來到英國已經一年了, 近期喺Youtube見到有啲關於稅務問題嘅片, 研究咗下, 對冇工作但銀行有存款利息(包括香港賬戶嘅利息、股息等)嘅人士該如何處理英國嘅稅務問題, 仍喺一頭霧水, 周圍朋友多數話佢哋都冇報過稅, 但影片裡就話點都要填報稅表交返稅局, 而且Deadline仲喺5/10, 如果等稅局來追時就已經直接開罰單(100鎊起跳)了, 由於眾說紛紜, 所以無所適從. 加上早前胡X頻道有條片講到, 舊年有幾十萬低收入人士(唔達交稅額), 都被稅局罰款, 真喺驚驚. 想問下呢度嘅朋友：
- 冇工作嘅人應該如何報? (經網上自測是無需報嘅) 但喺咪代表咗連表都無需交呢?
- 有返工嘅人除咗公司幫報之外, 自己銀行存款(包括香港賬戶)嘅利息等喺咪仍需要自己再報稅呢?
大家來咗英國幾年或一兩年嘅朋友, 你哋有乜可以分享嘅呢?
1個讚
你自己可以去上面個網評估下自己要唔要報稅先。如果要，就要喺10/5 前通知稅局，然後佢會寄/電郵一份報稅表俾你，你自己跟住填，然後1 月31 日前（大約呢個時間）交番俾稅局便可。
好似填完佢會即刻出到個稅款俾你，你按個稅款交稅便可。
通知稅局既網址同詳情
1個讚
做完個評估, 得出結論話唔駛報稅, 但又冇地方叫你將個結果發俾稅局, 咁喺咪就唔使理佢了呢?
我會cap 圖留個紀錄, 第時要攞黎證明我唔駛報稅都有野係手做證
1個讚
今日睇到某KOL條片, 其中第二個案例話香港銀行有利息, 英國銀行有利息, 就算好少都要報稅喎, 所以真係搲晒頭.
1個讚
咁你覺得官方網站可信D 定KOL 可信D？如果真係驚，咪好似上面JM 咁講cap 定圖留個記錄囉。
有海外利息收入幾多都要報，報咗唔過免稅額就唔駛交
要拎個報稅冧巴再做self assessment
1個讚
