小朋友嚟緊報下年n班，報咗3間幼稚園，都有invite小朋友參加佢哋攪嘅playgroup，有一間仲講明報佢哋playgroup會優先取錄
而家3間入面有1間已經報咗同上緊堂，講真真係麻麻哋，唔覺得學到啲咩嘢，主要都係比個空間小朋友自己玩多
其實係咪報咗呢啲playgroup收生機會大啲呢？ 仲考慮緊另外兩間嘅playgroup報唔報名好
正常就係
但我覺得依家少左學生，如果本身間幼稚園唔係同神校有聯繫既話，又唔洗一定入個間。
唔知你明唔明我講咩（因為我都覺得自己講到好怪
）
Playgroup > 幼稚園 >小學
有聽過入某間playgroup，大機會入寶山幼稚園，大機會入st Paul so-Ed
如果呢個係target, of coz!
但好似德望幼稚園都唔收哂入德望，既然係咁，係咪非入德幼不可呢？自己衡量
如果唔係好名幼的話，正正常常上playgroup 應該係有優勢的。同埋細個上playgroup 都係想佢玩下唔同嘢，認識下上堂環境，嘗試群體生活例如守秩序同跟指令。係廢廢地同好多其他地方都做到，所以目的真係齋供會 
不過呢幾年收生困難，好多學校門檻都低咗。
如果淨係返一間playgroup，我會揀自己至想入嘅幼稚園
反而你話覺得唔好嘅方面，會唔會令你對嗰間幼稚園印象差咗，冇咁想讀嗰間？留意有啲幼稚園嘅playgroup 老師係contract，唔一定係自己老師。
so far 聽過
- playgroup 只係供會用，貴但質素一般
- 供完會未必有學位，家長就嬲嬲豬
- 無供會唔代表入唔到心儀幼稚園，幼稚園通常都要懶公正開放機會比其他人
結論，得啖笑，供會只係比種心理安慰自己有機會入幼稚園，但無人講到個機會有幾大
米傻 而家連名幼都易入左 大把名幼不用了playgroup都入到k1
雖然經常都聽人話易入咗，但到自己報名嘅時候依然都係好緊張，好驚報咗幾間都唔收
呢個真。普通人冇權冇勢但有啲錢就一定要入 ITT 先可以買張門券考寶山。就算入唔到，都可以入維記等等名幼。
但唔係嗰個圈子真係唔好亂報同讀，尤其係標榜入傳統名校嗰啲。佢地本身父母就係舊生/有關係，讀乜都可以幾乎躺平入。