同部門同事日日咳又打乞痴, 日日食譚仔酸辣, 金拱門, KFC唔戒口.
日日幾條念慈奄同史立浦, 明顯冇效.
今日返嚟佢病情加深, 由於佢今日連聲都出唔到, 又間唔中趴係枱, 明明係佢嘅工作(開會介紹新plan, 陪客人lunch變左我去) 然後見佢想食奶皇流心月餅, 我好多事咁阻止左佢.
我同佢講, 你食左咁耐念慈奄, 飲左咁多包必利痛熱飲(至少兩個月) 都唔好, 仲越咳越勁, 不如正正經經去睇醫生(sorry我又多事左)
下星期上司出trip, 另一個同事同部門放假, 我自私, 我唔病得架, 到時d嘢都係我做架咋
唔好成日覺得帶住個口罩, 食幾多京都念慈奄有用啦, 對自己身體健康負責, 係必須架 (佢知唔知如果我病左, 冇人會幫我跟我d工作, 然而佢病左, 我要做埋佢果份)
(嬲緊)
無計，總有依D人
係同事都話做埋佢果份
係屋企人仲要請埋假帶佢睇醫生
我回應依樣野
同事有病返工唔帶口罩，一副慘樣呻好多野做
我唔覺得佢慘，淨係覺得佢好自私冇公德心
使咩道歉，等開爐吹暖
咁賤
咁佢有咩反應
你同事好怕睇醫生？
咳成咁，唔好話日抖返工，夜晚都唔會瞓得好，佢都唔諗住睇醫生？
佢小心咳得耐變肺炎。
冇, 佢仲啱啱問lunch食茶餐廳d咖哩焗飯會唔會冇咁熱氣
“日日咳又打乞痴, 連聲都出唔到, 又間唔中趴係枱”
好心就唔好返工啦…何苦呢.
我發覺而家好多人都會咳/打乞痴. 咁我知呢d係有時人地都控制唔到, 或者一陣又話氣管敏感點點點.
唉, 我要體諒呢d人, 但係佢地又知唔知, 我冇啦啦因為佢咁就病左, 又有誰體諒我?
佢仲要成日都硬係要遲幾分鐘先至返到公司, 返嚟就扮工作, 實質篤機睇動漫同朋友signal
(嬲緊)
唔使sorry, 要同事做埋佢果份, 俾我都嬲
我以前同事 咳到嘔都唔肯戴罩
結果係成team人戴晒
驚左佢
我都好怕比人傳染到病，因為真係好唔抵，明明都唔係自己唔小心
真係會累街坊，唔可以咁自私 
佢係吾係covid呀？！
呢樣唔洗嬲，佢無講人是篤人背脊已經係好好，
佢都係衰有病唔睇醫生返公司播毒。
你有無扮下嘢，關心下佢有無睇醫生？或講下公司附近有邊間診所口卑好叫佢快啲去book？
啱啱佢"被勸退"放左工先啦, 至少我呢個下午唔洗提心吊膽啦
啱啱上司同我講, 果位同事中左covid…
下星期成個week我部門得我一個咋…
唔好成日覺得帶住個口罩, 食幾多京都念慈奄有用啦
睇唔到
請一星期假，中秋過後返去