肥姐
肥姐話佢有咗果陣同鄭生講自己有咗bb
鄭生話如果你個肚入面個個唔係仔唔駛話我知/你再冇仔生我就揾第二個生(大慨係咁嘅意思)… …
3個讚
516mum:
咁都講得出, 所以咪現眼報囉
我諗八十年代男人咁話女人係好普通嘅事(應該連女人都會咁話女人)
尤其係佢呢啲不嬲都有女人主動飛埋嚟比佢食嘅、有咩講唔出……
4個讚
我睇嗰個版本唔係咁喎
係話沈殿霞因為太肥唔知生唔到BB定點,然後就有上面嗰段對話「你再冇仔生我就揾第二個生」
其實就算佢有俾錢前妻供養啲女,佢都係冇理過啲女㗎啦,啲女同冇老豆冇分別。
10個讚