極品奶奶事例就聽得多，唔知大家有無咩極品女婿\新抱事例分享下？
新袍都多, 但唔知真唔真, 女婿就唔多
- 遂樣同99計$
- 趕老公D兄弟姐妹走
- 要99湊仔女, 但不斷數99
- 要99幫手買樓，但唔歡迎99上去
- 限制老公俾錢99, 自己貼娘家
5個讚
呢點我見過…
講埋極品外母/阿媽得唔得、講禮金時係女婿面前好順攤、背後迫個女做醜人要幾多錢、當初講話會用禮金買啲嫁妝、最後話金貴咩都無買、但自己買左首飾擺酒戴。大肚時話會幫手坐月最後咩都無做、俾左錢買補品又話貴無買、最後只買左好少好少普通料、好彩請左陪月先有啖湯飲、但就食埋一份、最蠢係個女仲相信個阿媽、話份工辛苦想辭工幫手湊孫、俾足家用加份糧、最後反口、錢就繼續收、咩都得把口、同佢嘈就扮可憐、唔鍾意我哋同男家親近、又叫個孫要照顧佢、鍾意爭同比較、為人自私計較要面、無反面、但個心已經認清佢係咩人。
最後一點：佢居然係一個幾好既奶奶
會唔會係重男輕女所以對個女孤寒。但錫仔所以對新抱要好。
都有關係、同重視面子、對外人又好啲、對女婿又好過對女、知女會死忍
1個讚
一物治一物
仲有乜嘢都要識少少扮代表，要全部人就佢
但呢類人係咪做新抱或者女婿都係煩
1個讚
極品新抱：
99唔幫手湊孫會發爛渣，仲會講啲難聽說話比99聽
老爺比屋住+比1層樓收租，但仲叫老爺每個月比生活費
請工人叫99比錢，但個工人係向佢自己屋企做嘢
同老公啲兄弟姊妹唔啱，背後成日向99面前講佢哋壞話，勁難聽，99又單純（唔單純都唔會比佢恰到）又信係真，比人挑撥離間都唔知
成日喉住老爺99啲錢，驚分多咗比啲女，佢老公會分少咗
成日用啲仔女情緒勒索99，每次同99鬧交（應該係話佢發爛渣鬧完99），都唔比99見啲孫，唔比啲仔女去99度食飯
1個讚
自己爆完99仲唔夠，情緒勒索老公，等老公再去爆99
唔鐘意仔女親99
1個讚
咁樣做就手段低啦
我識果個極品新抱，佢會挑撥離間攪到99同其他孫唔親，淨係同佢啲仔女親
99錫晒佢啲仔女先可以情緒勒索到佢，同埋第時分身家就會分多啲比佢果房人
唔歡迎自出自入定係預先講聲都唔得?
預先講
呢樣我見過！幫奶奶網購，每樣野都收番奶奶錢
1個讚
個老公無錢？點解生活費要老爺比，而個老爺又會比？
因為老爺有錢，個仔同新抱又厚面皮囉
整品新抱 A
結婚後同奶奶一齊住公屋
兩公婆無比家用奶奶，自己用既嘢就會買
其他係唔會買，但就會食左姑仔買番黎既
零食嘢飲，又管住姑仔出街話過左十二點
就會鎖門唔比佢入屋，又唔比佢帶朋友返屋企。
初時以為佢係想迫走姑仔，但原來唔比家用
既原因佢地留番啲錢買居屋，最後搬走人左
奶奶就同囡(即係姑仔)講而家你唔使煩無人會管
你，你可以叫朋友上黎玩。
極品新抱 B
去未來奶奶屋企見到未來奶奶攝左啲金牛係玻璃
和枱面中間，就係咗話有咁多錢。
婚後有日佢上奶奶屋企，就話呀呢度間多間房都得
(個度係公屋黎)。之前都無同奶奶講話想搬返黎，
奶奶就話間屋留番比大佬。
奶奶儲埋儲埋又見到自己年紀大身體又麻麻，佢有
三個仔二個新抱一個孫女，就一人一條粗金鍊，但
因為極品新抱既行為佢就決定極品係無份，仲同另
一個新抱和孫女講你地唔好出聲話有。當極品知道
老公有粗金鍊後，佢真係唔知醜走去問奶奶佢有無，
奶奶話無，佢跟住就問另一個新抱和孫女有無，奶
奶就話無，淨係買比男人，女人係無。
我仲以為老爺有錢，d長輩會強勢d，點知比新抱食住。
我都識個有d似新抱A,自住老爺奶奶屋，兩公婆從來唔比家用或租，新抱A都算好d,d錢同黎儲錢買屋，我識果個係用d錢去吃喝玩樂、買手飾、買手袋，仲想貪老爺奶奶d棺材本去投資，好彩個老公唔比佢動用果筆錢。
1個讚
咁我講下女婿，識得有個同外父外母同住，樣樣洗費都計得勁清楚，連wifi都要按人頭除開每人夾番錢
1個讚