佢老公嘅嘢仲要搵老婆嘅朋友幫手？
真心大家同age group嘅，我唔會理佢
1個讚
佢講果個唔識路，好誇張喎
大家同AGE GROUP 架,佢話電腦無EXCEL填唔到,心諗電話都有得裝EXCEL APP啦
所以好多時呢啲人都係扮蠢,想將啲野推俾其他人做
3個讚
其實我知佢唔識路、我本身約左佢喺香港站等埋一齊去搭港島線（我自己都由九龍東特登過去香港站）
但等等下先接到電話話佢自己搭咗巴士去天后（原因係地鐵冇得坐、香港站行去中環好遠）、仲要語氣勁差話呢傢點算、去到呢啲位我已經唔會去體諒佢
臨走、話要搭巴士、送埋佢去巴士站、話太多人排隊人多、要搭地鐵
我知佢社恐、但呢啲已經係唔識尊重人嘅問題、我果晚已經忍不住話佢你咁唔得喎
2個讚
我唔了解係咩心態
又唔明點解佢養成咁嘅性格仲可以keep住咁多年都係咁….（由細個話唔識四大天王同今日唔識mirror)
通常只有「驚比人知自己唔識、而去扮識」
而唔係扮唔識果樣野
即係呢度好多人唔會食m記、但唔會有人扮嘢話「我唔知麥當勞係乜野」而拎到滿足感掛
2個讚
你個朋友又真係太奉旨同冇交帶
社恐還社恐，教養還教養
我有社恐同路痴，但從來唔會去依賴人，寜願預多一個鐘出門口，唔敢問人預咗會行錯路
好現實如果變成一個包伏，就算自己老公都會有嫌棄一日，仲何況朋友
4個讚
的自己都係咁
就係自己都有社恐、但我自己係怕麻煩人、怕阻到人、怕得罪人有時情願自己無謂咁蝕底去配合人果啲。
呢樣嘢有時換嚟朋友加配對你好、會好錫你同體諒；又會引來有啲持熟賣熟嘅得寸進尺、總之時間會令你睇清楚好多嘢
2個讚
佢老公就係唔理佢
同佢分析過原因、佢覺得自己冇問題
做話其實自己咁樣過一世都得
我唔係佢、唔可能親身明白佢嘅難處
只係唏噓人應該努力好變好
至起碼要做一個值得人錫嘅人
1個讚
我同意，總有啲善長人翁
最煩係唔幫佢又話一場朋友乜乜物物
3個讚
都唔明點解呢啲人都會有老公。。。
1個讚
有啲男人天生鐘意呢啲style
但真係生活就
又或者呢種男人都係怪人，2個巨嬰mode
1個讚
我識一個就係咁,唔知佢真無知定係扮啦，可能個人設係不食人間煙火嘅公主，高貴啲卦。
但好心啦，人哋睇只會覺得係井底之蛙，脫節
1個讚
應該係咁，我都識有兩公婆好夾但其實兩個都係怪人
1個讚
我覺得吾識教佢無問題， 但佢係無心去學， 想點妳去做埋， 咁究竟邊個精邊個蠢
3個讚
見過，一齊去玩但極唔合群，再帶點九唔搭八
都幾kam 喎，幾十歲人怕男人唔敢問？！
另一個揸住名牌袋話唔識？係真唔係架？
呢餐飯都幾難頂
年輕 = 社交恐懼人士
年老 = 社交恐怖份子
1個讚
我近年都有社恐，除非大班約出嚟講明 AA 制，否則我唔會主動再約朋友出嚟。
原因我比同學早一兩年出嚟工作，所以如果幾個同學一齊出襯去，都係我乜都請哂客。久而久之到各人成長獨立，有啲人搵錢仲多過我，但佢地就好似習慣成自然，出襯嚟都預我埋單，佢地係完全冇埋單舉動，埋單後亦冇任何話俾番自己果份。直到最近有一個識左廿幾年同學，佢做地盆搵錢多我一倍唔止，屋企買埋樓佢住唔洗供，佢依家獨居自己搵自己洗，但早個星期仲主動搵我，話佢今日得閒等我請佢食飯，我就忍唔住話佢一餐 
2個讚
厚面皮到 
一般早出來做野嘅人，都會專登約平啲嘅地方，然後aa, 唔想未做野嘅人破費。就算被請一兩次，之後都會請返轉頭。
你班朋友從來唔當你係朋友
2個讚
呢個朋友只係其中一個，佢都未算係最孤寒，因請佢食十次雞，佢都會出一次豉油，成大班人出嚟聚會話明 AA 制，咁佢都會照俾錢，只係特別同我出嚟時，佢就預左我埋單。
我另有一班非同學朋友，都係十零歲興趣而認識，當時我已出嚟社會工作，佢地仲係讀緊書，我又係出襯嚟都慣性請客。呢班仲忘思負義，試過搵佢地幫忙，之後背後唱我話我搵佢笨，仲慫恿埋另一個，又係我長期請客朋友唔好幫我 !
反而識過幾個朋友，初認識時借過好小錢俾佢渡難關，佢感激左我廿幾年，成日請我去屋企食飯，直到依家仲關係好好。 
另一位做左一個月同事，又係成為好好朋友，我有事或病入院，佢都幾乎每日去探我，我要食乜都買俾我。 
2個讚