疫情個陣結婚，宜家啲婚宴正常返。有啲後悔自己個陣揀既婚禮場地。理性上覺得無謂，都結咗婚老公對我好，但ig有時show我睇吓啲婚宴資訊就有啲覺得後悔。
有時會諗早之揀呢個攝影師，早之著呢條裙。
我相反…結咗婚之後連相都唔想睇返，只覺得完成咗件事鬆一口氣
唔緊要啦，早結婚可以早d享受二人世界嘛！
15個讚
可能結婚日子尚淺. 過多幾年, 特別有小朋友後就唔會理lee d.
3個讚
咁點吖，千金難買早知道
1個讚
有時結完婚係咁，做咩決定都會有後悔，唯有生完仔擺百日宴再揀多次
不愉快事，再生再loop 擺1歲生日會
週年紀念/百日宴再擺多次
總有難忘的回憶
真係好無謂，得閒得滯諗埋啲無謂野，快快趣趣生個B, 攪個百日宴，再著過另一件婚紗，搵番間靚酒店。一歲生日再攪過，無限loop……
4個讚
其實呢啲儀式上嘅嘢都幾浪費金錢。我寧願用呢啲錢買架靚車好過，起碼可以坐得舒舒服服
4個讚
已經完成左嘅嘢，無謂再諗啦！ 這樣會無止境⋯⋯後悔。
向前看，計劃未來，實際啲。
1個讚
唔係後悔嫁錯郎就得啦
4個讚
婚禮只係一日，婚姻先係一世
嫁到好老公，已經係最好的事情
向前望，諗下點樣同老公過日子仲好啦
1個讚
老天爺的事為何要逼問凡人 哈哈哈
個陣就係想早結婚，總係得一想二
個陣就係太實際，上網睇人講話只係儀式，最緊要之後既日子。我就將budget放去結婚戒指。車就本身老公有。
我有揀係五星級酒店擺既，但當中衫啊，花啊，攝影師都無好用心揀。諗住有就得。同本身鐘意西式但就長輩食中式。
我知都係小事，但發覺唔係真係好似其他人講咁之後唔會諗返。
如果揀得五星酒店擺，唔俾心機啲揀埋其他啲嘢確實有點浪費。
但又咁講，呢啲好睇觀點與角度嘅，嗰啲千億婚禮有人覺得得係世紀婚禮，但有人又會覺得千篇一律不外如事。要做只係做俾自己睇，唔使理人點睇
1個讚
咁你搞多次囉，當係party咁，唔收人情應該大把人肯去, 當係免費食多餐。
我同事都係covid結婚，佢開心到不得了，因為大條道理只簽紙。
點知而家四大長老身痕，嘈住要佢正式擺酒，同事受唔住日嘈夜嘈，終於決定擺酒，首期又要儲過，佢話唔知有冇親戚肯去，到時冷冷清清（其實佢唔care), 長老又會嘈過
2個讚
好認同，所有嘢都只係儀式
最緊要老公對自己好
婚姻先係重點
樓主老公點䏲？係咪同意再搞多次（當一周年紀念？）？如果唔係，樓主不斷諗返轉頭都無用，即使肯搞多次，到時一樣有唔滿意既地方，唔通又繼續loop?