點解可以無人知無人理, 無人響地面支援? 無都算, 入井無登記? 無掛牌? 無SOP?
地盤個安全主任訓緊覺嗎?
香港電台-港聞
2023年9月25日週一 上午11:06
柯士甸道西致命意外 帥建機電工程稱配合勞工處調查
柯士甸道西發生致命工業意外，兩名工人前日在港鐵旗下商場「圓方」進行地下喉管更換工程期間，懷疑吸入沼氣，送院後證實不治。
帥建機電工程有限公司回覆查詢時表示，兩名工人為分判商的員工。公司將全力配合勞工處的調查，同時亦會從各方面進行跟進，包括事件所涉及的工序、工作範圍及與商場的通報機制等。
帥建及分判商亦已聯絡死者家屬，安排與分判商分別發放合共20萬元的撫恤金。
RIP 
判上判，無肉食，請唔夠人，可能連資格都唔知有無
外判成日都出事
https://www.am730.com.hk/本地/西九工業意外-工程經理疑擅離-管道被上鎖-油尖重案組接手調查/401760?utm_source=linehkrss&utm_medium=referral[西九工業意外｜工程經理疑擅離 管道被上鎖 油尖重案組接手調查]
…咁即係謀殺?!
搞錯啊呢單！真係痴線！
啲工人仲係下面佢睇都唔睇就鎖門
真係無陰公！
我覺得係監生被殺。上左鎖，無事想走出黎都走唔到。明明預計做到6點，有乜理由六點前已經上鎖，同殺人無分別
真係好可憐，希望法庭還返個公道，唉
我都唔識，我估最多叫誤殺？
頭先再聽收音機新聞講，而家會從刑事方面調查
仲要話個經理上咗鎖後走咗，之後原來都有個同事返去現場，見管道上咗銷就調轉頭離開埋
成件事好癲
我睇內文，似係有人提前上左鎖，經理搵2位工人做final check時見到上鎖就理都唔理走埋。。。。。。
可能佢地都估唔到2位工人根本未出返黎
但點都好真係無枉管又無譜管，仲要管唔好，然後監生焗死
Yessssss
真係癲到無可再癲… 做管理求求其其… 正苦所謂監管又做唔好, 外判多, 仲要判上判… 錢唔夠, 就搵D唔夠秤嘅人湊數… 命嚟架, 點解D人可以咁… 誤殺 
真係謀殺…
我朋友做地盤，好殘忍講句，負責人或公司一定唔會有事，
佢地慣左搵個人來制旗，而且不嬲判得輕，然後就繼續開工
過份，無可能無人支援！
公司姐姐爬梯清潔都要有人扶梯啦！
好嬲
重點
今晚睇新聞之前都咁死過人，好似只係罰2萬咁。何來阻嚇作用？
佢哋一個工程都唔知賺幾多錢
梗係知同謀殺無分別。但相信要告都只會用誤殺去告？
唉…
做經理果個，做安全管理果個 個心真係過得到自己嗎。。。。。。。
你太睇高估人性, 佢地而家瞓得唔好, 最多只係覺得音樂椅輪到自己, 怕要坐幾個月監,
我做地盤嗰個朋友(女仔, 而且仲係大學生), 同我講起呢行對於工業意外D"行規"時, 態度雲淡輕風,
就算你本身唔係冷血嘅人, 入行耐左亦會不知不覺被影響,
而家多左後生高學歷入行, 唔知會唔會有機會扭轉呢行問題
離譜，程序係好多，但無人去遵守，搞到死左兩個工人，兩個家庭失去經濟支柱先係賠廿萬，好離譜！
唔知大家記唔記得ICC地盤意外,
當年我好深刻, 開工第一日, 死左6個工人,
結局係
2016年11月11日，註冊承建商紀錄委員會譴責肇事工程承辦商新輝建築有限公司，並罰款85萬6千元。新鴻基表示7年來向各家庭發放共約1000萬元恩恤金及教育費。
仲要新地已算肯大手筆比錢家屬(雖然除開條數每個家庭大約二百幾萬, 講緊7年總數), 其他工業意外邊有咁多