髖關節嘅劇痛越來越犀利, 有機會要做髖節重置手術. 想問下有冇朋友做過該類手術? 上網睇過香港醫管局嘅講解, 手術後嘅注意事項好多, 特別喺睡姿嘅限定, 比我當年做腰脊手術嘅術後護理要求高好多, 竟然喺我基本無法做到嘅程度. 如果有朋友做過呢種手術, 可唔可以分享下心得呢?仲有, 如果要買床墊, 邊度有舖頭可以試瞓? 網上買嘅未必真係可以啱心水, 到時退貨就好煩. 請大家指教.
媽媽係香港私家做左
做完再無成日話腳痛 行路都唔使趷吓趷下
我老母85歲高齡時跌襯，做左一隻腳髖關節置換手術，做完凈係唔好屈住腳踎，因怕肌肉未生緊包圍金屬關節，怕個關節會甩出，甩出後要入院再開刀，將髖關節推番原位。
但現今新醫學科技，金屬髖關節餉較位細好多，關節之間接合位比舊式更穩固，所以唔太過份姿勢，基本依家都好少手術後甩較。
總之成個人坐上床時唔好屈腳，即係唔好好似日本人咁坐，做完髖關節置換手術果隻腳，坐在床時要向
前伸直，keep 住個零月就可正常，完全冇其他嘢擔心，術後唔好懶多啲練習步行。