而家31 wks, 我知道我有產前抑鬱, 但我唔想畀人知. 每次出街慣左笑臉迎人, 其實我係好唔開心, 好少野就會令我情緒崩潰. 健康院之前話我重得太快（頭4個月重左4.5kg）, 叫我節制飲食, 我已經抑鬱左2個月, 一入夜就喊. 私家醫生check羊水話深度有7, 懷疑我有妊娠糖尿, 我情緒完全崩潰. 我好唔鍾意飲糖水, 晚晚發惡夢要飲, 後來仲失眠, 所有人一講飲糖水我就會陷入抑鬱. 最後結果係8.5, 確診, 但我唔想畀人知. 老公話同我相處唔到, 同我一齊好大壓力, 話我日抑鬱夜抑鬱. 懷孕以來冇一刻係開心過, 成日畀人mon住d數值, 郁d就話超標, 而家口痕食多左塊餅已經係度喊. 我唔想再去任何產檢, 全世界都話我呢樣唔合格果樣唔合格. 我已經冇辦法再面對人. 冇一次產檢係正面.
1個讚
你太可克自己喇，抱抱先
產檢係提醒媽媽有啲咩地方要注意
的確會令人有氣餒既時候！
其實佢哋都係想你同bb好，唔係想打擊你
老公可能返工比較攰(心靈上)返到黎見到你唔開心，又唔知應該點氹你，所以佢自己都有唔開心
但唔係要你扮開心！有冇試下同老公講下心事？有冇問下私家醫生有冇得轉介心理輔導？
因為怕bb出世後，你太忙，冇時間照顧自己感受！
其實bb重要，但你都一樣重要架！
先照顧自己，第日再照顧bb!
2個讚
我明白，
我陀第一胎都係咁食，
又無人話我超標。
個肚好大又重。
啲人以為我陀緊雙胞胎。
最後生出嚟7磅半。
係你生既時候會難生啲。
屋企人都係關心你姐。
陀bb係好多野諗。
好多野擔心。
唔開心係因為平時我哋做好多嘢都可以控制到 outcome 例如讀書工作所有嘢
但大肚真係好多嘢唔到我哋control ，好多未知之數，但又真係會好擔心，好似每次複診就係一個突擊考試，永遠控制唔到結果，我明白呀
我當時做嘅係盡量唔諗，同埋天跌落嚟當被冚
就算啲指數係點，醫生護士都會有相應嘅 advice
到時先算啦，Focus其他嘢等自己忙啲唔好諗起複診
我複診嗰陣會聽住歌，平復自己心情
同埋唔好不停咁去google 懷孕嘅狀況，反而睇吓第時點樣湊仔嘅video，將個Focus擺喺第二度
我大肚嗰陣都有好多突如其來嘅風險自己控制唔到，我都驚跌咗個B，但我keep住禱告將個情況交比天父相信佢會安排，然後自己睇吓電視劇同 買BB嘢
至於你同你老公嗰度，其實可能佢自己都會擔心佢見到你咁緊張，佢都心情唔好，不如大家多啲出去食吓飯傾吓第二啲話題。
好快見到BB，加油
2個讚
其實好多人大肚都喊㗎
妊娠糖尿啫 其實無咩嘢
唔食得餅咪食蝦食牛油果食三文魚
有唔開心就喊出嚟
唔需要一定笑㗎
已經31 週, 你同BB 都好叻呀, 你打算生仔開刀定順產?
理解果種挫敗感, 感覺真係好差。
但係妊娠糖尿可能影響個BB, 所以產檢時先咁緊張。
妊娠糖尿要注意好多飲食既野又要吉手指check 住血糖, 都明白好慘, 你既生活過得唔容易, 但係為左BB 你要加油, 當BB 健康出世, 你就會明白係值得。
大肚時同岩岩生完係情緒波動d 架, 好正常, 唔需要太自責。
但如果去到訓唔著既地步, 或者你會唔會考慮, 產檢時同醫生討論下?
(咁樣都只係你老公同醫生知, 唔會俾你身邊其他人知)
媽媽抱抱，我果時都妊娠糖尿，明白食唔得多，想食既食唔到既感覺，要成日食d無味野。但控制血糖係為左你同bb既安全，你好叻架啦，忍左咁耐口。
另外，抑鬱真係唔好收埋收埋，老公係你親密既另一半，呢個時期你好需要佢，你要講佢知定佢幫你。真係有需要就同醫生傾。
最重要係你諗下抑鬱主因係咩？剩係因為妊娠糖尿定其他原因？如果都無既話，單純因為荷爾蒙影響就搵醫生幫忙，因為你呢段時期需要好好休息，照顧自己先。
我連同醫生講都講唔到, 因為我好憎醫生, 同老公已經日日陷入冷戰階段, 冇野可以講. 我唔想拮手指度血糖, 一見到血就會暈, 所以我唔去產檢, 亦唔想為左BB好而咁辛苦, 自從懷孕起就冇人對我好過, 個個都只係關心BB. 所有野都叫我忍, 冇人關心我忍唔忍到, 淨係話我唔合格, 話我呢樣唔好果樣唔好, 我唔覺得有BB係一件喜悅既事. 日日磅重就係怕護士鬧, 日日唔敢食野就怕血糖高, 但結果都係俾護士鬧俾醫生話唔檢點. 個個都好似想逼我去死.
