630 黃埔2房幾大先？ 466呎和389呎的2房，差別已經好大
似389啦。可能係對住停車場嗰啲低層呢？ 黃埔咁舊，要買都買新樓啦。大酒店對面有一堆新樓
466，低層。
係，所以我層樓賣唔出。 
我應該點辦？降價？
等 或者 減
我諗可以等多幾星期等10月施政報告，近排放左咁耐風應該點都有d 措施。到時你再減d 價快d 走，逃生門黎。
啱啱出咗新措施, 不過係幫一手樓散貨.
金管局旗下按揭證券公司今日（22日）宣布，將按揭保險計劃就樓花住宅物業作出修訂，使適用的合資格準則與已落成住宅物業看齊，樓價1,000萬元以下樓花物業最高可承做按保成數9成。
港府公佈進一步放寬高成數按揭政策，星之谷按揭轉介行政總裁莊錦輝歡迎有關調整。他表示，過往僅1,000萬元或以下已落成物業才可敍造9成按揭，樓花則需要樓價600萬元以下才可申請最高8成按揭，450萬元以下最高8成至9成按揭；新政策之下，9成按揭涵蓋樓花，對有意置業人士有好處。
此前，大部份首期資金不足的業主只可選擇建期計劃，有機會因為樓價下行導致估價不足，或自身就業情況改變而影響日後「上會」。新政策實施後相信更多人會選擇即供，減低時間風險，同時鎖定現時按揭利率及優惠，樓價比建期計劃亦會有2%至3%的折扣。
不過，莊認為，新措施無助激活整體樓市，因現時息口仍未明朗，以及「租平過供」情況持續，是左右入市意慾的最關鍵因素。
原文網址: 樓花按揭借9成 星之谷料更多人選擇即供付款、減低時間風險 | 香港01 樓花按揭借9成 星之谷料更多人選擇即供付款、減低時間風險
係，按保放寬埋去樓花。我估10月施政報告仲會有其他樓宇政策，而家就算樓主肯減，班買家應該都會等埋施政報告講咩先出手。
多謝你，而家心力交瘁。 
學樓上講，等施政報告出台。
話時話，我覺得今個星期好似多咗人出嚟睇樓
新樓都賣唔晒～得成哥深水炸彈賣哂
梗係要幫啲一手樓先啦，唔通幫啲等緊出二手貨嘅中產，等佢哋可以賣完樓帶埋啲錢走去移民！
3個讚
乜都假 個個睇尺價 今日個乜乜山賣得三十幾伙
我都覺得正苦只會推一手,推一手對正苦有利
因為好多購買力移左民，中價樓係好難放到估價。如果你有心賣 同 已經接授到估價9折賣，你叫地產直接標估價-8％. 你標估價既話，近排d 客連睇都費時睇。
有無裝修先？你可以1個星期減1%去睇下個情況再決定。
如果係一千萬以下上車盤，好多準買家都是首置，冇乜置業經驗，鐘意買新嘢
如果個盤好舊，建議用少少錢油油翻新，掉晒所有舊家居令間屋望落大啲，會易啲出貨
利申：之前細裝後一星期就賣咗
2個讚
多謝大家比意見。
根據顏寶剛的思路，睇下入伙新樓多唔多撻訂，就知道後巿仲有無承接力
半新盤方面，2021/22年以高價賣出的樓花開始收樓，由於當時樓價高企，買家現在陷入兩難局面，部分之前未上會找按揭的，現在基於估價不足，可能需要「抬錢」才能完成交易；亦有買家索性撻訂離場，但就可能面對發展商日後追收差價風險。兩項因素將成為樓市加劇下跌催化劑，恐怕第四季樓價跌幅將會加大，甚至由今年高位回套逾一成。
https://www.rfa.org/cantonese/commentaries/po/com-09252023105329.html
1個讚
正苦未必是刻意忽視二手業主，只係大地產商地產霸權牙力大，功能組別嘛，緊係佢哋的利益和“感受”行先啦
正苦頂左咁耐都唔撤辣招，都算係企得硬架啦