覺唔覺得做羊群的人，唔需要有自己思想，主流興咩就跟做或追
佢地活得會比有主見，唔隨波逐流的人好?
身邊羊群朋友生活得舒服，有些已經收成期
我覺得生活好唔好係睇你能力同心態。
有主見有思想，有能力過自己想要既生活唔會唔開心，但心態都上都要明無可能改變所有人。
反而我覺得，有自己想法，知自己做緊咩，唔會俾人左右到心情。
2個讚
去完冥王星回龜鄉巷
我諗起一個故事，係講豬同智者。做開心既豬定智者好？但其實更多人係做緊痛苦既豬，即係有d嘢諗得多但又未完全睇化哂，自己痛苦。
有主見唔隨波逐流既人，如果多d focus 自己得到既，忽略自己失去既，應該會開心。
睇自己身在何處，槍打出頭鳥。
同其他人有異類嘅想法係好辛苦，講極唔明
如果班羊被圈養, 太突出好易被割
1個讚
唔係果種人就永遠學唔到
我有主見，但我都喜歡做羊群（工作上）。
槍打出頭鳥，同埋意見相反嗰陣各執一詞太麻煩
做下輕鬆快活人，收工之後先再有自己主見。
3個讚
認同，我都學習緊。一直以來都係 people pleaser，可能我撈亂左「睇眉頭眼額」同「討好別人」呢個界線，好容易將自己嘅滿足感建築於人地對我嘅睇法。結果就壓力大嚴重唔開心做好耐。
依家仲學緊點樣分返開兩樣嘢，學懂知道自己做緊乜，唔好畀人打亂自己。
3個讚
我自己係近呢幾年先做到呢樣嘢
以前一直明白呢個道理，但做唔到
呢傢望返轉頭，先明白以前「內心唔夠強大」
先做唔到
1個讚
自覺有自己一套, 朋友都覺得我好有自己想法. 認同或欣賞我的會成為真心交流的朋友, 唔認同的會自動互相疏遠. 人生中不留無謂人. Perfect.
1個讚
支持, 有d 人好似一定要拗嬴人先安樂, 見到果d 人真係寧願做羊群, 你話乜就乜啦, 反正只要唔同你持同一意見, 你都係會反駁到我認錯為止。
2個讚
該主題在最後一個回覆創建後180天后自動關閉。不再允許新的回覆。