你要明白你啲負面情緒係因為你啲荷爾蒙改變咗而產生出來，件事本身係冇咁壞，醫生老公及其他人都是無辜，你所不喜歡的東西既成事實，你不喜歡也冇法改變，只有正面面對，減低對自己/BB 影響
我都就卸貨了，為母則強，大家加油 
2個讚
我第二胎都有妊娠
但我好唔乖
總之學校壞學生做的我都有做
因為我覺得情緒都好緊要
我有壓力就要食野
不過我第二胎真係太大變左要開刀
我諗取個平衡
搵d較低糖既零食
我個時都成日飲無糖豆漿同乳酪
太無益既就費事講
因為跟住張餐單真係無味同肚餓
而且生左出黎第一個月都好難捱架
啱啱上網搵到，你打去傾下？
熱線: 27116622
產前及產後電話慰問計劃 星期一至五： 2pm - 4pm 及 7pm - 9:30pm
D) 產前及產後電話慰問計劃
- 對象：產前及產後婦女
- 服務內容：
- 本計劃與瑪麗醫院及基督教聯合醫院婦產科合辦，由醫院護士、本會專業社工及熱線義工合作推行。受過專項訓練的熱線義工會定期致電關懷產前及產後婦女，並在有需要時為婦女及其家庭提供輔導面談及社會服務資源的轉介。本會熱線服務由專業輔導員支援，來電者如需進一步接受面談輔導服務，可獲合適的轉介。
7個讚
你會唔會考慮轉過個私家醫生? 定係你都已經驚左所有婦產科醫生, 不論公立醫院定私家?
你已經好叻, 你都已經忍到31 週, 如果38 週開刀, 你忍多兩個月就得。
自己既情緒真係最重要, 就算忍唔到口偷食一塊餅乾, 都唔需要自責。
你識得上黎呻已經做得好好 
, 如果你覺得身邊無人關心你, 就等我地聽你呻啦, 抱抱。
聽到都辛苦。樓主，下次佢哋再咁講鬧番佢哋一次，直接同佢哋講：你估我想架？我已經好大壓力？你係咪想我乜都唔食？等佢哋知道自己幾衰。
有一次我係公院都係咁，即刻爆個護士係咁喊，佢驚到say sorry氹我。其實我唔需要你氹我，我只需要你哋講嘢合埋啲
同真係搵人救助，好多人會想幫你
抱抱
9個讚
冇辦法可以解決. 謝謝各位打咁多字畀我, 但條路始終係我一個行.
就算見唔到你，只要你要搵地方呻，你上嚟打幾隻字，都會有人聽
我自己就試過産後抑鬱，其實好common，因為生小朋友真係大轉變。你真係搵專業人士救助，真係能改善情緒。
抱抱
4個讚
唔係既，仲有肚入面既人仔陪緊你呢～
你受苦其實佢一樣受緊苦
不妨試下打電話去搵人傾下！
我哋呢到咁多人3唔識7都樂意同你傾，電話熱線既社工更專業，更樂意聽你傾訴架！
4個讚
點解有人覺得搵人傾完會好? 我十年前見過精神科醫生, 都見過心理學家, 佢地幫到我? 佢地解決到我困境? 講野一味問你點樣感受, 一味重重複複, 一味遊花園兜圈, 仲成日唔記得我講過乜野叫我重複再重複重複再重由複. 我搵佢地傾, 我會突然唔駛節食? 我係咪唔駛懷孕? 我係咪唔駛畀人篤住哂? 佢地根本乜野都做唔到. 仲浪費我時間要等見佢地, 講完等如冇講.
我都經歷過，但到我大肚時，轉介咗去兒童發展科
雖然叫兒童發展科，但其實主要係跟進孕媽媽，因為我大肚又有抑鬱病歷，開頭都諗住冇用，係產檢時順便見埋護士
佢哋比我過往見嘅精精神醫生、心理學家更加幫到我，因為每次講完佢哋都唔使你重複講
最後轉介咗去家庭綜合服務中心，遇到個好嘅社工，將我同老公好疆嘅關係，同自己嘅心結慢慢打開
如果你已經去到咩都好似輸晒嘅地步，不如試埋今次先
BB未出世已經抑鬱到令自己咁辛苦，出咗世仲更加大壓力，更加多人指責，會更易抑鬱喔
3個讚
係呀, 所以係死路一條.
其實係苦係自己受，啲人講下講下，都代替唔到你承受。
其實有冇考慮睇中醫？我大肚都係一波三折，最後都係靠中醫幫我。西醫都有限制，中醫都有佢可取之處
最後記得下次啲人無理取鬧，爆返佢哋，我真係會咁做，個心都舒服好多