咁不如影多幾套婚紗相補償返.
婚紗相只要你老公同你, 唔駛牽涉好多人, 又唔駛花好多錢就可以影.
仲可以去日本影日式
咪當結婚週年紀念
趁青春影多啲相, 都係好事.
咁呢個一定會啦。好彩遺傳到唔易肥同老既基因。
我最近都影左孕婦相。叫做彌補遺憾，希望影到出嚟好睇。
永遠是最好
過多幾年，你唔會知道乜嘢叫浪漫㗎啦。啲相亦都冇攞返出嚟睇。
其實婚禮會有浪漫感覺架咩？
懷疑係樓主ff,覺得邊度做好啲就會浪漫
我自己覺得點都唔會浪漫，完全係一場吃力不討好嘅show
有冇一個有浪漫感覺既jm分享下
1個讚
或者係我對婚禮既fantasy? 我覺得呢類草地feel好浪漫。同鐘意好多花deco既感覺。
同當時好多長輩又唔鐘意食西餐，但我覺得西餐靚啲。
同我個陣又要為左方便佢哋去，又唔可以揀呢啲venue。
題外話。我老爺奶奶食唔慣西餐，之前竟然有次帶佢哋去香港西餐，個間餐廳係落得多芝士既，但之後佢哋食完唔舒服。我其實都幾驚訝。
佢哋係搵好多錢，但啲習慣好老人家，好似好跟唔上時代咁。佢地連壽司都唔食。但我呀嫲都會食三文魚。唔知其他長輩係咪咁。
本身我地話covid完左搞婚禮，但兩邊長老都話唔得。佢地好傳統，一係係簽咗紙就搞埋婚禮。唔係覺得唔係真正結婚。咁我個陣又心急唔想拖住。就所有野都袋住先。Covid個排咁頹，連試婚紗同試妝都無去。
不過我都係呻下。係其他地方滿足返未圓的夢。
我爸媽啲結婚相佢哋都會攞返出嚟睇啊。宜家手機咁方便。不過我宜家睇返佢地啲相都係老土，只不過係有個回憶咁解。
其實你唔甘心係所有嘢都要就其他人冇得自主？
講件真人真事你聽： 有一次我去個好似你個張相咁樣嘅outdoor venue。 喺新郎新娘講誓詞嘅時候突然有條青蛇跌咗落個姊妹個心口。個姊妹盡量忍也忍不住尖叫左一吓…… 隨咗想大笑之外一啲都唔浪漫
1個讚
我都係疫情期間草地婚禮，好曬好多蚊 
影相係靚既
不過證完婚個個急急腳走
1個讚
又唔可以完全咁講。個陣covid成個氣氛係搞得到婚禮已經好好，我個陣係大概一個月就confirm哂所有野，成個過程都係酒店中上，有花就得，有衫就得。個陣係無花好多時間諗要著咩裙。因為最多都係得60個guest。
但宜家正常返，見到啲ig 或者youtube人哋整得好靚就會覺得早知我都咁。但同時間我又會諗到我鐘意既同長輩唔一樣，無理由叫人黎食飯係整啲人哋唔啱食既野。如果去完飲食到唔舒服或者交通唔方便，會俾人講成世。
所以就係圍爐講下，都無咩話好唔甘心既。我當時既選擇係權衡下作出，但如果俾我夢想中既婚禮唔係咁。
我都聽過啲揀outdoor 但天氣唔好，成個deco冧咗。
我係好鍾意花嘅人，有年去朋友婚禮，雖然係聖誕嚟，但當日天氣係好熱嘅，正午時份大家坐住暴曬等開始／行禮／完咗排隊等影相，作為賓客只記得好熱…好Q熱…其他嘢完全感受唔到，感覺全部人個狀態都係
。
不過你宜家過咗去喇，或者將來週年紀念，再為自己攪一次浪漫活動。
我自己都有試過，後悔無影輯靚婚紗相／後悔婚宴當日選咗一條無咁靚嗰條裙同賓客影相（咁大家都會留住我無咁靚嗰刻）／後悔大肚時無好好影相…不過人大咗覺得，諗下就算喇，人生就係有唔完美…
基本嘢唔揀港男台男嫁嘛
1個讚
係，其實我就唔係超鐘意影相。但見婚禮時候有後悔，我就book左影孕婦相。都有花deco 但假花 
但我老公又真係令我覺得值得嫁。同我屋企長輩都食，唔關香港定台灣。
1個讚
浪漫要用錢+人堆砌出來。
蔡康永分享過一次台灣婚禮，男女主角係沙灘行禮，
佢地幻想就係美國電影嗰種（即樓主幻想嗰種啦），客人著到casual之餘，又有style,
現實就係班長輩男嘅西裝，女嘅旗袍+jade首飾，仲未計班後生女一定怕曬，一定開晒遮。
佢結論係，各位新人唔好夢想浪漫婚禮，因為大部分浪漫婚禮都係來自西方，浪漫都要睇入鏡嘅係咩人，你家族主要係華人，你搞西式浪漫，咪一定唔浪漫囉
4個讚
香港氣候一定多蚊，
香港人唔係鬼佬，佢地怕曬，所以一定擔遮，
仲未計呢啲草地婚禮賓客打扮都好重要，英式的話男人最好三件頭，女人one piece仲要戴靚靚帽，
美式的話男人唔駛打tie, 但恤衫都要fit身，起碼gel 下頭，女人亦要打扮，
香港人最愛嘅polo 牛仔褲一定大剎風景。
你想像下聞住蚊怕水味、舉目之下人人擔遮，（唔計客人識唔識配合場地著衫） 你接唔接受到先
2個讚
我驚訝你嘅驚訝，唔食開奶類制品嘅人好大機會有lactose intolerance
唔食芝士同壽司就係跟唔上時代步伐？你試下係面書出post, 應該被人鬧死
2個讚