遺產稅好高、普通中產唔會留到太多財富、投資教育等佢哋自由發揮算啦
雖然好多人話自己係
但實情好多都唔係
cash buy 出入渣靚車 食好野 周圍去旅行啦大把香港人係咁
雖未好似班tier 1 咁
但比起其他
大部分香港人都係有貨的
遺產稅有辦法避嘅，對下一代最大嘅投資從來都係教育，所以我唔會學某Ｄ人咁讀唔讀大學都冇所謂，就算唔讀大學都要讀返個資格技能，唔係是旦冇所謂揾幾多使幾多老左靠政府，人生係應該有規劃，亦要教仔女自己規劃
2個讚
Well said, 想做高啲人工嘅10%人口，就不能話英國人都點點點我地就點點點
努力增值自己或仔女，放眼世界，就會到處都係機會
心態真係好緊要
3個讚
努力啲搵錢囉
應該仲有時間嘅
政治難民
唔係經濟難民
2個讚
咁當然，不過要有捱嘅準備
有人覺得捱，有人覺得慳家d 無所謂，習慣咗仲搵到樂趣。
成日掛住食好西、去日本shopping 就領略唔到。
睇下你點tune 個心態啦！
仔女讀到書固之然開心，佢唔係材料又強迫唔到嘅。
走得去英國都應該唔係為讀書卦，有人覺得香港搵到錢讀私立更好。到時讀唔到書就諗吓點解要走囉，起碼得到d 香港無嘅嘢。
2個讚
所以咪就係覺悟性去到幾高
就係叫大家面對現實，唔好下下攞香港中產嗰套出嚟，仔女冇錢讀大學就叫佢借錢，好正常
有啲人就自以為高尚，話人哋冇佢哋咁努力脫貧，睇唔起人哋國家
既然講到有貧要脫，就唔好覺得自己中產，又嫌人哋local啦 ; 開口埋口話英國人靠政府，又貪人個國籍貪人啲教育啊
5個讚
其實香港人好多係靠賣香港層樓賺咗過嚟英國，但係要明白英國d樓唔同香港，唔會買嚟為咗賺大錢，英國人自細就唔會有香港人嗰種買幾層樓投資嘅心態，亦因為無得買賣大賺，英國人真係自細係靠打工嚟儲錢，但呢度人工又低，所以我完全明白佢哋嗰種讀唔讀大學都無所謂嘅心態，有啲香港人仲係好香港中產心態，都無問題嘅，但就唔好批評英國人話佢哋唔肯力爭上游、唔努力讀大學，批評嘅人其實係咪平時好少同英國人傾計？ 你鍾意小朋友（如果係讀書材料）考grammar School又得，有錢讀私校又得，無英國人會批評番你，大家會respect每人係individual
4個讚
其實無人批評邊個
而係你問人點可儲到錢。咁你想搵人圍爐講幾句「係呀，好難呀大部分英國人都係咁架啦」etc，定想聽下儲到錢嘅英國人點儲到錢呢？
3個讚
老實講，好似上面有位會員講，目光唔係淨係得英國，係放眼世界，將來英國變成點唔知，可能有一日會去另一到，裝備好自己永遠係最值得嘅投資，英國local人中意點生活，呢個係佢嘅事，佢地目光放唔到咁遠唔代表我要跟住做先叫融入，我有我嘅諗法，印度人力爭上游個種態度我係欣賞，所以會向佢地學習，佢地都係英國嘅一份子，甚至幾代都已經係英國
面對現實係想達到嘅目標就諗辦法去達成，唔係反正人人都做唔到咁我唔做都冇乜所謂
英國local都有好多種人，有人好懶唔諗明天煮到埋來就食，有人識理財後生開始買樓再換大屋，有家長亦好緊張仔女讀書唔見左張spelling sheet都即刻上谷問其他家長，根本就係睇你想學邊種人
3個讚
唔讀大學就冇前途，要還大學債就變跨代貧窮，唔努力搵錢就係唔上進⋯
希望呢番咁自以為好勁嘅言論，唔好對住本地人講，真係會影衰香港人
1個讚
你睇番樓上就顯而易見。
Ps 我都係賣咗香港樓賺咗一筆過嚟嘅典型香港難民，開topic係真心想討論下，唔係靠而家份英國工開飯，亦唔係想變駡戰
咁你心目中都有答案啦，仲使乜上來問係英國點儲錢，係呀反正都係儲唔到，人地點過你咪點過囉
Exactly………咁希望佢d小朋友全部都係讀書材料，入到名牌大學啦，否則佢一定會好失望
儲咗喺NI 同pension 
我覺得英國貧富懸殊好大, 普遍人工係低過香港但係都有好多人係好高人工,同佢地係有方法避稅. 果埋就儲都錢同埋投資將個波越滾越大
1個讚
努力就個個都會，去人哋地方（唔係幾千萬嗰種投資移民，係靠人哋救生艇）踩人哋唔上進，靠政府嘅就係啲香港自私中產先會嘅言論。個個都幾百萬BNO，最多一千萬囉，有幾巴閉？咁放眼世界就教埋仔女唔好睇人唔起呀記住