大家好，昨天睇到某貼文，新人貼唔到link，內容大致講雙失人仕。
如果佢唔係派膠，其實我同佢經歷有d似，簡單介紹自己，我係女，已經三十中，讀中三時經歷過校園欺淩，之後對學校無信心quit左，之後係夜校完成中五課程。
之後做左幾年夜更店務員，因為果時全身都有濕疹，唔想見人，做左幾年野，之後發覺隻腳好易累，唔可以長時間企，所以轉行做保安。
學歴/其他證書
毅進文憑
車牌（1A)
醫療支援人員證書
註冊保健員（安老）
保安牌
曾經投考工作：
司機（有色弱，過唔到BODY CHECK)
政府工（過到ST，面試唔得）
今年轉左係NGO做，性質係接載服務，做呢份工諗住係跳板，將來轉醫護行業，我本身有少少口吃，份工需要致電聯絡客人，緊張時會口吃，同事當眾係客面前笑我口吃及玩我，加上薪金不理想、食同去洗手間無定時，所以辭左職了，最近我搵左言語治療師，佢話我唔算嚴重。
PS:暫時都係搵番保安做，最近配左新鞋墊，要比時間適應，行得多無之前無累，多謝收看。
我相信你都鍾意同老人家相處同照顧老人家，佢哋都鍾意你？ 如果你可以喺呢份工度搵到自己嘅興趣同埋成功感，而令到你開心
你會唔會可以同自己講，為咗呢啲目標堅持做落去，因為呢個開心大過同事講啲咩？
同埋你要同過去嘅自己講拜拜，以前嘅陰影同唔開心影響到而家嘅生活係好唔值得
如果性格容易被欺淩，就諗辦法去改
例如唔熟嘅同事就唔好咁多交集，反正呢一個工種都唔係好需要同佢哋太多交流
謝謝回覆
其實我唔係特別鐘意老人家，自己亦考慮讀物管T2牌，不過我性格怕對客，口才唔好，西客一定應付唔到。
至於同事相處，其實辦公室政治一定有，上一份私企做左七年，同事表面客氣，背後篤灰，其實都習慣左。
NGO辭職原因，除左人事外，加上人工唔理想，食同去廁所無定時，直情仲衰過做保安。
做保安係私人屋苑坐大堂果啲？
我覺得果啲位要好識講嘢、又要認得人、而且又會有啲人串串貢咁、開大會又要幫手揾人簽授權書、呢傢中秋、我見樓下啲保安七月尾已經開始問你訂唔訂月餅，……好似要跑數咁
目測公屋居屋保安冇咁多呢啲壓力….（有講錯請指正）
但接受到嘅可以做半年至一年、迫住要對人、練下個膽、之後你做啲唔駛咁多嘅講嘅工、就會覺得容易啲
你好 
做停車場，同客人互動較少。
屋苑保安要經常接觸住客，日常會接到好多投訴。
其實你上一份工做咗七年、都唔係唔捱得嘅人
我見erb 有啲叫「職業治療助理」、好似俾幫下手set 嘢咁、呢啲會唔會唔駛對咁多人又好啲
我出嚟做野都好怕西客、以前自己唔識講野、好誇張係試過比個癲嘅喺我面前掃晒啲嘢落地、要我上級同上上級行出嚟道歉、果刻覺得自己點解可以咁廢、個個同事都唔會會咁、但自己就搞成咁、果晚企喺跳後樓梯、真係有衝動想跳落街。
至於你話欺淩、唔知你指嘅欺淩係咩程度、我係又唔醒目又「姐手姐腳」果啲、新做一份工一定比啲熟手嘅話同埋寸（尤其係啲阿姐），試過呀A叫我幫手做一樣野、b會話吓你叫佢、你叫個最烚嘅嚟幫手？ 自己唯有面懵懵咁話「哎呀我今日訓醒咗冇咁烚啦」之後傻笑、衰咗就唔好意思做錯咗、呢傢整返… …慢慢啲「欺淩」你嘅人、見你真係會做野、又會慢慢好轉 （雖然好多時係因為有另一個更《烚》嘅出現咗….
我覺得呢個職業要唔怕屎尿血燶痰、又要做下護士要做嘅野、又要體力勞動（搬人沖涼咁）
不過人工應該好過保安…
題外話
我細個講嘢都口疾疾
之後我迫自己、咬住紅酒塞/水樽蓋讀報紙
（有講野好叻嘅朋友教我咁做）
又真係有改善
起碼出去做presentation， 做training，開會…甚至公司event仔做MC都交到貨
最近搵治療師評估，佢都話朗讀文字流暢度ok，唸番起讀書時做presentation，照住讀係無問題。
跟住我話工作上講電話會口吃，治療師問你公司講電話，有無指引架？我話無人教架 
治療師建議我注意，語速、唇形（要幅度大），停頓位。
多謝你既建議。
其實NGO呢個同事，仲要當住d客話我口吃，果刻真係堅嬲，同埋好有挫敗感，已經人工underpaid⋯
醫護行業會比較辛苦，例如院舍/醫院，兩者薪金比保安高d，至於說話技巧，讀多d報紙練習都可以。
但你寫嘢好有條理喎～非常清楚～
言語障礙都係屬於SEN 
你個名好有趣 
you are not alone, 阿Q去諗, 好多行業都係咁, 可能你個客都遇過唔少。
我試過仲離譜, 係老闆當住個客面前話我, 我講個笑話帶過去, 仲令到個客即場讚我。當然, 呢個結果係之前咁多年來受過形形式式"欺淩"練返來, 而唔係我天生反應快或有幽默感。
其實都冇乜建議比到你, 都係慢慢練習強大嘅心, 多D觀察其他人點樣應對西客西同事
以前我上司都當住同事話我，我仲笑笑口添，同埋我地以前會串西客，我上司都係禁
NGO就唔允許既！如果比客投訴仲要扣人工 
咁有冇諗過做醫護? 既然邊度工作都有西人, 不如搵份人工高D
呢方面我都可以分享少少：我自細有口吃，咬字唔清嘅毛病（遺傳自阿爸），而且好怕面對人，懷疑有埋社交恐懼。但係我見阿爸後天好努力改善自己，佢真係咬木塞練朗讀，練到講野好叻，所以我中學階段都開始迫自己改善呢個缺點。
我係嗰種一冇講稿就講唔到嘢嘅人，所以我唯有唔怕麻煩，每一樣嘢都會寫定一份稿，久而久之，日積月累下，大約10年左右，開始唔需要每一樣嘢都靠講稿，最多mark低d points。近年仲好多人讚我演講叻，但私底下我寧願唔講嘢，避得就避。
至於口吃同咬字，真係靠日常生活努力，講每一句嘢都盡量擘大個口，字正腔圓，唔俾自己懶惰，好快就會有成果。
如果想更上一層樓，我會去觀察講嘢叻嘅人，然後Mark低佢哋吸引人嘅地方，自己嘗試練習。如果有演講內容好有趣，我亦都會分析點解會引起觀眾咁正面積極嘅反應，盡量學習。
有
等適應左鞋墊先
謝謝分享，其實我口吃都係遺傳母親，小學曾經接受到校既言語治療服務，中學之後就無理會，現在睇都緊言語治療，認同你上述既留言。
好羨慕口才好既人，今日去涷肉鋪買野，跟住d職員sale我買其他野，自問做唔到
係，我由細到大都好羨慕人哋講嘢叻，我真係好怕講嘢
真係我要講嘢嘅時候，我會做足準備，而且扮到好有自信，起碼氣勢可以呃到人
我覺得聽日電台節目、或者啲訪問節目都學到下野。