係大約什麼價位既樓[quote=“0fde276a753947b886ef, post:1, topic:75111, full:true”]
已放半年，上來二十組（粗計）客睇，仲未賣出。 
點睇？
[/quote]
係大約什麼價位既樓
係呀！
賣掉物業，除非離開香港，留港只有租樓。
業主心態貴買，自然貴租。
銀行利息都升左，供樓成本都高咗。
管理費就算唔係每年加，都格年加。
差餉+地租 全部都係成本⋯⋯你幾時見到政府減差餉地租，幾乎都係加、加、加。
如果今次平啲租咗出去，以後租金都唔使再加多少少，
所以唔到（合理）價，無謂租出去，因為蝕裝修，
情願留空，都唔賤租。
仲有 剛剛之前係 暑假，每年暑假都係地產旺季，今年旺租唔旺賣。
如果會撤辣就唔同講法啦，政府呢排都係度不停放風
1個讚
撤辣好大機會人踩人趕出貨，好多貨因為未夠3年未出得，到時更加要大劈先甩到，所以想賣樓嘅人唔會撤辣
4個讚
對比返人工，香港租金又未算超貴，早2年跌左嘛，而家都係合理地升返，睇返英國就真係升到痴線
2個讚
630萬兩房，黃埔。
依家d人睇樓心態係執平貨，以銀行估價再劈你10%, 睇業主心態如何，之前好友等左一年出貨都叫微賺，已經同高位相差一球，佢話輸少當贏。超過100枱客先賣出, 已經係東南鳳凰樓有裝修位置方便。佢一開始覺得條件咁好唔甘心低價出貨，最後要面對現實吧！
4個讚
我估會跌，慢慢陰d陰d跌，同一屋苑一個單位比一個單位叫價低。
有層樓有租客住緊，我想甩手，但見同屋苑內成交價都係繼續放租。一間比一間低，年頭同一價錢買低層，今個月同一價錢，買到中層。
認同，
同埋呢間劈唔中就睇下一間，
通常都唔肯還價加少少。
咁佢辣招有幾款，如果係撤內地人買樓30%個隻，咁樓價應該會短暫上升既。同埋雙重印花稅，總有d 對樓有迷信既人會落搭。
我都覺，我其實估佢會撤非港人買樓30%稅個隻，因為近排放風放得好誇張。
係咪會仲多人放售？
冇架而家 個個等佢跌多啲先買
1個讚
佢有3個辣招，我覺得其中有2招撤左會暫時穩到樓價，第一就係非本地人30% BSD，會多左內地專才買樓。第2係雙重印花稅15% DSD，會多左D 投資客買第2層。
而綁3年先可賣既SSD，如果佢撤左，咁會多左人賣，樓價應該會再跌。所以如果政府志在穩樓價，應該冇理由撤呢個。
撤雙重印花稅變相鼓勵炒家，會俾人鬧，我估政府唔會輕易咁做。綜合番今年佢地政策成日提吸人材，所以我估如果真係撤辣，應該係會非本地30%稅個招。
以上係非專業9up
5個讚
你岩，仲有第2層要俾稅，撤呢個嘅話應該刺激到下，好多仍然睇好香港嘅人會落搭，趁平入多幾層
想賣樓嘅人要趁呢次套現，最後逃走門
5個讚
得返630咁慘
咁應該真係同09年初有啲類似
當年因為樓等人買，我同我媽係一心去鋤價
比叫價（即銀行估價）低5%成交，但樓價都低嘅（減咗10萬多啲）
前業主係換樓入校網，已經買入新單位，所以肯減
當年亦有業主死守唔減，我就唔返睇囉～
我只係分析買家心態，應唔應該平賣都係雙方決定～
1個讚
但而家得返自住嘅購買力
仲有批人心大心細可能會走，得返一定唔走果批先諗換樓買樓
啱啱某藍籌屋苑跌到6XX萬放
【#藍籌屋苑】 荔枝角美孚新邨664呎大兩房 僅670萬成交 實呎約1萬
荔枝角美孚新邨樓價低水，最近再錄低價成交。香港置業吳志輝表示，涉及單位在三期百老匯街75號高層A室，實用面積664呎，原則大兩房，望內街景。據了解，原業主於2021年5月以938萬在市場放盤，兩年間面對現實持續減價，最新減至670萬元成交，實用呎價10090元，累計減價268萬或28.5%。
原業主於2009年10月以359.2萬元購入，至今持貨近14年，賬面獲利約310.8萬元，單位期內升值87%。而9月份至今，美孚新邨暫時有9宗成交
#藍籌屋苑 #荔枝角 #美孚新邨 #低價 #減價 #實用面積 #兩房