要跟返英國人咁唔點儲錢，佢哋都係咁
老咗賣樓住care home唔留層樓比仔女，仲有仔女讀大學叫佢哋自己借錢自己還
拋低香港中產嗰套玩法
1個讚
移民一開始人工低啲 儲唔到錢 或者燒錢頭幾年都好正常
慢慢過幾年人工加 或者升職轉工 睇長遠啦
1個讚
收息收租夠生活, 要儲錢要返工, 或其他investment
做唔到 
做左咁耐人好難即時拋得低
到時仔女還唔到又係家長搞
咁就會變跨代貧窮，香港人甚至亞洲人普遍唔會接受
咁唔接受就要諗吓有乜嘢方案會可行
咪努力讀書入名校讀大學學投資學理財囉，好多印度人都係咁，幾成功，唔通學本地人咁唔讀書唔買樓靠政府咩
學投資理財又唔一定要名牌大學嘅
anyway 加油！
兩個仔女大學local fee，加埋住宿要一百萬（未計通漲）有冇人唔想仔女做兼職？咁加多幾十萬，如果供埋仔女讀碩士，要多一百萬
中產遊戲嚟
所以英國家長覺得讀大學唔係必須，反正出嚟工作人工都係同無讀大學嘅人差唔多
移民冇咗香港個地位、專業同錢，係因為爭取更重要嘅嘢：自由。自由唔係無價
要個英籍同仔女英國教育前應該要諗清楚，堅持中產心態只會令自己痛苦，特別係真係只貪個國籍同教育，唔係因為自由而移民嚟嘅人
唔通學似你完全躺平乜都唔理，我做唔到，亦唔想仔女跨代貧窮，有讀大學同冇讀大學，識見係差好遠，對人生都有完全唔同嘅規劃，人工呢d好睇際遇，但有學歴係點都多個選擇，想做藍領技工亦代表可以唔使讀書，一樣好多證書要考
自由同個人努力上游係冇關係，正因為西方人抱住呢d有事政府搞掂心態咪搞到政府破產，唔通印度人來到努力讀書算死草搏命儲錢俾自己過好生活就應該俾人笑諗下自由何價，你都幾不知所謂
4個讚
其實會唔會有機會自由同錢財兩者兼得？
我係澳洲，稅一樣重，專業人士嘅人工比香港低一截，奢侈品比香港貴一截。
總覺得呢度有唔少人係好有錢，
從樓價、車、消閒模式估計，
只係大部分人都好低調，用名牌都係低調奢。
唔知佢哋點搵錢同合法避稅？
只知遊戲規則同香港好唔同。
咁我鼓勵大家好好儲嗰二百萬喇，冇我份，加油
又要移民又唔係投資移民又唔認係難民，陰功，辛苦晒
我細個生活嘅環境係窮得嚟但又餓唔死嘅時代
果陣又唔見得好絕望喎
香港好似而家咁，講到咁易搵錢，都係呢十零年嘅事
我剛剛大學畢業出嚟搵份工得8千蚊仲要做到嘔
係做咗幾年人工慢慢加先至生活得舒服
但係呢d都唔係必然
經濟會有起有落
香港面對嘅問題，好大機會返唔到轉頭
所以唔好回望喇
如果覺得窮，想搵錢
一係就勤力d打多幾份工
一係就減少洗費
同埋學下理財
最緊要一樣嘢，就係唔好呃自己人
2個讚
好難囉，唔好講仔女讀書，連日常生活都仲掛住同一套。
我都想認係難民呀，讀大學即有local fee唔使搞聯署啦，可惜人地都唔當我地係難民，至於投資先可以移民，呢件事out左好耐啦阿嬸，而家個個國家都搶人，錢已經唔係最重要嘅要求啦
1個讚
無錢又一定要讀大學，其實返香港讀好平。
會唔會俾人鬧我叫人返大灣區㗎？
2個讚
呢度稅高、真係好矛盾、努力搵多啲去到高稅階又係氣餒